|
مرحبا بنات ………
والله اني داشة ومتضايقة تصدقون كل ما فكرت وقمت اخطط للعرس طرت على بالي هالشغله ؟
انا عندي حرق باليد اليسري على الزند وسويت عمليه ترقيع وخذوا من الفخذ رقعه والله انها تبين يابنات لا اليد ترقعت ولا الرجل .
تصدقون مدري شسوي بالبدل وباللبس وانا جدا خايفة من الليله الاولى والله ثقتي بنفسي اهتزت مع ان الكل يقول اني اشبه الفنانة زبيده ثروت صراحة انا ما اعرفها بس يقولون انها زينه .
جتني حاله نفسية شلون بواجهه .
بنات بالصراحة وبدون خوف على مشاعري انا قوية واتقبل النقد .
انا ياما رفضت خطاب بسبت هالشيء بس ليمتى بقعد ويوم وافقت وملجت بعد خايفه .
تعتقدون ان هذا عيب .
زين شنو راح تكون ردت فعله ؟
وبخصوص اللبس شنو اسوي .
بنات انا تعودت على هالوضع ابي رايكم بصراحة
ودمتم ……
الحمدالله كما ينبغي لجلال وجهه وعظيم سلطانه….وان شاءالله ربي يسخرلج زوجج ويصد عيونه عن الاشياء اللي مضايقتج
ولاتخلين هالشي يهز ثقتج.. لوتشوفين بلاوي غيرج بتهون عليج بلوتج..
والله يتمم عليكم ويهنيكم ويرزقكم بالذريه الصالحه
شي عااااااااادي وبعدين الحين تطورنا وصار في كريمات جسم وكل شي
والحمدالله انج حلوه والجمال اصلا جمال الروح
فلاتتضايقيم بالعرس اصلا ماراح يبيبن بالحفله راح يحطولج فاونديشن لجسم
ولما تروحين معاه بيكون مغطى
بس عادي خليج واااااااثقه
في ناس عندهم بلاوي اما الي فيج شي عادي
وانسي هالشئ
لاتهتمين شنو يقول اهم شئ ثقتج بنفسج وبينى ان انتى مافي شئ ناقصج حتى لو قال
لاتهتمين خلي الامر جدا عاااااادي وقولي انا نصيبي جذي ولا اعتراض على امر الله
بالنبسه للثوب الله يخلي الكريمات
مادام انتى حلوة خلاص اهم شئ الوجه
الله يوفقج ان شالله
اذا على بدلة العرس حاولي تاخذين الموديلات اللي فيها كموم او حركات تغطي هالحرق .
و لبسج الخاص بالبيت لبسي على راحتج لا تفكرين بهالامور .
و ان شاء الله الله يسخر لج ريلج و يوفقكم .
روحي دكتوره جلديه أنصحج بالدكتوره دلال التركيت … انا توني احترقت بالماي المغلي صوب فخووذي الله يبعده عنكم ..و الحين معطيتني كريمااات و الله يشافي ..و اي معلوومه انا بالخدمه .. ياليت اعرف شنو سالفه الترقيع؟؟
وعالجي عند الجلديه اكيد بتلقين حل
؛
؛
الله يوفقج ويتحقق اللي ببالج
الزواج فيه شغلات وايد اهم من الجلد الشخصيه الروح النفسيه الاهتمام باللبس والعطر والشكل والذوق والذرابه بالاسلوب وانتى ويهج حلو وماشالله خلاص خليج ثقه مافيج الا العافيه والله يسلم الفونديشن عادي.
اشتري من الصيدليه فازلين مال الايدي والاظافر اللوشن + كريم كفر ديرم مال اللق
اخلطيهم بالخلاط وخليهم بعلبه
زجاج
بشرط
انك كل ما تسبحتى اخظى شويه من هاللوشن ودهنى مكان الحرق
واختاري لون يشبه لون جلدك 100 بالميه
هذا مجرب الحل والله يوفقك
بكره سويه وفرحينى مع فرحتك بالنتيجه
بس اهم شي تقولين له لا تفاجئينه .. واذا المكان مو وايد كبير لا تحاتين ترى يتغدى بالفاونديشن .. اشدعوه خو هذا حرق مو عله او شي حبيبتي لا تخلين شي يهز ثقتج بنفسج
ويعل الله يوفقج يا ربي ويسخر زوجج لج يا ربي وتتهنون ان شاء الله
الف مبروك
حماتي كانت محترقه من رقبتها وبطنها ليما فخوذها ولامسويه تجميل ولايحزنون يوم انخطبت ماقالت حق ريلها تفاجأ بليلة العرس يوم شافها بلع العافيه وقال لها بالحرف الواحد بتكونين انتي ام عيالي اللي مارخص فيج ابد وبحطج بعيوني الثنتين والله يابناااات بجون مبالغه انه الريال يموت فيها ومومقصر عنها بشي ومسويها يادهينه لاتنكتين لا وازيدكم من الشعر بيت حاطلها خدامتين وسايق وطباخه وفيلا يطرد فيها الخيل يالله من فضلك يارب يكون حظج مثل حظها واحسن يارب
خلي بثقتج كبيره والحمدالله ع كل حال
والزواج ينبني ع اسس من الموده والاحترام والاسلوب وفن بالتعامل تجي مع العشره مو بس عالشكل وانتي حلوه دامج تشبهين زبيده ثروت
لاتخافين ولا تخلين هالشي يزعزع ثقتج بنفسج
انتي بقدرتج تقدرين تجذبينه لج وتبينين له محاسنج ومميزاتج والمرأه الذكيه تعرف شلون تجذب زوجها لها بشتى الطرق
وانتي احسن من غيرج وترا حرق شغله بسيطه مو عاهه او اعاقه لاسمح الله
عسى ربي يسخر لج زوجج ويوفقج ويهنيج ومايشوف بالدنيا غيرج ويصب غلاج بقلبه
.:مع تحــياتي:.