العنايه بالبشره قبل العرس ارجو المساعده

مزيونه وشقرا فديتج وينج

عمري 23 وعرسي بعد اقل من شهر ان شاء الله …. انا بحياتي ولا مره سويت تنظيف بشره بصالون اللهم ماعدا قناع الروب والعسل اللي سويته بالبيت قبل ثلاث سنوات بس استخدم كريمات تنظيف ميلك وتونيك وتقشير وسنفره بشكل شبه يومي

والحين شنو اسوي في وجهي ؟ مع العلم ان بشرتي عاديه الى جافه وخاصة هالفتره تميل الى الجفاف اكثر وفيه حبوب خفيفه جدا (3-4 حبات صغار وخفاف) على واحد من وجنتاي <<< عاشت اللغه العربيه وبس ماكو شي يذكر ايضا جبهتي ليست صافيه صفاءا تاما بس ايضا مافيها حبوب يعني احس ان يبيلها شي … يوجد قليل جدا جدا من الزؤان او الحبوب السودا الصغيره جدا على طرف خشمي والسواد حول عيني مو مقصر

شنو البرنامج اللي تنصحوني اتبعه ؟ يعني اسوي تنظيف بشره ولا تقشير ولا الاثنين معا ؟؟؟ ووين اسويه … عند منو ؟؟ وجم الاسعار ؟؟؟

مابي شي يخلي ويهي يحترق فجأه ولا يهيج الحبوب !! تراني مو ناقصه ها !! وددددي ارروح العرس ووجهي منور مشرق صافي ولكن ما لقى من يصفيييييه هههههههه ومابي اعتمد على المكياج والتصوير في اخفاء العيوب او التجميل … ابي اكون طبيعي حلووووه بيوم عرسي ومشكورين

الف مبرووك قلبي

لا تسوين تقشير ما انصحج

سوي تنظيف بشره و ماسكات و مساجات

عندج ايليزيوم شغلهم حلوووو

انا امسويه العرض مالهم 6 جلسات ب 200 وشي

عند سلوى

حبيبتى سوى جلسة تنظيف بشرة ( فيشيل ) راح تشيل كل الدهون والرؤوس السودا بس لازم قبل الفرح باسبوع وعليكى بالعسل والروب

اقتباس:

لا تسوين تقشير ما انصحج

انا عكس كلام الاخت اللي ردت عليج هالرد ..

انا مسويه 8 جلسات تقشير والحمدالله بشرتي صاارت صاااااافيه صااااااااافيه صاااااااافيه وتهبل ولا حبه ولا اثار ولا شي وبعدين مامنه خووف شي حدده عادي مع ان الناس كانو يخرعوني بس صج شي وعن تجربه وانتي براحتج

بس نصيحه اذا بتعالجين بشرتج روحي عياده موصالون ؟؟
مالج شغل بكلام احد ع الاقل العياده فيها دكاتره موفلبينيات يلعبون بوجهج ..

تقبلي مروري حبوبه ..

توني انتبهت .. ان عرسج اقل من شهر ..

مايمديج تسوين شي يعني ؟؟ ليش ياقلبي مااهتميتي من قبل 3 شهور ع الاقل ؟؟

ماراح ينفعج شي غير تنظيف البشره العادي ..؟؟ والماسكات الطبيعيه وطبعا تستمرين عليها كل يوم قبل العرس بإسبوعين جذي ..

موفقه يالغاليه ..

أنصحج تروحين تسوين تنظيف بشرة بالاليزيوم …. وأذا تبين تنظيف بشرة بسيط بس أغلبه بالزيوت والمساج ريلاكس للوجه عن الارهاق و التعب في سبا تايم الي بالمهلب فوق … موفقة

مبروك يالغاليه

الله يوفقج

حبيبتي الزين سوي تنظيف بشره عادي عند ايليزيوم أو عند سبا تايم اللي بالمهلب بس ايليزيوم أحسن طبعا

وي يعني كلكم تنصحون بتنظيف بشره عادي

اوكي قبل الحفله بـشكثر اسويه ؟ الحين ولا قبل الحفله باسبوعين ولا قبلها باسبوع ولا قبلها بجم يوم ؟؟؟؟

وكلكم تنحصوني في اليزيوم ؟؟ مشكورين حبايبي

حبيبتي سويه قبل العرس بجم يوم تقريبا (3 أيام – يومين ) ..

