|
|
السلام
شلوونكم شخباركم
أختي مستجده تخصص علوم يعني توها أول كورس لها الحمدالله
بس عطونها 3 مواد لانه كلشي أمسكر عادي وله لازم تروح تاخذ مواد بعد؟؟؟
لأن الي عطتها الجدول قالت مافي الا هالثلاث مواد واذا فتحت ماده راح نبلغ؟
أشلون طريقتهم إذا مافيه راح يعطلونها وتدرس كورس أضاافي؟!!!
موادها :-
الاحد : (الجبر الخطي) من الساعه 9 لي 11 عند ابراهيم محمود (اصول التربيه) من الساعه 11 لي 12 عند حسين هدبا
الاثنين: (مدخل في علم النفس) من الساعه 11 لي 12 عند نجاه الشلفان
الثلاثا: (الجبر الخطي) من الساعه 9 لي 10 (اصول التربيه) من اساعه 11 لي 12
الاربعا: (مدخل في علم النفس) من الساعه 11 لي 12
الخميس: (الجبر الخطي) من الساعه 9 لي 10
وهذي صور الجدول اوضح
الصراحه جدولها عاجبهاااا جذي مريح وماودها تغيره لانها توها حامل فماتبي تنتقل من مبني لي مبني هذا كلامها ههههههههههه
فما أدري أشلون الطريقه
وعندي بعد شغله هي ماتعرفهااا
حاطين بجدولها أسم الماده والساعه ووين محاظرتها يعني المبني الفلاني وحاطين أرقاام مثل جذي :_
وتحت حاطين
الحين بتعرف
الماده الي مبناها بقاعه 1=106 – وقاعه 2=308 ووووو……
الي تحت هذا ارقام ترتيب والا اسم القاعه 1 و2
ان شالله فهمتوا علي لاني مخي وقف
يعني الماده الي بقاعه 106 بالمبني الرئيسي ولا قاعه رقمها 1
وبنات الي تعرف هالثلاث مواعد بمبني واحد ولا تتنقل؟ من مبني ومبني هل تحتاج سياره ولا لأ؟
لان الصراحه امي واحنا خواتها خايفين عليها مانبيها تسوق لان اول مره تسوق سياره وهي خوافه وطق ابريكات وايد توها حتي ماكملت الشهرين من حمالها وريلها دوام يعني يقول انا اقطج واذا خلصتي امر أخذ بس المشكله الحين بنات يقولون تنتقلين من مبني لي مبني بسياره صج وهقه
مانبي توقف قيدها حرام
وهذا حاطينه ورا جدولها مواد اشكثر شنو سالفتهم.gif "Eh S(1)")
ان شالله فهمتوا علي يارب
والله يوفق ان شالله كل البنات يارب
ناطريتكم
يعني جذي ولا جذي …راح تروح وانا اقول خل تضيف مواد احسن لها ..
انه في ماده الفلانيه مفتوحه الي يبي يروح التسجيل…
وخليها تشد حيلها ..
والكورس الياي تاخذ 15 وحده اووو 18 وحده احسن..
|
المشاركة الأصلية كتبت بواسطة مس دندون
 للرفع
|
مشكوووره للرفع حياااتي
|
المشاركة الأصلية كتبت بواسطة ليالي العاشقين
صح كلامهم اذا فتحووو مواد يعلقون اوراق …
انه في ماده الفلانيه مفتوحه الي يبي يروح التسجيل… وخليها تشد حيلها .. والكورس الياي تاخذ 15 وحده اووو 18 وحده احسن.. |
اها
فهمت الحين ان شالله عاد ما يطولون
مشكووره حوووبي
عموما .. اللي بالازرق دلاله على رقم المبني ،
رقم (1) = المبنى الرئيسي – اللي فيه مبنى البدنيه + المكتبه بمبنى بروح وكافتيريا جلوريا قبال المكتبه …
رقم (2) = الملحق الاول – اللي فيه مبنى الاقتصاد وقسم التكنولوجيا ، وهذا تروحين له بالباصات اللي توفرها الكليه يعني ماله داعي اختج تسوق سيارتها وتتنقل من مبنى للثاني 
أما هذا فيسمونه الـ major sheet
وفيه المواد اللي راح تدرسها اختج طول الفتره اللي بتقعد فيها بالكليه .. بعضها اختياري وبعضها اجباري ،،
مجموع وحدات هالمواد = 130 وحده … وبما ان اختج بأول كورس فاهي مسجله حاليا 7 وحدات من الـ130 ،
ومثل ما قالت اختي ليالي العاشقين .. الافضل انها تاخذ الكورس الياي اكثر من 15 وحده عشان ما تتأخر .. لأن 7 وحدات حييل شويه =
اساسا عندنا اللي جداولهم فيها 13 وحده بس، يفتحون لهم اخر يومين السستم عشان يسجلون مواد زياده حتى ما يتأخرون !!
