استفسار عن قاعة صباح الأحمد

السلام عليكم ورحمة الله وبركاته

شلونكم شخباركم ؟؟

لو سمحتوا بغيتوا استفسر عن قاعة صباح الأحمد اللي بحولي

شلون نظام الحجز فيها ونظام البوفيه عندهم !!

ولو سمحتوا ابي رقمهم

وانشالله نردلكم اياها في الافراح

انا سمعت انهم يتعاملون بالبوفيه بس مع موفنبيك الي هو شهريار
والتليفون اتصلي بالبداله او 808080 عشان تعرفين نظام وطريقة الحجز

هلا اختي ام درر

اي امبلى انا سمعت جذي انهم يتعاملون مع موفنبيك

بس ياليت اللي تعرف عنه تعطينا معلومات

وجزاها الله الف خير

ما اعرف انشالله البنات يفيدونج بالتوفيق(:

والله ماعندي فكرة وانشالله البنات يساعدونج

للرفع

هلا حبايبي..
انا كان عرس حماي بشهر 7 بالصاله..

العشا يكون من موفمبيك.. الاكل راقي وما عليه كلام

والصاله عجيبه.. ديكوراتها تينن ويديده..

بالنسبه للبوفيه عندهم قائمتين..

في قائمة الشخص يطلع ب 6 دنانير..

والثانيه ب 8 دنانير.. يكون فيها اكل بحري..

بس بصراحه.. الصاله راقيه وتعامل الموظفين وايد حلو..

ولو تروحون تلقون نظره.. هم فاتحين من 9 الصبح لين 8 المغرب..