تـعالو انقسم المهر عشان يكفينا

السلام عليكم

بنات اشلونكم شخبااركم؟؟

بنات انا مهري متوهقه فيه مادري من وين ابلش فيه

.. وقلت اشتري اشوي اشوي احسن من اشتري مره وحده واتوهق اذا ناقصتني جم بيزه وجذي

وقلت بعد احسلي ابلش ابركاده وقبل العرس بمده عشان اذا احتجت اي شي اقدر اوفر فلوس من معاشي

فقلت لازم احطلي مخطط واحط حق كل شي ميزنيه معينه عشان اقدر اشتري الي ابيه واني ما اخربط وايد علبو انه عندي افلوس وايد

وقلت بنات ياليت الي موظفه اتقولنا جم تخش من معاشها حق المهر عشان يصير عندها مبلغ وقدره واكيد بيفيدها

وانا موظفه فقالتلي امي خشي عالاقل 100 بس انا اشوفها حيل اشويه وقلت قد ما اقدر بخش اكثر .. لانه انا حيل اخربط بالفلوس خخخخخ, يعني عادي اشتري اغراض مو محتاجتلها
واغراض وايد اشتريها وما البسها .. وحيل حيل اهتم باللبس والمنظر .. وامي قالتلي مايصير لازم اتخشين افلوسج و وقت عرسج كشخي عدل
وخشي كشختج حق ورا العرس .. بس انا والله بنات ماعرف كلششششش من اشوف شي حتن لو غالي على طول اخمطه : وبنات عمي قالولي مايصير جذي والله بعدين ادورين الفلوس امداور

انتو اشرايكم بنات .. يعني اللبس ما اشتري الحين كلش .. وكل شي اخشه حق تجهيزي؟؟

وبنات قولولنا شنسوي بالمهر واشلون نقسمه

انا بقولكم عن نفسي .. انا عندي 7000 تالاف وطبعا لابد من ساعه الماس بحدود 1000 و1500 وبدلة عرس بحدود 2000 لانه كل شي غلا :
ولابد همن من جناط ماركه وغير الذهب والشبكه :× يعني هذي اتوقع يبيلهم 5000 تالاف واكثر عز الله راحت الفلوس وكل شي غااالي

فعشان جذي قلت لازم اخطط واسوي ميزانيه عدله فقلت ابيكم اتساعدوني من حيث اشكثر احط حق كل شي افلوس من

بدل الطلعه, تايير, دراريع, ملافع, ملابس داخلية, قمصان نوم, ملابس بيت, عطور, مكياج, اكسسوارات, جواتي وانتو بكرامه وبعد مادري انتو قولولي :×

اي بعد عبايه انا ما البس عبايله بس لازم عبايه حق عرس جمعيه عزا وجذي فعشان جذي مابي ادخلها من ضمن الحسبه ..

وبنات يلا قولولي اشلون قسمتو الفلوووس (:

أولا الف مبرووووووك ياقلبي ..

والله يتمم عليج .. والله انا ما قسمت المهر …
بس اذا رحت السوق مثلا اخذ 100 للمكياج .. معنى ما كفت
يعني كل مارحت اخذ 100 ولا 70 يعني اشوف جم الي يكفيني واخذ ..

وموفقين يارب

نور الكويت حياتي انتي انا مكياج مابي اشتري وايد .. لانه اساسا انا احب اشياء معينه ما احب اخربط

مثلا ما احب احط شدو الا البني لانه اهوا احلا شي بويهي .. وقلت حرام اشتري شدوات على مادري جم واقطها .. فقلت اذا اشتهيت شريت من اي شدو مو شرط ماركه ديور ولانكوم وهالسوالف
واخذها وياي بشهر العسل منها اضمن محد يشوفها عشان مايطنزون علي هههه بس والله شدوات ماركة كراجا الكبيره روعه روعه واهيا الي تطلع بعيني
والله ماقص عليكم عندي شدوات ماركات طبعا الي شاريتهم علبو عندي معاش وبتشيحط فيه ولا الي من امي حاذفته ماتدري عنه وصج مو حلوييييين كلش كلش ولا يطلعون عالعين
الا لانكوم البني هذا روووووعه والباجي والله ماعجبوني ابد ابد

فقلت انا المكياج اشتري من الماركات الاشياء الي استخدمها صج صج مثل شدو بني واضاءه من ماك وماسكرا هذي غراامي اشتري يمكن 6 :× وحمر وقلوسات اوكي
وفونديشن وكريم اساس وكحل وقلم كحل وبلشر وايلاينر ومثبت مكياج واضاءه وفرش وصبغ اضافر .. بس مابي اكثررر,

وانا عجبني كحل ازرق وايلاينر من الهنود عجييييييب قلت اخذه وياي شهر العسل ,, اشرايكم؟؟؟؟؟؟

ولا مايصير اخذ جذي حق شهر العسل؟؟؟

والله ياقلبي انتي عرووس ولازم تحطين مكيااااااج مثلا مو كله بني
غيري لونج حطي اخضر والبنفسجي والمشمشي الووان حلوه وتصلح للعرايس
والكريم يكون لونه حلو حق العرايس .. وشكلي من المكياج … مو لازم يكون ماركه بس اهم شي الونهم وانهم يثبتون ومايصير اشهب

ومن ناحية الكحل الازرق وايلاينر اخذي اذا عاجبينج .. ترى الكحل الملون مثل الازرق والاخضر والسماوي حلو للعين وتغيرين ممن شكلج بعد ..