… موفقين حبيبتي والله يسهل على اختج ياآ رب (=
اللارقام الي قلتيها يعني مثلا (1=106 )هذا معناه
المبنى 1 ورقم القاعه 106
والمواد الي مكتوبه ورى جدولها تكون مواد التخصص الي راح تاخذها
وكليته التربيه من الي سمعته كبيره وتحتاج سياره
بس لاتحاتي اختج لانه في باصات تنقل الطالبات من مبنى لي مبنى
وانشالله افدتج والله يتمم على اختج انشالله
وانالله بنات التربيه يفيدونج
اقل شي 15 وحده عشان تتخرج طبيعي 4 سنين@@@
|
المشاركة الأصلية كتبت بواسطة mimi_el3so0ola
بس مادري يعني 7 وحدات مو جنهم شويه حبي =S !!
عموما .. اللي بالازرق دلاله على رقم المبني ، أما هذا فيسمونه الـ major sheet ومثل ما قالت اختي ليالي العاشقين .. الافضل انها تاخذ الكورس الياي اكثر من 15 وحده عشان ما تتأخر .. لأن 7 وحدات حييل شويه = … موفقين حبيبتي والله يسهل على اختج ياآ رب (= |
اي حياتي فهمت عليج
مشكووره وايد ما قصرتي
الله يوفقج ان شالله يارب ووفق اختي
|
المشاركة الأصلية كتبت بواسطة دلوعة حبيبي
انا مو بالتربيه بس بساعدج بالي فهمته
اللارقام الي قلتيها يعني مثلا (1=106 )هذا معناه والمواد الي مكتوبه ورى جدولها تكون مواد التخصص الي راح تاخذها وكليته التربيه من الي سمعته كبيره وتحتاج سياره بس لاتحاتي اختج لانه في باصات تنقل الطالبات من مبنى لي مبنى وانشالله افدتج والله يتمم على اختج انشالله وانالله بنات التربيه يفيدونج |
مشكووره حبيبتي
طمنتيني علي البااصات وان شالله عاد ريلها يوافق تركب باص
والله يوفق الجميع يااارب
|
المشاركة الأصلية كتبت بواسطة music_teacher88
راح تتاخر جذي من صجهم 7 وحدات؟
اقل شي 15 وحده عشان تتخرج طبيعي 4 سنين@@@ |
هما عطوها 3 مواد والله
بس ان شالله يفتحون باجي المواعد وتااخذ جم ماده علشان تاخذ وحدات
مشكووره حبيبتي
بس حجي التسجيل كله جذب × جذب
يبون يمنّن البنآت بعدين يصدمووووونهم
هذي موآد أختج مآرآح يضيفون لهآ شي بعد
آلآ إذآ أستخدمت فيتآمين وآو
دوآم أختج مآبين الرئيسي وحآطين لهآ رقم المبنى 1 عند حديقة وهرآن
وبين ملحق 1 آللي قبآل جمعية الشآمية والشويخ السوق المركزي آللي هو مبنى 2
موفقة خير آن شآلله
كويتيه حبيبتي خليها تروح المسرح توريهم جدولهااا
انها سبع وحدات وتقول ابي اضافه وراح يضيفون لهاا
الي اقل من عشر وحدات يضيفون لهم ماده او مادتين
خليها تروح بكره
انا بنت عمي كانت عشر وحدات ضافت وحده صارت 12 وحده
|
المشاركة الأصلية كتبت بواسطة مطيريه ماركه
كويتية مذهلة مآودي اصدممممج
بس حجي التسجيل كله جذب × جذب يبون يمنّن البنآت بعدين يصدمووووونهم هذي موآد أختج مآرآح يضيفون لهآ شي بعد آلآ إذآ أستخدمت فيتآمين وآو دوآم أختج مآبين الرئيسي وحآطين لهآ رقم المبنى 1 عند حديقة وهرآن وبين ملحق 1 آللي قبآل جمعية الشآمية والشويخ السوق المركزي آللي هو مبنى 2 موفقة خير آن شآلله |
يؤ يؤ يؤ يؤ
مشكووره حياااتي
راح أبلغهااا