الكترونات اتصالات

آنا كنـت بهالتخصص درسـت فـيه سنـه وحدة
مواد التخصص كلهـا بالانجليزي
بس مثل ما قالـت اختي الي قبلـي يشرحون بالعربي من هالناحيه سهالات ..

يعني صج انج لازم تعرفيـن المصطلحـات بالانجليزي .. بس مو صعب انج تفهمـين الكتب والمذكرات لأن تخصص الاتصالات المسائل فيـه اكثر من الكلام يعني ما راح يصعب عليـج الانجليزي وايد نفس التخصصات اللي فيهـا كلام و حفظ .. التخصص يبيلـه فهم و تركيز .. لأن كلـه مسائل و فيزيـا بس فيزيـا متفرعـه لعدة مواد .. و اهو مو سهـل ولا صعـب بس يبيلـه مجابل و مراجعـة أول بأول ..

بس صدقيني إذا التزمتـي بالحضـور وما غبتي مافيـه شي يصعب عليـج لأن وقت الدراسـه يكون كل شي كامل عندج .. بس اذا غبتي و ما درستي أول بأول راح يصير صعب عليج لأن يتراكمون عليج القوانين .. انا جربت مادة تخصص ما درستهـا من البدايه كنت بذيج الفترة احس ان صعب و مستحيل ينفهم بس لمه جابلتـه و تدربت على المسائل حسيت ان حيـل تافه و ما يبيلـه شي

طبعـاً الاساتذه يلعبون دور بالفهم انتي وحظج تطيحيـن عند زين والا شيـن

وانشـالله ما تطيحين عند الشينين

و الحمدلله انا بهالسنـه درجاتي كلها A- و B+ و B ماعندي الا مادة وحدة D واهي رياضيات ماكنت ادرسلها مع انها اسهل من الثنوي وايد بس عشان اكره الرياضيات وكله مالي خلقها