شنو اشتري مكياج عرسي شهر 10؟؟؟؟؟؟؟؟؟؟

اشلونج يا حياتي الله يوفقج ان شاء الله

تحتاجين حق كريم اساس

انصحج في ماكس فاكتر حلو لونه مو وايد فاتح يلوق لمكياج البيت والطلعات الزوارت

وانصحج في كانيبو للمناسبات مثل العرس والاستقبالات

انا استخدم بودرتهم المضغوطه تهبل

وكونسيل انصحج في كفر ديرم اذا كانت عندج الهالات غامجه وهمن اذا ماكانت غامجه حلو للمناسبات

وسان لوران حلو وخفيف واضاءته حلوه

والبودرات انصحج في كنيبو

وبودره بوتيك عند محل عوس البحر في الفروانيه

وعندج بعد بودره ماكس فاكتر المضغوطه حلوه وتعطيج كفر سريعاذا بتحطين مكياج طبيعي وخفيف

ومن شارمل عندج اضاءات وايد حلوه مثل ماقالت اختي العضوه kanoosh

وتكون في علبه اسطوانيه صغيره واخذي اللي تكون لمعتها على صدفي ابيض او سكري لاتاخذين الملونين اللي تعطيج لمعه على ازوق او غيره واذا استخدمتيها لا تكثرين منها عشان يكون مكياجج ناعم وحلو

والاضاءه اللي انصح فيهااا صج صج وتجنن وحلوه وراااقيه هذي من بودي شوب

والاي شدو عندج ماك وفور ايفير ومن ين ناي من شارمل طبي وتخيري الالوان ولا تغيرين عن هالماركات لانهم الافضل واختاري الوان هاديه وناعمه وابتعدي عن الالوان الفاقعه

انصحج في البني والازرق الطافي والوردي والبنفسجي الهادي والزيتي والرمادي

وماك عندهم شدو حلو لتحت الحاجب اسمه نايلون

وبن ناي من شارمل عندهم الشدو الابيض لتحت الحاجب عجيييييييب يهبل

والاي لاينر من لانكوم ومن ايسادورا وهمن في من محمود سعيد تلاقينه عند الهنود

والحكل القلم من سمايلنج الزيتي الدهني والقلم الاخضر بس اهوا اسود ولونه من بره اخضر الصغير والطويل اثنينهم حلوين

والمسكرا

لانكوم

وسان لوران

وماكس فاكتر الكحليه اللي غطاها ذهبي

والبلشر عندج مجموعه من بن ناي من شارمل فيها 8 الوان تغنيج عن كل البلشرات لانها فيها الوان تجنن

واذا تبين شي بروحه عندج من بورجواه ومن سان لوران الوانهم رووعه

والحمر عندج ماك رووعه الوانه بس تنقي الالوان شي شي

وعندج من ريميل كل حمره تزوووغ مو طبيعيه وعندهم الحمره الورديه تجنن انا ذكرتها في موضوع

شوفي الرابط يا قلبي

حمره ورديه رووووووووووووعه و تهبل ما بقى احد ما سالني عنها

والتحديدات من ليلى هارموني انا اشتري منها من المعارض تحديداتها والله ولا الماركات مثل تحديداتها تجنن وحلوه وترسم عدل وهمن سمايلنج ماعليه قاصر تحديداته حلوه ورخيصه

والقلوزات عندج سان لوران شي خطير اللي يكونون على شكل قلم وريشه من داخل الاحمر رقم11 حلو والبيج الذهبي يعجبني راقي

شوفي رقمه في هالرابط

ܓܨܓܨܓܨشِفــــــــــــــــَــــــــايٍِِفْ مِــنْ ذَهـَـــبْܓܨܓܨܓܨ

وهمن قلوزات لوريال تجنن خصوصا حقج اذا كشختي لزوجج لمعه ملفته وحلوييين نعمووومين

وبعد شنو بقا اتمنى اني مانسيت شي واذا عندج سؤال حاااااااااااضر ومن عيونــــــ@@ــــي

مع تحياتي يا حياتي

مزيونه وشقره