|
|
السلام عليكم
شلونكم جهراويات
بنات انا عرس اخوي اول شهر 7 وحاجزين صالة البغيلي
اللي عندها فكره او حاجزه حق عرس اخوها الصاله او عندها خبر؟؟
العصايراللي تجي مع الصاله اللي من بوفيه الوطنيه على مااعتقد كافيه؟؟ والا أحجز عصاير ثانيه؟؟
ثاني سؤال عدد الكراسي بالصاله600 كرسي كم بطاقة دعوه اسوي او كم بطاقه سويتو ؟؟
بنات الله يوفقها اللي ترد علي تكفون عرس اخوي الكبير وانا اللي متكفله بالصاله وبلاويها لاتفشلوني تكفون اول مره احجز واطق الصدر .gif "Eh S(11)")
واخر سؤال الطقاقه شنو نحط لها يعني عصاير او موالح شنو حطيتو بالضبط؟؟
والله يوفقهم ويهنيهم
وبصراحه ما اعرف بهالامور
بس لو كان حضوركم كثيف
الافضل انج تحجزين عصاير وحلو تقديم وموالح
وبعديت للاستقبال عندك شركات كثيرة
فرحة اثنين والفيصل بصراحه صاير شغلهم روعه
كان ودي اساعدج اكثر
بس البنات ماراح يقصرون معاج
واذاانتي متزوجه الفال لعيالك يارب
مشكووووووووره يالغاليه على المرور والرد
كثرو من الاكل (البوفيه))
والعصاير اكيد بتكون حلوه ومن جميع الانواع
أما الطقاقه ياقلبي انتي وشطارتج كأنها ضيفه عندج كل شوي طلي عليها وقولي لها تأمرين على شي ياقلبي ماي حلا قهو عصير
وجذي
وسلاااااااااامتج
صالة البغيلي روعه ورزه ماشاءالله
بالنسبه للعصاير حسب حظورج بس انا اعتقد انها تكفي
عرس ولد عمي من فتره وكانت العصاير من الصاله وماشاءالله كفت
والبطايق على حسب جماعتكم والناس الي تعرفوهم سجلي الاسامي بورقه
وحزتها بتعرفين
صج شنو طقاقتكم
عرس اخوي قرب وابي طقاقه سنعه
و الله يتمم على خير وربي شايله هم مو طبيعي
فاشن مشكوره ياقلبي والله يبارك بعمرج يارب والفال لج
بالنسبه للعصاير اللي من الصاله مادري ناس قالو لي تكفي وناس قالو شويه ومو شي وراح تتفشلين ومادري شسوي للحين ؟؟؟
طقاقتنا لهيب اذا تبين طقاقه حلوه احجزي لهيب او زمرده او ميساء رووووووووعه انا والله كنت ابي زمرده او ميساء بس من سوء الحظ طلعو محجوزين واشوى طلعت لهيب من حظي مو محجوزه
تحياتي
الله يعينج
يعني الحال من بعضه
انا نفسج كل شي احاتيه والله تاذيت وكل شي ابيه راقي بس وحده نصحتني جزاها خير قالت مو كل شي اتحجزينه غالي
اهم شي ميزانيتج وحزتها بتعرفين والاوليه للتقديم من الحلى والفطاير والكبب والبوفيه والطقاقه وعلى قولة اختي وكشخة خوات المعرس
والعصاير من البوفيه نصيحه لاتحطين مهراجا ومشجعات وهالسوالف والله لوعه انتي بنفسج اشتري خلطات وبخور للصاله بروح بعد فتره واشتري واقولج شنو بالضبط شريته مشكوره ياقلبي ماقصرتي
يعني مااحجز عصاير؟ اللي من الصاله تكفي قصدج؟ وضحي لي اكثر تكفين لاني صايره مااستوعب هالايام بسرعه ههههههههههههههههههه
شلون مهراجا؟ <<قصدج المدخل والا شنو؟
والمشجعات <<مافهمت فلبينيات والا شنو جنسيتهم وشنو يسون بالضبط؟
تكفين بالتفصيل الممل (وجه يبكي)
بالنسبه للبوفيه جبنا من فينيسيا و كان وياه عصاير و حلو طبعا بس صدج شي عجيب غريب و تقديمهم روووعه ..
