دكتور عبدالسلام بهبهاني !!! بنات الاداب بليييييييييييييز دشوا

السلام بنات شلونكم ؟؟

بصراحه ببدي بمشكلتي مع هالدكتور
اول كلاس عنده كنت بصراحه مو فاهمه و لا شي من الي شرحه مع العلم اني كنت ناويه اتخصص انجليزي
و فوق هذا اهوا كلامه سريييييع وااايد هذي المشكله الي اعاني منها
و واايد شديد معانا
و اهوا اول كلاس داومنا عنده قالنا اقروا قصه و ما قال لا ان في كوز و ا شي و لما اومنا عطانا كوز و انا ما كنت قاريه فماكنت فاهمه نظامه !! فماحليت الكويز من الاساس ليش اتعب عمري و اصلن محد حل الكوز الا ثلاث بنات بالكلاس كله @@ متخيلييين !!!! مادري انا مستصعبه الماده و لا اهيا صعبه و رفيجاتي ماخذينها عند دكتوره ثانيه بوايد اسهل و نوتهم يهبل نتفه يفتح النفس احنا 3 جابترات و فوق هذا كل واحد 100 صفحه اعتقد
الله يعيينا بصراحه
سااعدوني

و انا عندي اربع مواد و ما اقدر اسحبها @@
يصير اذا خذيت فيها fa شنوو يصير عادي ما يأثر ع المعدل عشان بقدمها عند دكتور ثاني … و شلون اخذ fa شسوي ما اقدم الفاينل !!

اب
اب
اب
بناااااااااااااات بليييييييييييز ابي مساعدتكم بلييييييييييييييييييييييييييييييييز

مدري بس اتوقع الfa بيخفس بالمعدل

الصراحه توني مستجده

up

لعيونك

اذا اول كويز عااااااااااااادي دايما جذي تصييير لا تخافين لان اول مره ولازم تتوترين ومافهمتي الدكتور
اذا تبين اف اي اي لازم ما تمتحنين الفااينل والله يوفقج

يعطيكم العافيه

لا بالعكس !! الدكتور عبدالسلام وايد زين بس انتي شدي حيلج معاه ! إلي يقوله سويه !
بالفاينل يرفع الكل ترى ! بس اهو يخرعكم بالبداية عشان لا تاخذون المادة عبط و ما تدرسون !
بعدين راح تحبين نظامة و ترى يأسسج عدددددددددددددل !!! أنا خذيت عند دكتور خالد الجنفاوي المقدمات و تأسيسي خرطييييييييي و كرهت اللترجر منه !! ما يفهم و لاااااااااااا شيء بس خرابيط !!! عكس عبدالسلام ، تطلعين منه متأسسه عدل و باجي المواد كلها تصير سهله جدامج

شدي حيلج قلت لج اهو نظامه جذي عشان يصفي الكلاس من البنات إلي داشين يلعبون مو جنهم بنات جامعه يايين يدرسون

لوووول والله كنت بكتب عنه باول يوم دوام لاني خفت منه صراحه !

انا ماخذه عنده english literature history1 الساعه 9 انتي معاي ؟

شوفي انا من اول يوم مارتحتله وانا بالمحاضرة قاعده افكر اني اسحبها بعدين كل من قالي نطري يمكن ترتاحين والمحاضرة الثانية نفس الشي والكوز ماحليته لاني ماعرفت اقرا الشعر صعب .. بس ماراح اسحبها الحين بنطر بعد بقى شهر على نهاية الانسحاب فبنطر ..

احسه شديد حيييل .. وبعد لاني ماخذه هالكورس literature2 فحسيت ضغط

بس ان شالله ربي يسهل .. انتي لا تفكرين بالانسحاب من الحين حاولي تتكيفين مع الوضع وان شالله تمشين ..

لا حياتي عادي
انا خذيت عنده الكورس الي طاف بالعكس ترا اهو جذي وتوقعي بعد الميدتيرم يقولكم اللي تبي تسحب الماده تسحبها
لانه يبي يصفي الصف ويخلي اللي جد يبي يدرس ويجتهد وتاسيسه توب ويحب اللي يشارك معه
ولا تنحبطين بس ادقري الدرس كل يوم وادعي ربج التوفيق

ام حمد لا يا قلبي
انا مقدمه في الادب العالمي مترجما
انا المشكله الي مواجهتني ان القصص صعبه و لا انا فاهمه عليه يعني التشبيه و جذي و نوعي اذا انجليزي بسرعه احفظ فمادري
انزين هذا اصعب شي بلانجليزي و لا فيه اصعب من جذي ؟؟
الله يعينا والله

مشكورين بنات ع المرور ما قصرتوا عسى الله يحقق الي ابالكم يا رب

حبيبتي سيلف كونفدينس كلنا بالبدايه جذي مانفهم ونضيع والكوزات مانحلهم ونتوتر ونفكر نسحب او ناخذ Fa

بس حرام ترا الFa اتنزل المعدل حيل واحنا مو ناقصين يعني انا مثلج ببداية مسيرتي مع الانقلش ههههه بس والله سهالات

راح يصادفونج وايد دكاتره يتكلمون بسرعه وماتدرين شالطبخه و .. و .. بس عادي هذا بعدين يردلج بالفايده راح تصيرين تعرفين

شيقولون

يعني احنا تونا ماداومنا الا 4 ايام وانا الدكتور للامانه ماخذيت عنده ولا مره بس من وصفج عنه اهو وايد اهون من غيره
وانتي شدي حيلج وجابلي وترجمي واقري قبلها وتمشي السالفه انشالله بس حرام تاخذين فيها Fa انا كنت نفسج واخس بعد
بس الحمدلله ماكو شي يبقى على حاله كلنا نتعلم وسهالات انشالله

بالتوفيج

مواد الادب كلها غثيثة

يعني سواء عنده او عند غيره الادب ماينهضم

وبالنسبة للفهم لايهمج ابحثي عن القصة او القصيدة او الموضوع اللي عليكم في قوقل واقري تلخيصه وتلخيص الطلبة العرب عنه

او حتى ترجميه بقوقل ترانزليت او ابحثي في المواقع العربية

مشكوووووووووووورين ما قصرتوا رفعتوا معنوياتي