|
السلاااااااااااااااام عليكم ورحمة الله وبركاته
بنات أنا خريجة كلية العلوم الاجتماعية هالكورس
الحمدلله اطلعت درجاتي
وتخرجت وخلصت
رحت الجامعة قبل جم يوم بسوي إجراءات التخرج
ولعنت السااااااااااااااااااااااعة اللي دخلت فيها جامعة الكويت
رحت إدارة الخريجين
اللي مكانها يفرررررر الرااااااااس
بالعمادة الوردية اللي بشويخ
ادشين داخل وتقعدين تفترررين كأنج بمتاهه
لما تلقين لافته مكتوب عليها إدارة الخريجين
عقبها تصعدين الدور الثاني
دخلت على الموظفة عطيتها اوراقي وعطتني ورقة مكتوب عليها
إخلاء طرف للخريج وقالت لي وقعيها باسرع وقت وييبيها
يعني المطلوب مني إني أودي إخلاء الطرف للأقسام هاذي توقعها ::
1- رئيس القسم اللي انا متخصصة فيه ::
2- الاشراف الاجتماعي بالكلية شؤون الطلبة:: مكاانه بالمباني القديمة اللي بشويخ ( مبنى 7)
3- الأمن والسلامة :: ((بالخاااالدية))
4-مكتبة الكلية :: جابر الأحمد المركزية .
أول مااخذت الورقة رحت سيارتي وقلت ادخل الكلية بسيارتي لأن وراي فرارة
ومومعقولة بمشي كل هالمشي وانا صايمة
((للعلم مافي باصات))
رحت عند البوابة اللي قريبه من المكتبة مارضى السيكيورتي المصري يفتح لي الباب
أقوله بوقع ورقة واطلع ماراح أطول
مو راضي وشين النفس علي بعد
للعلم الكلية فااااااااضية مافيها ولا قطو
بس الموظفين
صفطت بمواقف الحقوق (بارك 12) ونزلت
رحت المكتبه الحمدلله خلصوني بسرعه
رحت القسم ولا رئيس القسم مساااااااافر بسلامته
قالت لي السكرتيرة خليها عندي اوقعها لج من الدكتورة اللي تنوب عنه لما تشرف
للعلم الساعه كانت 11 والقسم يصفر مافيه غير السكرتيره
قلت خلاص أودي الورقة الخالدية أوقعها من الأمن والسلامه
وديتها الخالدية وخلصت
ورديت الكلية حطيت الورقة عند السكرتيرة
عشان اذا شرفت الدكتورة العصر توقعها
اليوم اللي وراه رحت للكلية
ونفس الفلم صفطت ببارك 12 ومشيت لي الكلية
ولا تصدمني السكرتيرة أن الدكتووورة ماداومت
تعالي باجر
قلت آخذ منها الورقة وأوديها الاشراف الاجتماعي يوقعونها ويخلصوني
الاشراف الاجتماعي وين؟؟
بالمباني القديمة بشويخ
تحديدا مبنى 7
وأقعد أدوووووووور مبنى 7 وين وسط المباني القديمة
أرد أكرر
بالحرررررررررررررر
وأنا صاايمة يانااس
يمكن نص ساعة وأنا أدور لما لقيت المبنى والاشراف الاجتماعي
وقعت الورقة ورديتها لسكرتيرة القسم
هالحجي الاسبووع اللي طاف
وكل يووم أروح القسم أسأل توقعت ورقتي ولا لأ
كل يوم من بارك 12 لي الكلية
الحمدلله اليوم وقعتها البرنسيسة
وديتها العمادة
ولا الموظفة تقولي خليها عندج لما اندزلج مسج
وأتمنى تستوعبووون الدرب من كلية العلوم الاجتماعية لي العمادة
واللي يقهر إنها الموظفة نفسهاااا قالت لي الاسبوع اللي طاف وقعي الورقة وييبيها باسرع وقت
وكاني ناطرة المسج
بنات يعني هالمشوااار
والمشي والأذية بالحر ليش؟
وليش ماتصير كل هالادارات بمبنى واحد ويفكوونا ؟؟
ووين الاتحاد عنا الخريجين؟؟؟؟
ولا احنا حلوين وتحبونا وتموتون فينا واحنا مستمرات ونصوتلكم
ولما نيي نبي نتخرج مالنا لزمه وحقوقنا موملزومين فيها يا الاتحاد؟؟؟!!!
