خريجآت اي استفسار بخصوص الكليات ! التخصصات ! النسب والقبول حيآكم :)

السلام عليكم ورحمة الله وبركاته ..

هذا الموضوع راح نناقش فيه تخصصاتنا !! نسبنا !! وين مكان قبولنا !
الاشياء الزينه والي مو زينه !! دام احنا على وي تخرج محتاجين نبادل خبراتنا ويا بعض واناقشها

دام انه عندي خبره ووايد سويت سيرج عن النسب والقبول واجواء الكليات ماحبيت ابخل على وحده محتاجه تعرف وماعندها خبره بالكليات ..

واي وحده عندها معلومات زياده تحطه اهني وتشارك ويانا .. لإنه احنا بحاجه حق هالمعلومات باقيلنا كورس ونتخرج !

يلا الحين اي وحده عندها استفسآر تحطه واهني وماراح تلقى الا الي يسرها

بإنتظاركم

تسلمينن حبابه والله ماتقصرين الموضوع عساس يستيفيدون البنات الي ضايعين بالطوشا

الله يسلمج حبيبتي ..

الله يوفقكمممم

موضوع روعه وان شاء الله نستفيد منه

انشالله ..

حياكم نورتو

بتكلم اليوم عن كلية العلوم الإجتماعية ..

كلية نسبة قبولها الفوري ( 87 ) و ادنى قبول للكـلية نسبة 83 ونادر مايقبلون 82 .. هذا طبعا كل سنه اما هالسنه اذا بيرفعون النسب بترتفع اعشار ..

طبعا الكل يسمع علوم اجتماعيه هياته ومادري شنو ! بالعكس اهيا مو هياته بس دراستها كله بالعربي ودكاتره سنعين فالطلبه فالينها

فيها وايد تخصصات ..

علم نفس , علم اجتماع , جغرافيا , علوم سياسيه …

طبعا اقوى تخصص فيها اهوا علوم سياسيه بس حسب ماسمعت يبيله واسطه عشان تتوظفين !
العلم نفس طبعا وايد حلو وايد وايد .. تقدرين تصيرين اخصائيه , مدرسة علم نفس , واذا كملتي دراستج دكتوره نفسيه او بالاحرى استشاريه نفسيه ..
جغرافيا , ابلة جغرافيا
علم اجتماع لها عدة اماكن للوظيفه ومنها الشوؤن تكونين باحثه اجتماعيه معاشج 700 وشي ..
وتقدرين مدرسة تربيه وطنيه او مدرسة اجتماعيات .. ومعاشاتهم طبعا معروفه 1000 وشي ..

وسلامتكم :>

,حلو موضوعج ،انزين في فرق بين نسب العلمي و الادبي ولا شالو القرار ؟ هدا بالنسبه للكليات الادبيه ، و ماتعرفين جم معاش خريجات علوم سياسيه و شنو مسماهم

يعطيج العافيه غالموضوع وااااي بخاطري ادش علوم اجتماغيه بس املي ايب80
وصج الترييه الاساسيه صارت90؟؟؟؟

يعطييج العاافيه

علوم اجتماعيه بدفعتنا العام اقل نسبه

قبلوها 81 عاد مايندرا اذا راح يرفعونهم بعد وتربيه اساسيه موو 90

هذي تربيه الجامعه الفوري 90 والادنى 85 والتربيه الاساسيه من 75 علمي وادبي

وتخصص علم نفس بس يصيرون اخصائيات اذا مدرسه لازم تربيه الجامعه

و علوم اجتماعيه الحين من دفعه 2024 اذا تخرجوا مايصيرون مدرسين

لان صار اكتفاء بتربيه الجامعه والاساسيه فما يوظفون مدرسين من باجي الكليات

انزين كليه الكليه الشريعه يقولون في اكتفاء وصعبه حيل وجم النسبه اللي دخلني فيها

انشالله اتيبين حبيبتي ليش لا !! حسبي حق عمرج جم يحتاج عشان تكونين بالسيفت سايد وشدي اكثر وربج يكتب الي فيه الخير والتربيه الاساسيه ماصارت 90 وماراح تصير لاتحاتين .. :**
موفقه

عدل كلامج وانشالله ربي يوفق كل البنات ويعطيج العافيه عالمعلومات ..

حبيبتي ماعليج من كلام الناس الي يقولج صعبه قوليله درستها ؟ جربتها ؟ الناس قدرات مو بس تسمع وتحكم .. ااذا انتي حابه المكان لو كان صعب حيل بتحبينه وبتحسينه سهل !!
وبيني وبينج مافي شي بالدنيا اييلج بالساهل ! دخلي ودرسي واجتهدي وبتلاقين كل شي سهل ..
نسبتها حبيبتي للحين مانزلو جم تبي ااذا فيه تغير بس النسبه المعروفه قبول فوري 89

تسلمين حبوبه

طبعا في فرق وما انشال القرار ..

معاشاتهم طبعا مايقلون عن 1000

مسماهم عندج : السفيره , باحثه سياسيه , وغيرهم