الكروت تختلف حسب الناس الي تبون اتعزمونهم و لا تنسين في ناس ينعزمون شفوي ما يبي لهم كرووت
طقاقتنا الزمردة خذت منا 1300 دينار غير 50 دينار تامين حق البست مدري شنو …و جبنا بعد دي جي روتانا حق زفه العروس ب 300 دينار
صدج عجييييييييييييبه و حطينا لها دلة قهوة و صحن حلو و فطاير ..مع انها ما جتنا الا الساعه 9 و 12 الا 10 طلعت من الصاله و عطيناها عشا بعد من صحون البوفيه الي ما انفتحوا
بس ما انصحج فيها لان نفسيتها خايسة و تعبتنا حييييل بالعرس …
لو تاخذين لهيب انا عندي احسن منها بوااجد ..بعدين دي جي روتانا حييييييل يونس لو تبون دي جي حق الامسية اخذيه
و الله يوفقج
وعصاير الوطنيه كفايه
اما بالنسبه لتزيين الصاله نصيحه نصيحه لاتحجزين الفراوله اكبر حراميه
باقوا اغراض الديكوريشن مولوت عرس اخووي في صاله نهار البغيلي
ومداخلهم داثره ويسوونها بنفس السعر وحق ربعهم برخص التراب
طقاقتنا كانت نور الشام روعه ودي جي روتانا وكان العرس مرتب حيل وبطايق سويت 400 بس ورفيجاتي اللي بعيد حطيت اساميهم عند الحارس
واذا ماتبين احد يدش الصاله الا ببطاقه اكو حارس عندهم اسمه عماد هذا مايخلي الوحده تدش لو تفحط شووف عيني طبعا الا ببطاقه وياخذ منج 25 دينار
عصاير الوطنيه كفايه
اي استفسار انا جاهزه
< يعني خبره .gif "Eh S(3)")
طبعا الطقاقه حجزت لها من الخباز صينينه حلوو كبيره مع صينيتين فطاير هم كبيره لدرجه اهي استانست علي وطول ماتشوفني بعرس اخووي اعطيها بووسه على الهوا
< سعاد حسني
الصراحه تززين الطاولات بالصاله كان من حسابي الخاص وكلفني مبلغ ان شاء الله يتعوض
البوفيه كفايه .. بوفيه الوطنيه حلو ومايفشل
كنت ملبسه الخدمه لبس خاااص انا مفصلته لعشر عاملات
وصواني العرس نفس لون مفارش الصاله
وبعد ….. اذا تذكرت قلت لج 
يعني 14 صينيه كافي تعتقدين؟
المنظمات قصدج اللي اسمها ام يوسف على مااعتقد قالت الاربعه 120 دينار ؟ اذا هي اختي حجزتها على مدح رفيجاتها ماشفتهم بعرس ويوم سألناها عندج عرس بالجهرا عشان نشوفج قالت ماعندي <<هي اللي تقصدينها والا ؟ لاني لليوم اقول حق اختي والله مالهم داعي وهي ملزمه تحجزهم
شيسوون بالعرس يعني يلاعبون والا بس تنظيم؟؟
وبالنسبه للمدخل انا حجزته من النصابه الفراوله
نصابه لانها قالت لي اذا تبين عصاير 380 مع الحلا والفطاير من ام سعود مع المدخل هديه من الفراوله<< لاحظي هديه
ويوم رحت لام سعود اللي بالنزهه اللي متعاملين معاها قالت لي الفراوله متفقه معانا نحط بالصينيه 100 حبه للفطاير وكيلوين حلا بالصينيه الوحده واذا بتحجزين من ام سعود على طول مو عن طريق الفراوله تحط لج بالصينيه 120 حبه وتقول يمكن ازيدهم بعد وصينية الحلا كيلوين ونص <شوفي الفرق
يوم رحت الفراوله قلت لها خالة المعرس حجزت الحلا والفطاير ابيها تخصمهم من الـ380 تدرين شقالت لي؟؟
قالت لي الحلا والفطاير دوول لهم سعر تاني انا حسبت لك بس العصاير<عمى بعينها نصب عينك عينك
حجزت منها بس المدخل 150 الله لايخسر انشاءالله
حبيبتي بسألج شفت عندهم بالفيديو بالصاله طاولات يمكن 12 طاوله 5 يمين و5 يسار و2 قدام الكوشه بين المدرجات حاطينهم<< هذي اللي مسوينها بعرسكم؟؟؟
مادري حلوه طالعه ؟؟ لاني قلت بسويه قالي الطاوله مع 6 كراسي بـ6 دنانير وطبعا تزيد كراسي الصاله تصير اكثر من 600 كرسي
وسؤاااااال اخير من وين اخذتي الحلو والفطاير والصواني من وين اخذتيهم
<<ماتنعطى وجه ههههههههههههههههه
افيديني الله يجزاج خير يارب ويفرح قلبج ويخليج لعين ترجيج
اذا عندج خوات مايحتاج منظمات لان اللي جبتهم يفشلون حق الاكل والشرب 4 بأميه دينار بس مومن ام يوسف
الصواني انا سويتهم بنفسي اشتريت 12 صينيه خشب من الشويخ حجمها كبير وشريت الخام من التراث الهندي ولبستهم عند بوابه الهدايا وحطيت عليه اكسسوار بسيط على الجوانب وفصلت طال عمرج مفارش ووزعت عليهم ستراس وفرشت الطاولات من عندي عشر طاولات اخذتهم بدون تزيين منهم بـ 40 دينار
وشريت طال عمرج بوكيهات ورد زينه وشمعدانات من سنتر بوينت وحطيتها على الطاولات وحطيت الشموع عليها ..
والخدمه فصلت لهم لبس ذرب نفس لون المفارش والصاله …
الحلو اخذت شي من الوطنيه وكثرت من حلوو وفطاير الدكان اللي بمجمع الاوقاف شغله حللو
واخذت فطاير من اوبرا اللي بقرطبه بعد … شغله صج غالي بس يبيض الوجه
وبعد ….
اذا تبين اي شي انا بالخدمه
ثمان طاولات كفايه لاني حطيت عشر وضيقت علينا حطي ثمان اربع يمين واربع يسار
والغنفات حطيها بالوجه اول ماتدشين الصاله يعني قبال البست حق العجايز
وسلامتج …
وياليتني ماسويت 12 صينيه كفايه
لاني والله العظيم رجعت بصواني متروسه للبيت
< ماصدقت احد يسألها ههههههه