|
|
شخباركم بنات؟
عندي استفسار بسيط
مادري حلاة المسكة تاخذينها من عند الاتيلية مع البدلة ولا من عند محلات المسكات المعروفة؟
لانه فيه اتيلية مريت عليه قالت لي اصمم لج المسكة مع البدلة وحبيت اخذ رايكم لانه ماعندي خوات استشيرهم ومعتبرتكم خواتي ..والف شكر لكم :
اما من رايي روحي لمحل الورد لانه الاتليهات غااااااليه بس تصميم بدون الورد
اما محلات الورد التصميم مع الورد منهم ويوصلون المسكه لين الصالون
وانا انصحج في محلات الورد في شارع بيروت بحولي صوب شارع دار الشفا
عندج محل بياع الورد
ومحل نيكولاس
وبالتوفيق
الله يوفقج وينولج اللي ببالج..
وأخدمج بالافراح ان شالله..
عندج زهور الجره و زهور البدع شغلهم حلو
او ممكن الي بيصممون لج الكوشه يسون لج المسكه عشان تكون نفس نوعية الورد
بياع الورد شغله دفش وكله يرش الوان على الورد ويحط شوارفسكي على الورد الين ما الورده تذبل
روحي لمحل تلاقينه بالضبط مقابل مجمع بيروت اسمه بانسيه فلور
والله شغله راقي والمحل يفتح النفس واسعاره مناسبه
انا مسويه مسكتي عنده وكذا وحده مسويه عنده وشغله حيل حلو
يهتمون بالورد اللي يحطونه وانوع الورد كله من براا وغريب
نصيحه لاتروحين لبياع الورد
ولا تدرين انتي روحي لبياع الورد وبانسيه فلور ترى كلهم بنفس الشارع وشوفي الفرق
وبالتوفيق 
شرفني مرورج ياصبا
صمميها انتي بالوان تلوق على الميك اب اللي بتحطينه والبدله والكوشه
وشرفني مرورج.. لاخلا ولاعدم ياغلا
رفجتي كانت مسكتها منهم على ما اعتقد وماشاءالله كانت وايد حلوة
مشكورين وشرفني مروركم..
وجزاكم الله الف خير ع النصايح الحلوة..