|
|
السلام عليكم
بنات انا مالي الا الله ثم انتوا بليز لا تخلوني ساعدوني انا اكبر خواتي وماعندي احد يعلمني واستفيد منه
انا عرس اخوي شهر 1
ادري بتقولون وين المشكله؟؟
المشكله ماني عارفه من وين ابدتي عندي كذا مشكله احس محتاسه ماني عارفه شسوي
العرس بيحظرون فيه خالات خطيبي ويدته واول مره بيشوفوني فيها وابي اهتم بنفسي وغير من شكلي مابي اتفشل جدامهم 
اول مشكله شعري :
شعري اخر جتفي وهذا طوله من العام للحين ماتغير وانا بخاااطري شعري يطول .. والله كل ما اشوف وحده شعرها طويل تخنقني العبره
اللهم لا حسد ويرزقنا نفس مارزقهم .. حطيت زيت برشوت امدحوه لي بس ماشفت نتيجه وتركته ..
وجربت خلطة زيوت .. فنجال زيت خروع وفنجال زيت اللوز المر وفنجال زيت زيتون
وقفت التساقط بس ما احس شعري طال عليها !
اذا تعرفون خلطه مضمونه او زيت او شامبو مجرب وجايب نتيجه بليز لا تبخلون على اختكم والله بتسوون فيني اجر
ثاني مشكله الضعف :
وزني حاليا 48 وطولي 160
تعبت وانا احاول امتن وماكو فايده ..جربت حبوب سوبرفيتا وسمنتني 3 كيلو بشهر بس عيبها تنوم تخليج طول اليوم نايمه بس تقومين تاكلين وتردين تنامين
قطعتها فتره ورديت لها مره ثانيه وصرت كل ما اكلها يصير معاي خفقان بالقلب و ارجع
وجربت عسل وحده تبيعه اسمها ام عبدالرحمن اكلته شهر سمني كيلوين وطار مع الرمضان والصيام
ودي اجرب الحبوب الصينيه شرايكم فيها؟؟
احد منكم جربها وسمنته؟
احس هذا اخر حل
العرس باقي عليه 3 شهور و ابي استغلها واسمن لين يوم العرس
ابي خدود ابي جسمي يصير مليان وحلو اللبس عليه
انا وقت الدوره ما اكل شي مثل ادويه
اذكر وحده معاي بالكليه قالت اذا تبين تسمنين اكلي ادوية اعشاب وقت الدوره
بنات عادي اكل ادويه وانا بنت؟؟ مايضر؟
بليز ساعدوني ربي يسخر لكم ويوفقكم
ثالث مشكله بشرتي :
انا الحمدلله بيضا بس مو بيضا بيضا يبيلي تفتيح واهتمام و عندي اماكن غامجه مثل الاكواع والركب وانا حاطه بالي من هالشهر
بسوي حمام مغربي كل شهر لين العرس
وودي اجرب خلطة كريمات عند الحواج يقولون تبيض بس في ناس قالوا خلط الكريمات مو زين يسبب سرطان الجلد اعوذ بالله
شتنصحوني في؟؟
شنو استعمل؟؟
مالي الا الله وبعده انتو ساعدوني والله محتااره ومادري شسوي تعبت
بنتظاركم
ثاني شي في عضوه اهنيه حاطه طريقه دهن روعه لشعر يطول الشعر ويكثر وانا استخدمه الحين
اسمها مزيونه وشقرا دزيلي لها رساله خاصه وتعطيج طريقته يهيل واستخدامه موكل يوم ولاله ريحه كلش
وروحي لصيدليه اخذي فيتاامين اللي يقوي الاظافر والشعر واكليها وانتي تستخدمين الزيت لانها توقف طياح الشعر
واذا على المتن دبالج من حبوووووووب الصينيه ترى مو زينه كلش ولها اعراض بعدين
عليج بالحلبه والاشياء الطبيعيه واشربي حليب كامل الدسم مع الحلبه
وللبشره استخدمي كركم الجسم تلاقينه عند الحواج حطي معاه فازلين وحطيه على وجهج وخليه ساعتين بعدين غسليه
واستخدمي صابونه البابايا تفتح الجسم بشكل موطبيعي البابايا اللي فيها قطع صغار عند الحواج بنص دينار
وهذي الخلطه قاعد استخدمها الحين فعلا فتحت عندي المناطق الغامجه روعه اللي هي تجبين شبه مطحون ونشا وماي ورد وكريم جلسرين
وتخلطينهم مع بعض
نص علبة كريم جلسرين الاحمر
قفشتين شبه مطحووونه
قفشتين ماي ورد
قفشة نشأأأ
ولاتنسيييييين تحطين على وجهج يوم وترك سدر وحلبه وروووب وماي ورد ووهرده بتصير نفس الماسك
روووووووووووعه ولان فيها حلبة راح تسمن الوجهه بس الحلبه تكون مطحووونه
وسلاااااااااااااااااااامتج
الله يبارك فيج فديتج ..
