|
|
بسم الله الرحمن الرحيم*
*السلام عليكم ورحمة الله*
*شلوونكم شخباركم*
اليوم حبيت اعطيكم نصائح انا شخصياً اتبعها*
*ومابي منكم الا الدعاء لي بالهداية والثبات والتوفيق*
*اول شيء البيت وخصوصاً غرفتج النوم*
*روحي رتبيها ورتبي ملابسج والاملابس الي ماتبينها حطيا بجيس وعطيهم امج تصرفهم و اشتريلج بيجامات وملابس يديدة بس لاتكثرين لان داخلين على الشتاء
*وبقولكم طريقه حلوة لترتيب الملابس الداخليه والدلاغات لانهم اكثرشي يضيعون وما تدرين *وين حاطتهم*
*هذا صورته*
*تلقونه بكل مكان بالمعلم بطيور الجنه بسيتي ستار ووايد اماكن
*وغيري من ستايل غرفتج مثلاً غيري مكان سريرج وغيري فراشج
حطي سجاده *صغيرة و غيري ابجورتج بس الكفر مالها انا شفتهم برامز*
غيري مكان طاولتج الدراسه وزينيها بستكرات ومفرش يديد
وبعد شنو ……*
اي تذكرت اهم شي خلي الخدامه تمسح سيراميك غرفتج وتخمها*
وبعد اذا في شي ذكروني*
____________________________________________
الحين نيى حق اهتمامج بفسج انا وقت المدرسه اهمل نفسي كله مالي خلق*
*فخصصيلج يوم انا افضل الجمعه تهتمين بنفسج وبشرتج وبشعرج *غير عن ايام المدرسه ايام المدرسه بس اغسل شعري واحط بلسم *يعني ما اهتم وايد اما اليوم الي خصصتيه يكون مثلاً انا احط حنه حق شعري*
*واسوي حمام بخار وماسكات حق فيسي *واقصص اضافري واذا بغيت *الصالون تييي يوم الجمعه طبعاً كل هذا الصبح قبل الصلاة اقوم الساعه 8 واخلص11*
اما *الظهر *اروح المطبخ اسويلي كيك لاني احب الطبخ ومنها اخليها للزوارة *اذا كان في زوارة*
احنا سبوع في زوارة واسبوع لا الاسبوع الي ما في زوارة اطلع فيه اي مكان*
*واهتمي باكل واهم شي الريوق والغداء والعشاء لاتتعشين الا خفايف عشان ترتاحين بالنوم*
*واكلي فواكه وخضار ومكسرات مثل اللوز و الجوز والبندق والكشمش وقمر الدين *هذولا يقوون الذاكرة وينشطون المخ*
*واهم شي التمر له فوائد *عظيمه الاغلبيه مايحبونه اذا ما تحبينه شربي معاه لبن او فستق او قشطه*
وبنوتات بقولكم شي مهم جداً كل وحدة تسوي فحص دم وتشوف شنو ناقصها من فيتامينات وتاخذ مكملات عشان تساعدها بالدراسه وتقويها*
وابداً ابداً لا تشربون منبهات مثل القهوه والكبتشينو والريد بول والله دمار هالردبول اصلاً مو زين لكم انتم بنات وبعدين ما يخليكم تنامون ولا تركزون
والي بتزيد حياها الله
___________________________________________
*بنووتات لايحد يرد ما خلصت
اقوم دايماً 4 اصلي وارد انام*
*واقوم مرة ثانيه الساعه 6.25
اغسل ويهي واسنان وجسمي واحط لوشن والبس*
*واتريق اهم شي الريوق ولازم تشربين ماي وتخذيت مكملات عشان تعطيج نشاط*
وبعدين اعبي مطارتي ماي احسن من المقصف*
وبالسيارة اقول الاذكار دايماً احطهم بالسيارة والبس كرنيهي*
*وبعدين عادي اول ثلاث حصص ولازم تاكلون بالفرصه الاولى ضروري*
* انا احب اشرب عصير برتقال دايماً ما احب المنجا ولا الكوكتيل لاني ما احب الماركه هذي
*واما فطيرة زعتر و صاج حلوم واذا كنت مو مشنهيه شي ثقيل اكل كرواسون ساده وماي*
الفرصه الثانيه اكل بطاط برنجلز زنجر وكندر وماي*
وبين الحصص احط بجنطتي عدة اكل مثل *حلا و توفي او علج او حلاو قهوه او جلي من هالسوالف على ما تجي الابله <<<<تقزيرة لووول
انتوا شنو تحبون تاكلووون
__________________________________________________ __
الحين بقولكم شنو الاشياء الي لازم تكون معاكم بالمدرسه *وشلون تستخدمون اللوكر*
اول شي بقول الاشياء المهمه*
*لازم *تتاكدين من كل كتبج وترتبين كتبج*
