قوووه كويتيات بنات التربية تعالوا .

فــ هو >>

رووووووووووووووووووووووووووووووعه

ومن احسن الدكاتره اللي درست عندهم (كنت ماخذه عنده إداره مدرسيه) ، وحبيت الجامعه منه ، ويالييييت كل الدكاتره مثله ويقتدون فيه …

وصــج صـــــج يستااااااااهل انه ينقال له دكتور ولا بعد مرربي اجياااال

**طريقه تعامله**
رااااااااقيه بمعنى الكلمه ويعاملج على انج بنته ويحسسج بالمسئوليه وغير هذا يقولج من خبراته وتجاربه اللي تفيدج بعدين بوظيفتج ..

محاضرته ماينمــــــــل منها والله .. لدرجه اني ماكنت اطنش عنده واحب احضر محاضرته بالذات .. لانها ممتعه وتستفدين منها ومو من الدكاتره اللي يقضون المحاضره كلها بالمقرر والنفسيه (اسمحيلي بهالكلمه) خــراااا !! لااااا هو غير يشرح وبنفس الوقت يناقش ويقول لنا تجاربه بالتدريس ويعطي مجال للبنات يناقشون و يقولون موافقهم .. وكل هذا بسعه صدر و وجه مبتسم .. واحلف لج والله ماعمري شفته معصب او حتى قط كلمه "سوقيه" .. وصدقيني لو اكتب مني لباجر ماراح اوفيه حقه لانه يستاهل كل خير والله ..

**امتحاناته**
موضوعيه (مع اني ما احب الموضوعي لانه يدوخ ) بس امتحاناته هو سهلــــــــــــــــه .. و عنده امتحانين ميدتيرم .. وكل امتحان 20 سؤال بـ 20 درجه .. وعلى حظنا ان باول امتحان زاد لنا 5 اسئله بالامتحان وقال اللي تجاوب عليهم او تاخذ اعلى من 20 فهذا بونص لها .. وبالتيرم الثاني قال اللي حاسه انها ماقدمت زين بالتيرم الاول وحابه تعيد الامتحان تعيده اما اللي مو حابه تعيده فـ راح ادبل لها درجه التيرم الاول "من غير البونص =الزياده اللي فوق العشرين"

اما البرزنتيشن .. كان طالب منا نسوي مع القروب موضوع عن التعليم بالكويت وبالخارج .. بس بعدين كنسله لان ما يمدي نقدمه عشانه سافر لمده اسبوع وعطانا اوف اكثر من مره .. فـ ارتحنـــــا

لــكــــــــن انا اشوف بنات على نهايه الكورس يقدمون بدايه المحاضره عن اي موضوع يتعلق باللي ندرسه بالفتره نفسها .. و اظن يحسبه لهم كـ بونص ..

بالنسبه للواجبات عطانا طول الكورس واجبين .. تافهيـــــــــــــــــــن بمعنى الكلمه ..

وبالمحاضره نفسها احيان نسوي قروبات و يوزع علينا اوراق نشارك فيها ويحسبها لنا ضمن درجه الواجبات والمشاركه ..

اااي وعلى فكره احيان يقط كلمات بـ اللغه العربيه الفصحى بحتــــه واذا مافهمناها يكلف وحده تطلع معناها من المعجم ويحسب لها بونص بعد

**الغيـــاب**
الغياب عليه 10 درجات .. و الاستاذه هي تاخذه كل محاضره .. وتجي بنص المحاضره .. اذا غبتي جيبي لها عذر طبي و تحطه غياب بعذر واظنها ماتنقصج .. تبين تستأذنين من المحاضره يعني ماتحضرينها خير شر وعندج عذرج .. روحي لها قبل المحاضره بيوم او اكثر وقولي لها بستأذن المحاضره الجايه مع العذر اللي يخليج تستأذنين عشانه وتحطج استئذان عندها بالدفتر بس ماتحسبه غياب يعني كأنج حاضره ..

**التأخير**
اعجبتــــــــــني طريقتـــه بالتأخير .. تدرين شلووون !!
طبعا هو ما يجي عالتايم بالضبط لا احيان يتأخر 5 دقايق او 10 دقايق مو اكثر .. و يعطيج اول ربع ساعه من المحاضره عقب يحسبج تأخير ..

بس عمــــــره ما طـــرد او هــزأ ، واذا دخلت البنت بعد الربع ساعه يخليها تكتب اسمها على السبوره يقول انا ما احب اطرد الطالبه او ازفها لان هالشي راح يسبب لها احراج جدام زميلاتها ويمكن تكرهني وتكره الماده بعد عشان جذي انا اخليكم تكتبون اساميكم على السبوره لان هالشي اللي يخليكم تحسون بانفسكم وتستحون من دون لا اتكلم او اجرّح بأحد وما تتأخرون مره ثانيه ..

يحب اللي تشارك معاه وتناقشه دايم ويحفظ اسمها وشكلها ، وكلللللللللش ما يحب اللي –> "تتثاوب" و اللي –> "تسولف مع اللي يمها" ..

وبالنهايه .. كل كلمه كتبتها عنه تعتبر من رايي الشخصي واكيييد كل واحد وله راي يختلف عن غيرهـ

عسى الله يوفقك يا دكتور محمد المسيليم ويسهل لك امورك وين ماتروح ويجازيك ربي الجنه والفردوس الاعلى منها ان شاءالله لانك كنت خيررر قدوة لنا كـ مدرسات المستقبل ومربيات اجيال .. ومنك تعلمنا واستفدنا اشيا كثيرررهـ ..

^
^^
كتبـت لج تقرير عنه ههههههههههههههههه بس يستاااهل والله دكتورنا و أبونا