ساعدوني ولكم الجنه

السلام عليكم حبايبي

بدون مقدمات
بس والله لاعت جبدي من اسعار البدلات وهالسنه تجننوا زيادة تنانير سادة وخام يلوع الجبد على 20 و25 هذا اذا لقيتي ولا كله بناطيل وانا ما احب البسهم
وين الميزانيه اللي بتغطي كل هذا
بنات يجزاكم الله خير اللي تعرف محلات ملابس طلعات و اسعارها معقوله تدليني ولها الجنه انشاله انا حدي المناطق اللي يمنا ومارينا والحين الافنيوز
امانه ساعدوني

حبيبتي الأسعار كلها بالطالع ولا تتوقعين تنزل
ومرات تحصلين شغلات أسعارها زينه
وجربي خيطي قمصان
خوو ألحين جنزات وقمصان
و روحي شوفي الخامات
وااااااااااااااي زووووووووووووووغة اشحلاتهم
وشوفي الموديل اللي يعجبج
وركبي عليه زراير كبار
ورد حياكه
كور حياكه
شوارفسكي
روحي الكلف و بتنصدمين من الشغلات الحلوه

النقره الشمالي والجنوبي في شغلات حلوه الحمرا مول

تسلمون لي يا رب
بس خاشوقة ممكن تقولين لي عن اماكن خياطين واسعارهم

انتظريني

بنزل القمصان اللي بقوا
من بضاعة باريس على سايت رفيجتي

و اسعارهم على 25

ممممممممممممم روحي زهره في شغلات حلوه

شووووفي تبين تنااانير سادة
روووحي ديربي سووووق شرق
تناااانيرهم ناااااعمة و حلووووة بس ما اذكر اسعارهم بالضبط بس ما تعدي ال 15
و عندج برومود اللي بالمارينا … اشياءه نااااعمة و اسعاااااره معقووووولة
بس والله انا مستغربة من الاسعار الحين
يعني ادخل محل اخذلي قميييييص خاااالي ب 40 و اطلع و الابتسااامة من الشق لي الشق
و بروووح اكمل عليه بلووووزة او قميييص و بنطلوووون و اكسسوار .. انصلخنا من الاسعاااااااااااار
يعني السووووووق مينوووووووووووووووون

شنو الساايت ومتى بتزليينهم

ايه والله صدقتو
بنات اللي تعرف ارقام خياطين شي لا تبخل علينا

اشرايج ان اختي شرت بنطرون كان ب 33 بدبنهامز

خذته ب 3 دنانير بالسيل

!!!!!!!!

نصابين والله

الله يعينكم

ايه والله هذا اللي يغث
عاد على يوم بعد الفاينال ابي اروح زارا ودبنهاوز وهالسوالف واثبت الاسعار واشوفها بالسيل اخر الموسم
رفيجتي تحلف وتكفر انها شاريه اخر الصيف الي طاف قميص ب7 من زارا كان سعره 44 دينار
صج نصب واحتيال والله انا ما استبعد انه صنع بالكويت ولا مستحيل جذي مالاكات يطيح سعرها

صاجين بنات الحين الاسعار اعوذ بالله وفجأه سيل ومو يطيح نص السعر 3 ارباع السعر
والله نهيبه الله يستر

حبيبتي روحي كويت ماجيك نبشي نبشي تلقين بلاوي لا يغرج المضهر العام فيه جينزات حلوه بخمسه