مهندسات المنتدى تعالو ابيكم :)

السلام عليكم ..

هههههههه ادري مصختها من كثر الاسئله عن التخصصات ..

بس شسوي ما عندي خوات غيركم كل خواتي جهال ..

انا بغيت اعرف دراسه هالتخصص سهله صعبه ؟؟

شلون يشتغلون بعد التخرج ؟؟

شنو الاحسن هندسه كيميائيه او معماريه او كمبيوتر ؟؟

شخبار المعاش بعد التخرج

؟؟

اي معلومه تخطر ببالج وودج تفضفضين عنها زينه كانت او شينه قوليها و انا اختج بستفيد منكم !!

انا مهندسه كيميائيه
الدراسه كانت حلوة وسهله وصعبه بنفس الوقت

يعني عادي انتي ومحبتج للتخصص
يعني انا كنت اشوف تخصصي سهل واشوف المدني صعب مع ان المدني كل يقول عنه سهل وايد

بالنسبه للدوام مجالج راح يكون محدود تقريبا
يعني القطاع النفطي اقوى معاش لنا تالي الهيئة العامه للصناعه ووزارة الكهربا والماي هم زينين لنا

بعد شنو حابة تعرفين؟

ثمانيه مرووو ولا سلمو الله يسامحكم ..

مشكوره حياتي eng.jacvara ..

انا حابه اعرف شنو النسبه اللي تدخل الهندسه ؟؟

و شلون دراستها عربي ولا E ؟؟

و شنو نوع الشغل اصلا ؟؟

عندي اسئله محيرتني واجد ان شا الله تفيديني و الله يوفقج قولي آمين ..

النسبه والله مادري كل سنه تتغير

والدراسه كلها بالانجليزي ولا شي بالعربي كلش

ونوع الشغل عملي تقريبا

يعني انتي لما دخلتيها كنتي شاطره بالانقبيزي ولا انتي متعوده و مدرسه خاصه او يعطونكم تمهيد ؟؟

و انتي لما دشيتي تقرييييبا النسبه اللي تدخل الهندسه كم يعني بالثمانينات او التسعينات ولا شنو ؟؟

انا مهندسة بس مدني..

واقولج ماكو شي صعب ولا شي سهل…

تحبين الرياضيات..الفيزياء او الكيمياء..دخلي الهندسة وقلبج قوي..
الدراسة وايد..واول باول..يعني انا كنت ناسية طلعات وتسوق…وزوارات…ماكان عندي وقت…
وخصوصا اول سنتين..بعد بالتخصص الدراسة تسهل نوعا ما…ترتاحين…لانج تعرفين شنو تبين وتركزين على شي واحد…والدكاترة يبدون يعرفونج…

بالنسبة للتخصص…افضل الكيميائي بعد المددني… المدني مجاله حلو بالشغل…

الراتب..الحمدالله راح يعجبج وخصوصا الكادر…يعني كنا قبل نتعين ب 500 او 600 ..الحين جنه يوصل اول التعيين 800…وحسب جهة العمل..موفقة….

اول شي حطي ابالج انها مو كليه سهله و اول سنتين بتتنقعين بكلية العلوم بتدرسين فيزيا كيميا كالكلس اللي اهوه رياضيات فــ كل اللي درستيه بالثانويه بينعاد بس بتركيز شوي اكثر
الدراسه بالإنقليزي بس عادي راح تتعودين اغلب الإمتحانات باول جم سنه كلها مسائل ما يطالبونج تكتبين بالانقليزي ف بس يعتمد عليج انج تعرفين و تفهمين انقليزي عدل….

عق بالنسبه حق التخصصات عندج وايد تخصصات حلوه
مدني , ميكانيك و هالتخصص ماله شغل بالبنجرجيه له علاقه بالتصميم اكثر شي, كمبيوتر و هذا تخصيصي ;p و عندج صناعي ,بترول, كهربا, كيميكال
و العماره طبعا بروح مو تبعنااا

طبعا عشان تعرفين ميولج و شنو التخصص اللي بيعجبج , راح تاخذين ماده اسمها مقدمه في الهندسه كل اسبوع بيبولكم دكتور من كل اقسام الهندسه و يشرحلكم عن تخصصه و شوفي شنو اللي بترتاحيله + انه في مواد مشتركه راح تاخينها و منها تعرفين شنو التخصص اللي يصلحلج

يعني اذا خذيتي ثيرمو و حبيتيها دشي ميكانيك
خذيتي برمجه و حبيتيها دشي كمبيوتر
خذيتي فيزيا 2 او سيركت و حبيتيها دشي كهربا
و جذي ;p

و بالنسيه حق المعاش ما بعد التخرج مادري والله ليما الحين ما تخرجت عشان اقولج , بس عموما من اللي اسمعه انه معاشاتنا قويه : )

والله يوفقج و يوفقنا انشالله : )

شنو يعني مدني كيميائي كهرباء والله ما فهمت

مشكوره حبيبتي و الله يوفقج انتي بعد ..

مشكوره و آمين الله يسمع منج ..

حبيبتي لا انا مدرستي حكومه وتدرين دراستنا بالعربي واول ما دشيت لجامعه كل شي بالانجليزي
شوي شوي تعودين وجابلي دراستج اول فتره بتحسين كل شي يصير سهل اذا جابتلي الدراسه
بالنسبه للنسب
انا كانت نستبي 92
بس اهما ما يخاذونها كلها ياخذون نسبه منها مع امتحان القدرات اللي اهو الرياضيات والانجليزي والكيميا
لازم تمتحنينهم عشان ياخذون منهم نسبه ويزيدونها على نسبتج اللي تخرجتي عليها

الله يوفقج ان شاء الله
آنا اختي عماره بس مثل ما قاولوا البنات مالها شغل بالهندسه
و الصراحه أشوف دراستها أكثر شي تعتمد على انج تسوين مجسمات و جذي

الله يوفقج ياارب .. انا بالعلوم وان شالله ابحول هندسة عما قريب الله يوفقج ويوفقني ياارب

الله يوفقكم بنات

نونهـ ..

بس امتحان القدرات اذا ما خذيتي درجه زينه يخسف النسبه صح ؟؟

اهاا مشكوره حبيبتي ..

آمين ..

الله يوفقج ..

و تطلعين من الاوائل ..

تسلمين يا عمري مشكوره ع المرور الحلو ..