اختبار القدرات الاكاديمية لجامعة الكويت

السلام عليكم ورحمة الله وبركاته
شلونكم خواتي انا حبيت اسالكم اذا وحدة منكم تعرف شي عن كيفية الدراسة لاختبار القدرات انا عارفه شلون الامتحان وجم ياخذ من المعدل و السوالف هذي و اختبرته من قبل بس ودي احصل فيه علي درجات عاليه خصوصا ان ما شاء الله في طلاب و طالبات قاعد يحصلون فيه درجات عاليه فقلت اذا احد سمع اي شي يفيدنا في اختبار القدرات لا يبخل علينا و خل نخلي هالموضوع كل واحد يكتب اللي يعرفه في الاستعداد لهذا الاختبار وجزاكم الله خير

بناات بسألكم بلش امتحان القدرات للتسجيل لاني أنا ما اعرف شي والله اللي تعرف تدز لي رسالة ع الخاص جزاها الله كل خير ان شاء الله

انا حاطه موضوع عن موعد الامتحان وع طريقه دراسة للامتحان في دورات تسويها الجامعه للماده ٣٠ دينار وحدهااا مفييده

وعليكم السلام
شوفي يا طويله العمر عندج دورة الكيمياء والرياضيات مفيدة اما الانجلش مو ذاك الزود
واغلب اختبار الكيمياء من منهج 11 الكورس الثاني + منهج 12
ويعطونج مذكرة فيها نماذج اختبارات
وموفقين يارب

االإختبار القادم 17122011 إن شاء الله
سوف يبدأ التسجيل للإختبار يوم 20/11/2011 صالة عمادة القبول ( الشويخ ).

https://cmtd.kuniv.edu.kw/

البنآت كفو و وفوا ،، 3>

ريم :- اي سجلـي بالثلاث واذا ست احسن~> لان ياخذون اعلى درجه ،،ترى ما يقبلونج بالجامعه بدونه …

يعطيكم العافية بنات موفقين

انا اللي اعرفه حاليا في تسجيل بالنسبه للسعر اذا كنتي متأخره يعني ما سويتهم بالثانويه تدفعين 30 دينار
وفي دورات وبدت من زمان
وبالنسبه للدراسه ييبون الاسئله من منهج رابعه وثالثه ثانوي ويعطون كتيب باللي راح يي ونماذج امتحانات قديمه وفي بعضهم يقولون ان الاسئله ما تتغير حيل وفي بعضها مكرر
والامتحان اتوقع 17/12 جيكي على موقعهم وموفقه حبيبتي

قوه حبايبي

اعطيكم من الاخر الكيمياء ادرسوا كتاب ١١ اغلب الاسئله منه
و فيه مذكره للكيمياء من الجامعه تاخذونها او من الموقع حاطين لج لسته الدروس اللي بالامتحان

اما الرياضيات يبيله دوره لان صج اسئله غريبه
و الانجلش تراكمي قواعد و فوكاب و فهم و استيعاب مايحتاج دوره يبيله وحده عندها لغه

و ع فكره في موقع اسمه مدرستي الكويتيه فيه دراسه جماعيه للقدرات بين الطلبه و حيل بتستفيدون منه
وبس هذا اللي عندي
موفقين ي رب

البنات كفوا ووفوا بس نصيحة سجلي بدورة للقدرات