()

مرحبا ياحلوات شلونكم
بما اني ابلة اذاعه واحب سوالف البرامج والافكار الغريبه

طرت علي فكرة ودي اسويها حق العيد الوطني وابي اخذ رايكم فيها

طبعا ناظرتنا جديده وتحب سوالف الاذاعه والاغاني الوطنيه ,, انا قلت اسوي اوبريت بالمدرسه نفس اوبريت الكويت لمن احبها او صباح الوطن اخذ منه تقريبا 4 او 5 لوحات وادرب البنات على نفس الرقصات واللبس يكون نفسه طبعا
واخلي اللوحة الختامية لوحة (( جااااااااااابر ابونا من عمر )) واترس المسرح كله بنات يرقصون
بس تهقون يمديني ادربهم باسبوع ؟؟
عفيه قولولي رايكم ترى حدي متردده !!

اب اب اب

الله يوفقج لا تهبل اسبوع كافي

ما اتوقع اسبوع كافي ؟؟ مادري مابي احبطج بس عشان الشغل يصير مضبوط
انتي حاولي و خلي جم ابلة تساعدج و ان شاء الله امورج بتمشي تمام
موووووفقة

حياتي انا مدرسة تربية بدنية ياقلبي 5 لوحات وايد ومايمديج كحد اقصى ممكن تنجزين 3 لوحات ولازم عدد البنات في كل لوحة مايتجاوز ال10 بنات ومو بروحج تدربين البنات خلي ابلات البدنية يساعدونج ولازم تبلشين اللحين لان مابقى الا هالاسبوع والاسبوع الجاي وراح يغيبون البنات ولازم على الاقل 3 حصص يوميا تدريب عشان شغلج يكون مضبوط مو اي كلام لان في بنات وايد يغثون والتدريب صعب موسهل احنا ندرب فن شعبي وناخذ على 5 لوحات في كل لوحة 20 بنت من شهر 11 تدريب لي شهر 4 يعني جريب ال5 شهور تدريب مو اي كلام والله يوفقج حياتي فكرتج حلوة بس الوقت حيل متأخر

طيب شنو الهذف من هذا الرقصات..يا معلمات سواا شي له هذف تربوي اكثر..واعتقد على ما تخلصين تدريب الاطفال لا تنسين تروحين الجمعيه تشترين كراتين صيغ حق الشيب بيصير راسج ابيض..فكره متعبه ومجهودها عليج وعلى الطفل بينهد حيله حرام حطوا الله بين عيونكم في هالتدريب..واسمحيلي طوات بالبرد ولا تزعلين من كلامي هذا..ترى لكل المعلمات

توكلي على الله ودربي اسبوع كافي بس اختاري الطالبات الشاطرات مو اي طالبات وموفقة

فكرة حلوه
بس اشلون على الملابس
مو حلو اتصير الملابس امرقعه
حلاتهم زي واحد

عجيبة