وافضل يكون عندج نوتة صغيرة تكتبين فيها الواجبات او طلبات
هذيلا اشياء اساسيه ما اقدر استغى عنه الي اهيا العلج لازم كل وحدة يكون معاها علج او حلاوة*
*عشان الحلج خصوصاً اذا ما كله بيض او شاربه حليب والكلينكس ضروري يكون عندج كلينكس مو شرط علبه صغيره *حتى لو تاخذي من علبة الكلينكس وتصفطينه والديتول انا وحد ما احب احس ا ايدي مو نظيفه ومو كل شوي اقدر اروح اغسل فعندي معقم و العلبه الفاضيه انا اعبيها لوشن نوعين *هذولا دايما معاي بمخباتي والمناديل احطهم بالجنطه عشان اذا اكلت بطاط ومامداني اغسل ايدي *امسحهم او اذا تدمو ثوبي*
وهذي الجنطه ضروريه تبون تعرفون شنو فيها
فيها الي خبري خبركم لوول]
لازم يكون معاج عشان لاتتوهقين وحطيهم بجنطه عشان محد يعرف شنو الي معاج*
وبنات ولا وحدة تستخدم حمامات المدرسه الفرنجيه الي مثل الكرسي**
*اذا مافي الا اهم لازم تشترون الورق وهذي صورتهi..
وتلقينه بكل مكان بالجمعيه ب300 فلس
*ومو شرط للمدرسه بس حتى لطلعتي من البيت لانهم يسببون امراض خطيره منها الايدز والالتهابات*
وهذي جنطة ثانيه فيها اغراض بعد عاد هذي الجنطه والي قبلها تقدرين تخلينها باللوكر اهيا واغراض الالعاب مثل المضرب او الكورة والبالطو وكتب الاختيار الحر وضرووري تخلين باللوكر او بجننطتج دينار يكونون نصين لاسمح الله نسيتي مصروفج رفيجتج نست مصروفها بيكون عندج *زيادة وبالوكر حطيلج مقلمه زياده حطي فيها *قلم اربع الوان وقلم رصاص وصمغ ومسطرة*
بعد بنو تات شنوتحطون بخزاينكم انا السنه هذي ان شاء الله بحط كل كتبي لان عندي كتب اخوي وكتب اختي يايبتهم لي من الوزارة*
عاد هالجنطه تقدرين تحطين فيها اشياء وايد*
*انا شنو حاط فيها*
i.
فيه كلينكس زايد عشان اذا نسيت كلينكسي بالبيت ما اتوهق وفيه علبة صابون*
وفيه تاج وشباصات زيادة وفيه عطر صغير لاني ما احب العطورات وايد*
واهم شي الديودرنت خصوصاً بعد الالعاب *او مرات انسى احطه بالبيت فيكون عندي باللوكر او بالجنطه ومرايه وبلاستر و تقدرين تحطين مشط صغير انا ماعندي بشتري واحد *ان شاء الله
وبعد قولولي شنو احتاج بعد
___________________________________________
نصائح متفرقه : اهتموا بدراستكم و احترموا ابلاتكم *واتركوا عنكم السخافات مثل البي بي والواتس اب والاجهزة بشكل عام صدقوني بتلهيكم*
وتركوا عنكم سالفة ابله ما تحبني وابله حاقدة علي وسالفة استعبط بالحصه وسالفة الغش وسالفة الحقد والحسد اذا عجبكم شيء قولوا ماشاء الله *واتركوا عنكم الحش بخلق الله*
*وحافظوا على صلاتكم والله انا احبكم وابي لكم الخير *
*وما اوصيكم تقرون القراءن يوم الجمعه سورة الكهف وكل يوم لو على الاقل صفحتين والاذكار والصلاة بوقتها وبر الوالدين اهم شي امج وامانه ما اوصيكم على ابهاتكم الي عندها ابو وام تحمد ربها في غيرج ما عندها ابو ولا ام او امها ماتدري عنها لو يزفونج ترى لمصحتج*
درسوا واهتموا بدراستكم عشان امج وابوج الله يخليهم لكم ان شاء الله ويخليلي امي ويرحم ابوي*
وبنات لا تحاولون تسون فتن بين بعضكم *ولا تبخلون على رفيجاتكم اذا بتكمل دفتر*
*او تصرون لهم مذكرات او امحانات من الابله ترى ماراح يكلفج احسبيه لله انا كنت السنه الي فاتت كله اصور لهم *لان اذا ولا وحدة اخذت الابله بتحطه بالمكتبه وما يمدي بالفرصه انصور فزهقت وعصبت عليهم مو بخل بس ما يصير *كل شيء علي بس الحمد لله ربي وفقني لاني احتسبت الاجر عند ربي وحبيت لهم مثل ما احب لنفسي
وبس ادري طولت عليكم بس ما حبيت ابخل عليكم و الله يووفقنا كلنا يارب*
مشكوره حبيبتي على هالموضوع الحلوو ..