حجزتي الصالون؟ عند أي صالون؟

صالون المكياج ؟؟؟

مادري ليلحين افكر بين ليلى العرادي والشيراتون ومنيره الفرج بس سمعت منيره الفرج مكياجها حلو بس ما تضبط التسريحات

وهم سمعت عن دلال المرزوق بمر كل صالون بشوف البوماتهم وكاتالوجاتهم

دامج اول مره اتسوين تنظيف بشره ,, ماتدرين شنو ردت فعل البشره

سوي الحين جربي و قبل العرس بيومين سوي مره ثانيه بس هاليومين لا تقربين صوب الميكاب

او سويه قبل العرس باسبوع على الاقل لو صار شي لاسمح الله تقدرين اتضبطين الامور

و نصيحه لا تسوين التنظيف باجهزه .. الافضل يكون بالايد

انا بشرتي واايد حساسه .. ما مشى معاي الا اليزيوم لانه المنتجات واايد ممتازه

و اتحطلج شي حق النضاره بعد الجلسه ويهج اصير فرش حددددده

واتنظف النقط السوده بشمع بالاعشاب

مده الجلسه ساعتين الا ربع

والله اوفقج حبيبتي و تكونييين قمر بعرسج

نصيحة داومي على الروب والعسل كل يووم لمدة نص ساعه مو اكثررررر بس نص ساعه
لان الروب يجفف لحبوب اللي عندج ويبيض البشره ويفتحها ومع الاستمرار بتتوحد انشالله وبتشوفين ان بشرتج كل مالها وتصفى اكثر
وجربي الكبسولات **اورفليم** اللي قالت عنهم قمة النعومة والانوثة يعطون نظارة للبشره
ولا اتغسلين ويهج بالصابون كلش لان بشرتج جافه واهوه يجفف البشره اكثرر
واستخدمي لزقات بيوريه للخشم كل اسبوع قالت عنهم روز لكويت من زمااان وجربتهم وايد زينين احسن من غيرهم
وحق سواد لعيون استخدمي اي جل للهالات السودا تحت العين طول اليوم ومتى ما نمتي غسلي وحطي زيت اللوز المر وبتشوفين نتيجة انشالله
وانا نفسج ولا مره سويت تنظيف بشره بالصالون بس اللي اعرفه ان اذا بتسوين حق مناسبه سوي قبلها بفتره طوييلة لان راح اتحمر البشره وتطلع اثار من التنظيف بس بعدين كله يروح وحتى مكياج ما يصير اتحطين عقب التنظيف
وجربي ابره الفيتامينات للوي مرت خالي قالت لي عنهم عند الدكتورة نورة لصليلي وايد تمدح شغلها روحيلها من الحين وقوليلها متى عرسج واهيه اتحددلج متى عشان بيوم العرس تطلع بشرتج صافية وحلوة وفيها نضاره
والله يوفقج يارب

شلونكم بنات
مبروك للعروس
ادري داشه عرض بس بغيت اسال الاخت شوق العيون وين مسويه تقشير عند اى دكتور
واللاخت اللى ذكرت دكتوره الصليلي امانه هل هى شاطره ووين عيادتها ؟؟؟؟

اقتباس:

بس بغيت اسال الاخت شوق العيون وين مسويه تقشير عند اى دكتور

ع الخاص حبيبتي ..

اقتباس:

وجربي ابره الفيتامينات للوي مرت خالي قالت لي عنهم عند الدكتورة نورة لصليلي وايد تمدح شغلها روحيلها من الحين وقوليلها متى عرسج واهيه اتحددلج متى عشان بيوم العرس تطلع بشرتج صافية وحلوة وفيها نضاره

هذي الابر قالت لي عليها دكتورتي اليوم بس خفت منها انا ماحب الابر واخااف عاد اهي تقوول تسويلج نضااره قبل العرس ووجهج يصير منور بس اخاف تعور عاد اهي تقول ماتعور حييل بس شوي وانا ماادري مفكره اسويها بس متردده …