|
|
قوه كويتيات شلونكم شخباركم انا سمعت عن قاعه سلوى صباح الاحمد الي عند المارينا ووايد يمدحونها وودي اسوي عرس اخوي فيها فاذا احد يعرف اسعارها قاعه عرس مع العشاء او بدون ~؟؟ وجم ساعه يعني اليوم كله تكون الصاله لنا ولالا لان الصراحه احنا بنخطب حق اخوي وخواتي يبون العرس بالقاعه الماسيه بالشيراتون بس قلت لهم عن قاعه سلوى صباح الاحمد تغير شوي وانا ناطره ردكم حبايبي
والله ماعندي فكره عنها اهي توها يديده بس الي اعرفه انه فيها حارس مري عليهم و شوفي استفسري عن كل الي بخاطرج و لاتنسين اتقولين لنا
سمعت انها ب 7000 بس اعتقد ل 500 شخص
يعني حطي ببالج الشخص ب 14 دك
اعتقد انها نفس اسعار الماسية اذا مو ارخص منها ؟؟؟
وصج احسها صغيرة مادري مادشيتوا داخل تشوفونها؟
ما أحب الشيراتون قاعاتهم كبيرة بس ظلمة ماكو إضاءات
و الأكل مال القاعة جدا حلو و مرتب و فعلا العرس اللي حضرت فيه كان جدا راقي و مو سهل بعد الأكل السنع يبدا من 17 دينار
عاد انتي ضربي هالرقم بعدد المعازيم
و القاعة حلوة مو وايد صغيرة تشيل 400 تقريبا و اذا على الموقع يسكرون لج كل القاعة بستاير
و شوفي أنا كنت بسوي عرسي فيها بس اللي ردني شي واحد أن الغرف حييييييييييل بعيدة عن القاعة و انا مالي خلق أركب سيارة بالروحة و الردة عشان جذي اخترت فندق ثاني ( النخيل اللي عالبحر ) قاعته أكبر بوايد و تشيل 600 شخص و أكله مستوى الشيراتون و فندق 5 نجوم وأنا كان بحدود 380 شخص وكان حلو تجهيزهم
أا على قاعة سولى ترا هم وايد حلوة و عندي أحلى من ريجينسي أكلهم و يكفي أن 5 نجوم و جديد
و عندج الميريدين بعد اللي فوق الثريا هذي قمة بالأكل و السنع و الترتيب و بصراحة حلوة و تشيل 400
و حياتي اذا تبين أي شي قوليلي لاني توني ماخذه جولة قريبه و عندي فكرة عن السوالف