و عسى الله يوفقج و تحققين كل احلامج و طموحاتج و ترفعين راس امج و اهلج كلهم
موفقه يا الغاليه ؛*
يعطيج آلعآفيهه حبيبتي
فديتج والله يا عسووووووووووووولتي 😛
كل شي قلتيه صح و انا بعد ساعات لما الابله تطلب منو يصور اوراق انا اخذ الورقه واصور لهم واعطي حق كل الصف واسلمها بأيدها واذا غابت اما اخليها عندي لما تداوم اعطيها او عند الابله ولما تجي حصتها اخذها من الابله واعطيها حق البنت لانه مثل ما احب لنفسي احبه لغيري بس في بعض البنات مايحبون يكونون احد احسن منهم لدرجه في وحده قاعده يمي طيب كل شي اعلمها وما اقصر وياها حتي الاشياء المهمه اعلمها واذا في كلامات ما تعرفها ابلغها واعلمها واهيا لغايت ما تمكنت واعرفت كل شي وجت الايام وانا احجت اني اعرف جمله احس انها تبخل وما تعلمني عليها كامله احس انها تنقص او انها ماتبيني اشارك شي جذي الله واعلم ما ابي احط بضميري بس الشي الحلو اللي يعجبني فيها انه لما اغيب ساعات اسألها شنو خذينا تبلغني وتعطيني دفترها انقل وارده لها يعني كل شخص له عيوب ومميزات 
بس لانه صج انا وحده ما احب اقصر مع احد اللي علي قلبي علي الساني واحب اعلم الكل وكل هذا عند رب العالمين وعسى ربي يووفقني واجيب امتياز يارب وادعي ربي من كل قلبي انه يحقق لي مطلبي من هالدنيا ويحقق للكل يارب
|
المشاركة الأصلية كتبت بواسطة عسوله زوغه
 الصراحه مووووووووضوعج روووووووووووووووعه وقمه الرووعه مشكوره وماقصرتي علي كل شي حتي خلتيني افكر عدل
فديتج والله يا عسووووووووووووولتي 😛 كل شي قلتيه صح و انا بعد ساعات لما الابله تطلب منو يصور اوراق انا اخذ الورقه واصور لهم واعطي حق كل الصف واسلمها بأيدها واذا غابت اما اخليها عندي لما تداوم اعطيها او عند الابله ولما تجي حصتها اخذها من الابله واعطيها حق البنت لانه مثل ما احب لنفسي احبه لغيري بس في بعض البنات مايحبون يكونون احد احسن منهم لدرجه في وحده قاعده يمي طيب كل شي اعلمها وما اقصر وياها حتي الاشياء المهمه اعلمها واذا في كلامات ما تعرفها ابلغها واعلمها واهيا لغايت ما تمكنت واعرفت كل شي وجت الايام وانا احجت اني اعرف جمله احس انها تبخل وما تعلمني عليها كامله احس انها تنقص او انها ماتبيني اشارك شي جذي الله واعلم ما ابي احط بضميري بس الشي الحلو اللي يعجبني فيها انه لما اغيب ساعات اسألها شنو خذينا تبلغني وتعطيني دفترها انقل وارده لها يعني كل شخص له عيوب ومميزات |
اول شي روني شحلاته الموضوع فديتج لاتحرمينا من جديدج
ثاني شي عسوله حتى أهني تتحلطمين عليها خلاص ختولي 
يعطيج العافيهةة حبيبتي :**
كفيتي ووفيتي ؛)
بصراحه ما خليتي شي مهم ما حطيتيه
بصراحه في شكثر شغلات ما كنت حاطتهم ببالي
انتي ذكرتيني فيهم
جزاج الله خير موضوع متعوب عليه