لا يصير تأخذين غيري شكلج عند ابو الشباب واذا طلعتي بعد يكون مكياجج حلو وناعم .. وموفقه يارب

ادري والله لازم وتدرين عاد نور انا اعرف احط مكياج عدل عدل .. بس انا والله مو حلو علي الشدوات وهالسوالف الالوان لانه اشوف نفسي
دايما احط بالبيت واجرب ويطلع حده مو حلو على ويهي

واحلا شي علي الميك اب العادي مسكرا وحمره ورديه طبيعيه جذي .. او شدوات البني, وهمن حلو الكحل الازرق بس انا قلت باخذه وياي شهر العسل احسن

لانه جربت من مكياجي وجربت ديور كلش مايطلع على عيني!!!

بس اشوه اذا عادي بشتري من هالخرابيط حق شهر العسل :××

ومادري الوان ثانيه كلش ما اقدر احط لانه اطلع قبيحه لووول

خخخخ ما عليج .. مع العدسات والمكياجج والالوان بتطلعين حلوووه إن شاءالله

اي كثري من هالخرااااابيط المهمه مو الي مالها معنى واذا تبين كحل الي دخل العين قولدن ليدي .. وسمايلنغ .. ترى حلوووين حيييييل

ورووووحي اخذي من شارمل كحل بن نااااي السماوي فضيع .. ومكياج شارمل كله روووعه وعندهم فوااااااااااتح اخذي منهم

وموفقه يارب

اي اي نور انا قولدن ليدي احب الازرق زوووغه .. بس كحل اسود اخذ من مكياجي ونينا ريجي

وشارمل ماعليه كلالالالالام خصوصا الشدوات والكريم الاساس .. بس كحل بن ناي السماوي هذا يطلع بالعين عدل نفس قولدن ليدي؟؟

مكياج عندج من قبل بس ضيفي عليهم جم شغله بس ما اعتقد انها بتتعدى 70 دينار ككل
ولبس هم عندج واشتريلج بس 5 بدلات او 6 كفايه ما اعتقد ان اللبس اللي بالكبت راح ينقط يعني ماراح يتعدا 300 دينار كلش كلش 400
ولا تقولين شويه لان الذوق ابد ماله علاقه بالفلوس شفت عرايس شروا شغلات بالاميات والله لو يقولون لي اخذيها ما آخذها حتى لو بعشره

اشتريلج قمصان نوم بالكثير اخذي 6 او 7 لانج ما تعرفين ذوق ريلج ونوعي رخيص وغالي لا تاخذين كله غالي
واشتريلج ذهب وساعه ألماس و ذهب وطقم ألماس اذا تبين يعني ماراح يكثر 3000
على بدله العروس الحين وايد مواقع تبيع بدل عروس تهبل بالاميات بس طلبيلج اللي يعجبج فيهم
وهم في عضوه اهني عندنا بدله وايد حلوة

ترا ميزانيه الملابس والمكياج والعطور و قمصان نوم ما تتعدا 1000 دينار
والله اللي قاعده اشوفه اغلبهم قاعدين يلعبون لعب ويفسفون بالمهر وآخر شي يقولون راح على الفاضي

وموفقه حبوبه

هلا بالزين بلو (:

شوفي حياتي انا مستحيل اسوي 6 7 بدلات احنا مجتمعنا ابد مو جذي :

وبعد مستحيل اخذ وياي هدومي الي لبستهم قبل عرسي لانه حمولتي انعرفهم,

والبدله همن اذا ماصارت من مصممين ومن الاسطوره ماراح اتقعد راسهم اعرفهم والله كلش مايبيلهم بدله بيضه تحت الـ1000

تخيلي البدل بس بدل الطلعه والدوام اتوقع بشتري وااااايد

غير التاييرات يعني 4 5 جذي لازم حق الاستقبالات .. والدراريع عالاقل ثنتين ثلاث لانه ما البس وايد

وغير بدل البيت حق الغدا وهالسوالف :×

يعني شي واشويات

لا وبعد غير المصوره :× ه1ي نسيتها معنها تاخذ 700 800 جذي

بس انا بعرف جم يبيلي عشان احسب :× ادري ماراح يكفيني 7000 وابوي وامي مراح يقصرون بس انا ابي اعرف جم يبلي واحطهم جدامي واسوي شغلي

بن ناي حلو والله بس اذا شريتيه حطي عليه الولاعه .. وحطيه على العين يطلع رووووووووووعه ..

موتحطينه وهوحار لا لمه يسير دااااااااااااافي ..

اي اي نور ادري لانه مره حرقني لوول :×

والله يبيله (: مشكوره حياتي

واذا اتعرفين سوالف كريمات وجذي قوليلنا لاهنتي

اشبقا
ما خليتي شي الله يهداج

المهم ..
الله يوفقج حبيبتي وعليج بالعافيه
انا امي الله يخليها اهي قسمتلي مهري
يابت ظروف (جمع ظرف)
وحطت بكل ظرف مبلغ وكتبت عليه من برا حق شنو
وكل ما بروح السوق اسألها شنو بنشتري اليوم
مثلا بدلات
آخذ ظرف البدلات معاي
وهكذا ^_^
امي طريقتها عجيبه
منظمه وبنفس الوقت احدد مبلغ حق كل شي ما اتجاوزه
والحمدلله الحين تقريبا خلصت الاساسيات
بس بقا التناتيف
وهالتناتيف اهي اللي بتطلع عيوني
والله يعين

والله انا من الكريماااااااات الي حق عرااااااااايس

استخدم اماندا 18 وماكس فاكتر 100 وكريم لندن اخلطهم وحطهم على الوجهي بعدين بودرة سمايلنغ رقم 9 ..

واما اذا تبين نااااااااااااااعم احط لندن برووووووووووحه مع البودره مالته او اي بودره ثانيه طبيعيه ..

وموفقه يا رب