ربي يسخر لج ويوفقج ان شاء الله برسلها .. بس بسالج شعرج طال بشكل ملحوظ والا؟ العرس باقي عليه 3 شهور في مجال يطول بهالفتره والا الزيت يبيله فتره اطول علشان يبين؟
ادري انها مو زينه بس مافي حل بديل .. ان شاء الله احصل بديل ولو اني فاقده الامل
الحلبه مفيده وزينه بس ريحتها لا تطاااق وطلع ريحه بالجسم >_<
جربت خلطة الكركم وشتريت كركم الجسم وخلطته معا جلسرين وليمون و ماني متذكره بعد شنو معاهم وكل ما حطيته على جسمي وغسلته احس اصير صفرا .. مع ان الي عندي شاريته من حواج وقال لي انه كركم للجسم ..!!
وحتى اضافري صارت صفرا من الخلطه.. فتحتني بس ماقدرت استمر عليها ..
بجرب خلطة الشبه والسدر وان شاء الله اشوف نتايج حلوه ..
ماقصرتي فديتج ربي يهون عليج ويسهل عليج ولادتج ويرزقج بالذريه الصالحه
ثاني شي روحي حق قسم السمنه والنحافه بتلقين هناك تجمع حق الضعاف
والله يوفقج وتمتنين وتصيرين حلوه
و اكلي فيتامينات مثل بيرفكتال و هيلث ايد يوميا اكلي منهم مده الكورس 3 شهور يعني لازم تاكلين الفيتامين من اللحين لي عرس اخوج ,
اول شهرين اخذي هيلث ايد و اخر شهر اخذي بيرفيكتال و حطي خلطة زيوت تتكون من " زيت الجوجوبا – زيت جنين القمح – زين
الخروع -زيت الاس " حطيها كل 3 ايام مرة و انصحج بعد بالحنه لانها تنبت و تخلي الشعرة تصير يبره , حطيها مرة بالاسبوع و انا بقولج طريقتي بعيان الحنة
حطي ترس طاسة الروب حنه + بيضة + ملعقة روب كبيرة + و ضيفيلها شوي من خلطة الزيوت اللي قلت لج عنها + نتفة خل تفاح .
الماي اللي بتعينين فيه الحنه : حطي جاي ورق + 3 فص ثوم قصيهم بالنص و خليهم يغلون مدة ثلث ساعة وتالي صفيهم و بعدين عيني
فيهم الحنة و انشالله بيطول شعرج و يحلى و على فكرة ترى بتلاحظين الفرق من اول شهر بيطول بحدود 6 سم بس استعمليهم بانتظام
—
و اذا تبين خدود اخذي حبوب الخميرة من الصيدلية و فرغي كبسولة مع ملعقة روب و حطيها ماسك على خدودج مدة 15 دقيقة و استمري
عليها 5 ايام , و اذا تبين تمتنين جربي حليب كامل الدسم مع الحلبة مثل ما قالت لج الاخت غلاي
—
و للبشرة استعملي كريمات و ماسكات من ماركة لابراري او اوباجي وايد حلوين , و بالنسبة للاماكن الداكنة استعملي الجلسرين السائل مع
ليمون وله نقعي مرة بماي ولا ذابت مسحي فيها ويهج او اي مكان تبينه يصفه يوميا صج اتينن
و ان شالله تستفيدين موفقة حبيبتي
صار لي شهرين اسختدمه
والشعر انصحج بالسدر لانه وحده بوحده بس عقب ماتغسلينه حطي زيت عشاان يترطب لان السدر ينشف
واذا تبين رقم ام حسين قوليلي