|
|
السلام عليكم و رحمة الله و بركاته
صراحه و بدون مجامله التربيه مو مستوى لدراسه جامعيه .gif "Eh S(4)")
و الخطأ منا احنا الطالبات ما طالبنا بحقوقنا! 
و ماضاع حق وراه مطالب
–
القوائم الطلابيه اللي بالتربيه يسوون اللي هم محتاجينه بس ماشالوا همنا 
هذي ان شاء الله بتكون ثاني سنه لي التربيه
ماعرف لحد الحين كم قائمه عندنا مشاركه بالانتخابات و شنو انجازاتهم 
ابي اعرفهم و شنو سوو للكليه و ان شاء الله راح اطلع حقوقنا!
–
اكثر شي صراحه خلاني احسن ان الكليه صج "مقرفه" المصلى و الاستراحه !
انواع الحشرات و القوارض بمكان يفترض انه يكون "بيت الله" و الاستراحه حدث ولا حرج! .gif "Eh S(11)")
كفتيريا مو مثل الاوادم ! طاولات اكل عليها الدهر و شرب
و المشكله مكتوب يوجد كفتيريا بالاعلى و مسكره مامنها فايده !! 
–
الاستراحه اللي عند البوابه كراسيها مكسره و المكتبه بدون اشراف صارت "مكتبه سوالف" ماكو مكان الواحد يدرس بهدوء!!
–
صراحه ماقدر ادرس بمكان جذي !! يا نرتقي يا نبدا مطالبه !! .gif "Eh S(15)")
ثاني شي عجزنا وحنا نتحجا ماكو فايده
وبعدين هذا مو مكانا مكانا في العارضية
بس المشكلة متتتتتتتتتتتتتتتتتتتتتتتتتتى نروح العارضية .gif "Eh S(14)")
لو تروحين بتقولين عدلوا الكلية بيقولون جهزنالكم العارضيه يعني محد بيسمع ولا احد بيفيدج
تعبنا وحنا نتحجا تعبنا كل كورس يقولون الكورس الي بعده بتروحون
حنا بنتخرج والدفعة الجديده بتخرج ولحد الحين مارحنا
الله كريم
بس منو يسمع
الحين ابفهم ليه ماننتقل للعارضيه ونرتاح
انا اكثر شي قاااهرني ( دورات المياه)
حدث ولا حرج
اكثر مكان ملوث !!
حتى الوضوء بالحسره
ماصارت اقل شي نبي كليه نظيفه
ولا انتي شفتي قاعات المحاضرات شلون الاطوف والطاولات
والكلاام اللي مكتوب!!!!!
..
بس بعد شنسوي ..
الاستراحة ضيقه عشان جذي بسرعه تتوسخ من اكل البنات وخبالهم ويقثوني قثه العالمين
اللي تاكل وماتشيل اكلهم يايبا الزباله يمج شسالفه والله عمري ماقطيت اكلي ومشيت شنو هذا قرف ..
وخصوصا الحديقة تاكل وماتشيل اكلها هني تتلوث بيئه الكليه شكليا وتصير بعد الظهر منظر لاحضاااااااااااااااري
خلوني ساكته بس شنو هذا
ياليت لو كل وحده تشيل اكلها جان بعد الظهر تصير شوي زينه نحصل مكان نقعد فيه
ايضا الحمامات نفس السالفه لو كل وحده تدخله وتعتبره حمام بيتهم وتحافظ عليه كان شفنا ايضا حمامات نظيفة ..
يعني شقوول شخلي الكافتيريا يالكافتيريا المشرفه هي اللي باطه جبدي مخليه الخدم على كيفهم وماتراقبهم خصوصا بالرييسي
اما المحلق لامانه نظيفه هي وخداماتها لان وراهم مشرفه اظن تعرفون شكلها يحليلها تراكض وراهم وتعصب عليهم على النظافة
ايضا بعد المسجد والاستراحه ياكلون ويمشون بالملحق وربي انجن اشوف وحده تاكل بالمسجد وتقوم ماتشيل اكلها طيب يـ …مدري شقول مسسسسسسسسجد شيلي القراطيس..
واللي تنام وماتشيل لبس الصلاة اللي تغطي فيه وتخليه ..
والله بعض مرات اجي تاخير القاه فااااااضي بالمحلق اقوم اعدله حرام هذا مصلى ويصير نظيف ..
والخدامات بس فالحين يوصلون للطالبات اكل وطلبات طيب ماتخلون كل وحده تقعد عند حمام وكل شوي تجيك وتنظف
بيصير نظيف شنوووووووووووو هذا طفشنا احنا معلمات مانحب نشوف هالمناظر والله..