وياريتكم راعيتونا واحنا مستمرات
متأذين بهالجامعة الدايخة من كنا مستجدات نودي ونييب بالاوراق
واحنا مستمرات ماكو مواد وبايفورس مبهذل ويذلووونه الدكاترة عشان يسجلونا بمادة
واحنا خريجات هالعذاب اللي قريتوه
واتحادنا نايم
اي هذي الجامعه واجراءاتها البيروقراطيه الله يعين
و منا الى الاتحاد الوطني لجامعة الكويت
الف مبروك على التخرج عسوله
اي هذي الجامعه واجراءاتها البيروقراطيه الله يعين و منا الى الاتحاد الوطني لجامعة الكويت |
الله يبارك فيج ياقلبي
وعلى قولتج منا الى الاتحاد
يالله مأجووورة ان شاءلله
جنج بتخليني ما اتخرج على اللي قريته =
و ذكرتيني لمن كنت بتخصص مساند
انا بالعلوم و مساندي بالاداريه و دخت السبع دوخات علشان ايمع تواقيعهم
كل واحد حاطينه بمكان و تعالي دوري الدكاتره لمن مايكون في دوام
وإتحادنا من زمان نايم ،، بس يقعد وقت التصويت ويرد ينام :/
والف مبروك عالتخرج ،، عقبالنا يارب
ومشكووورين على ردودكم
هذي الكويت صل ع النبي ^_^
هلا حبيبتي مبرووك عالتخرج
شتقولين عني انا ورفيجاتي احنا بكليه التربيه وقعنا اول شي الورقه عند مكتبه الكليه بكيفا ن
وعقب رحنا عند التوجيه اللي عندن بكيفان ووقعنا
بعدين رحنا الخالديه طبعا رحنا باص من كيفان للخالديه بباص ووقفنا عند الامن والسلامه ووقعنا
وعقب خذينا باص من الخالديه الى الشويخ ووقفنا صوب كليه العلوم الاجتماعيه ومن هناك للمبنى القديم مشي وقعنا حقت الاعانه
وعقب ردينا مشي لاداره الخريجين ووقعنا
وعقب رحنا المصافط مشي وركبنا باص من الشويخ لكيفان كليتنا
>>يعني انتي عالاقل كليتج بالشويخ
شتقولين عنا احنا!!!!!!!!
اول شي مبروك على التخـــــررج والفال لنــــا
و بعدين الله يعينــــج
يالله هانت سهالات كل هذا بيصير ذكريــــات لكن اغلبها كان حلوو
والسيء منها بننســــاه باذن الله اذا مسكنا شهايدنا او داومنا بوظيفنا مستقبلا
واذا سولفت مع اي احد متوظف يقولون وناااسه استمتعو بايام الجامعه وطولوو فيها على قد ماتقدرون لاتستعجلون على التخرج
بس ليش توج تسوين اجراءات التخرج …!!!!!!!!!!!!!!!!!!!!
انا رفيجاتي من درو انهم بيتخرجون سووا الاجراءات حتى قبل الامتحانات عشان كلشي موجود والدكاترة بعد
كلهم موجودين وفوق هذا كنا فاطرين مو رمضان …
عالعموم الحين خلاص كل شي انتهى وموفقه
بس بنات اللي يبي يتخرج يسوي الاجراءات مبجر عن اللوية والفرارة احسن ..
الف مبروك التخرج
و ذكرتيني لمن كنت بتخصص مساند انا بالعلوم و مساندي بالاداريه و دخت السبع دوخات علشان ايمع تواقيعهم كل واحد حاطينه بمكان و تعالي دوري الدكاتره لمن مايكون في دوام |
لووووووووووووول نفس حالتي بالضبط ..اقصد نفس مأسااااتي بالضبط
لنا الجنة انشالله احنا طلبة العلوووووم
مبروك حياتي عالتخرج