تدريس العلــــــوم شالعمل قولو لي ؟

السلام عليكم

بنات بسألكم

انا مسجله ماده تدريس علوم (1)

الي خذاها سهله هي ولا صعبه وعند منو

وهل الماده تتطلب شغل كثيير

بليييز بنات لازم اجييب فيهها a

الي ماخذتها من قبل عند دكتوري

تقول لي شلون طريقته تعامله امتحاناته

علي حسن عبدالله ابراهيم >>> اول مره اسمع عنه ….~

واكون شاكره لكم …..

الي ماعنده فكره

حبايبي يرفع الموضوع عالاقل

تعتبر من المواد العملية ., فأكيد فيها شغل .,
الشغل حلوو وممتع عند الدكتور علي ابراهيم.

والـــa سهلة جدا لكن بشرط ان تبذلي الاسباب من مواظبه ودراسة وجد واجتهاد ,
ووتوكلين على الله .,

امتحاناته تتعتمد على الفهم درجة اولى .,

أنا أخذت عنده تدريس 2
ويبت a

الحمدلله .,

مشكورة حبيبتي

ريحتيني بردج وجزاج الله الف خير

بس مايخالف حبيت اسال شنو المطلوب اسويه عند هالدكتور

وشنو نظامه بالضبط

الحضور والغياب وطريقته بالشرح وجذي يعني …

واكون شاكرتلج اذا رديتي علي حبوبه

^^^^^^^^^^^^^^^
مشكوره حبيبتي

كلج ذوق …

up up up

صباح الخير .,

هلا حبيبتي .,
شوفي انا اخذت عنده تدريس 2 يعني أخاف نظامه بتدريس 1 غيير .,

بس ما عليج ., بقولج الي شفته بتدريس 2 .,

الله يذكره بالخير ما يحسسج انج مضغوطة .,
حتى الواجبات الي كان يعطينا ياها عادي تراجعينها معاه قبل التسليم يعني كنا نضمن الفل مارك عنده بالواجبات والتقارير والبحث .,

أهم شي انه يستقبلج برحابة صدر ., ومستعد يرد على تساؤلاتج بدون ملل .,

كان يقولنا انا لو الود ودي ماعطي اختبارات تحريري لكن انا مكلف من الجامعة اني احط فاينل .,

ماكان عنده ميدتيرم // كنا بهالفترة نشتغل معاه بحوث تقارير واجبات يعني يهيئنا عمليا وكانت عليها مع الغياب 60 درجة

والفاينل 40 كنا ندرس من المذكرة الي مصورينها ., وكان يحدد معانا المواضيع الي معانا .,

لكن !!!!!

الفاينل مو سهل ولا صعب وايد كان يعتمد على الفهم درجة كبيرة .,
وكانت اسئلته على شكل مواقف ., (اختياري) وبعد صح وخطأ

لول كنا نقرأ الموقف كذا مرة ونعيد عشان بس نجاوب يعني مرات نتعقد بس لو تشوفين الجواب سهل بس اهو يبيله تركيز شوي .,

واعتقد اذا ماني غلطانة كان في كيرف .,

يعني لا تخافين حبيبتي والي يقولج صعب ومن هالكلام قولي له.,

بتوكل على الله .,!
وبإذن الله بجيب الــ a

^^^^^^^^^^^^^^

ردج راح احفظه عندي

مشكوره حبيبتي تعبتج معاي

ريحتيني عالاخر

ثانكس مره ثانيه

الله يكثر من امثالج حبوبه

حبيبتي ولــو .,

أي شي تبينه انا اختج.

ربي يحفظج وموفقة بإذن الله .,

شدي حيلج
وبشرينا ها ..,

ماقصرت فروتي

والله يوفقج

والله خجلتيني بطيبك حبوبه

من طيب اصلك والله

ولك المثل عسوله

ان شاء الله هالمره جد مافيها لعب

ان شاء الله انتي اول من راح يعرف

عزيزه وغاليه توتي

فيكم الخير والبركه

يكفي رفعتي الموضوع حبوبه

ويوفقج بعد

رديت عليج رد شطوله

في تجمع بنات التربيه

بس انا خذيتها عند عبدالله جزاغ

ودكتورج يمدحونه حيئئئئل

^^^^^^^^^^^^^^^^^

مشكورة حبيبتي ماتقصرين

شفت الرد ريحني لاني كنت خايفه من الماده

والدكتور ماادري كانهم يمدحونه

الله يوفقج حبوبه