متى نروح للكليه الجديدة … :"(
شي يقهر وين الانوثه اللي تخليج تاكلين وماتشلين اكلج ..
والكافتيريا تقث واللي يمها مصكرينها على شنو بلا بالرييسي نظفوها وسنعوها وخلو البنات تقعد فيها
صج انها ضيقه وخرابة بس تتعدل تصير اوكيه (للعلم من خمس سنوات كانت هذه الكافتيريا الاساسيه للكل وتقولي اختي شي موطبيعي زحمممممة ومكيفات شباك )
الله يعين فصلين ومودعة الكليييييييييييييييييييييييييييييييييييييييييييييي يييية بكبرها وياعسى ايامها ماتعود ..
السموحة قرقرت بس مقهورة
:/
حتى لو بنقعد بس هالكورس نبي حياه مثل الاوادم
ان شاء الله هالسنه بنقدر نسوي شي اذا ما سووا اللي نبيه نقدر نلغي الاتحاد و نعيد الانتخابات من اول و جديد !
و الله يوفق الجميع 
شي موطبيعيييييييييييي وييييييع تلوع الجبد ثانويتي كانت اكشخ واحلى وانظف حتى جدولي مخليه كل محاضراتي
ورا بعض عشان مابي اقعد فيهااا وااااي صج الله يعين شلوووون بتحملها 4 سنيييييييييييييين !!
ان شاءالله ننتقل العارضييه هالسننه ياررب
ما تصلح لمعلمات تربيه للمستقبل
شنو التربيه والتعليم جذي تعلمينا عن الاهمال وعدم النظافه وعدم المسئوليه
لو جان كليتنا نظيف وتصلح للتعليم لكان طلعتوا معلمات يعرفون مستقبلهم انه مسئوليه
مو اعظاء الكليه ما يطبقون المسئوليه
راح يكونون قدوه للطالبات الكليه الاساسيه
بصراحه انا مستجده و اول ما دخلت الكليه انصدمت من الكليه كانها الفريه
ههههههه ما تصلح بيئه سكنيه ههه او صحيه وع كليتنا تفشل
و هناك أخف زحمه
و خصوصا قسم الفنيه مافي وايد حوسة بنات
و المكتبة وايد ارحم من مكتبة الرئيسي
و هم الكافتيريا
مادري بس انا حابه الشاميه و ما ودي نروح العارضيه 
بس سؤال توه يا ابالي !!
شنو اللي خلا جذي وضع كليتنا ؟
ليش يتحسفون يسوون لنا شي نظيف و يديد !!
العلوج اللي تحت الطاولات منو اللي لازقهم !! الطالبات
الشخابيط اللي عالطوفه منو اللي كاتبهم ؟؟؟ الطالبات
الجياس و قواطي العصير اللي مقططه بالممرات منو اللي قاطهم ؟ هم الطالبات
تهقون لو رحنا العارضيه بتم نظيفه على طول !!
ولا كلها جم سنه و تصير مثل الشاميه ؟؟
لازم نعدل من نفسنا اول بعدين نلوم الكليه
:/
بس يهتمون بالنظافه اكثر البنات خصوصا
ويسوون كافتيريا يديده نظيفه وفيها مطاعم
ويحطون لنا كراسي بكل مكان
القار المتكسر اللي كل شوي نتعرجب منه خل يعدلونه
المسأله تحتاج لتجديد وترميم
الشاميه احلى مكان الكليه استراتيجي كل شي يمج
صح كلامج
الطالبات وسوري على هالكلمه بس (وصخات) مايعرفون النظافه .. خلي الأكل اللي بالحديقه اللي يحر ان حتى عالكراسي يحطون اكل زين وين نقعد عالأرض !!
وبالنسبة ان ننتقل العارضيه بصراحه ماودي كلش تعودت عالشامية كل شي قريب ويمنا لا رحنا العارضية شنو عندنا !! وخصوصا انا ما اسوق وما احب الطريج الطويل شنو اسوي @@
ان شاء الله ما ننتقل العارضيه الا لما اتخرج يااااااااااااارب كلـــــــــــش مو مستعده اروح هناك
حبيبتي ارضي بالامر والواقع ماراح يتغير شي قبلج تحلطمنا
لاااااا حياااة لمن تنااااادي
الله يعين انا اهم شي عندي الحمامات !!!!!
الي شفتها بالكلية من الطالبات
انا قعدت ٦ سنين وبتم السنة
السابعة اول سنتين الكلية
مرتبة .. تالي صارت وصصصخه
من البنات الحمامات قذرة
والممرات بعد والحدايق بعد
والاستراحه والمصلى والطوف والادرج
كل شي من الطالبات !
وغير هذا شوفي الباصات بس
بالكلية