7 شهور ما حملت الناس كلت ويهي !

ا السلام عليكم ورحمه الله وبركاته

انا سويت تحاليل المطلوبه لتأخر الحمل والحمدالله طبيعيه

وسويت سونار على الرحم والمبيض سليم

وبفتره تبويض الي حددتها لي دكتوره بيوم 13الدوره سويت سونار داخلي عشان تشوف حجم البويضه

وقالتلي مو مبين معاي التبيويض يمكن انتي تبويضج متأخر او مبجر

اهني صكت فيني دنيا شلون ماشافت البيضه وشسوي عشان اعرف

خصوصا اني تخسرت

وهشهر رحت لدكتوره ثانيه وهمن جيكت علي وقالتلي كلشي طبيعي

بس لمن سوتلي سونار داخلي قالتي عندج افرازات وايد وهشي يعيق حركه حيوان منوي ما يخليه يوصل

وانا استغربت لانه ماحسيت ب الم و التهاب وحسبت هل افرزات طبيعه واهي قامت تنزل علي قبل اسبوع من تاريخ دورتي
حسبتهاا عادي طبيعي
قالتلي الطبيعي ما ينزل اسمحولي بل اندروير
وانا لمن فحصتج شفت عنق رحم متروس افرازات

وقالت الافرزات طبيعه تكون شفافه مو بيضه

وعطتني تحاميل وغسول مهبلي وحبه مضاد

تهقون هشي يأثر

انا ماسبق لي الحمل ومتزوجه من سبع اشهر
*

مستغربه بنااااات
افرزات البيضه دايمن تنزل نعاي حتى وانا بنت !
وسالت رفيجاتس قالولي عادي حتي احنا تنزل معانا افرزات ؟

رفع
ماعندي فكرة بس حبيبتي 7 شهور مو وايد حتى لو مافيج شي الطبيعي سنة لو ماصار حمل مني الوحده تحاتي والافرازات صح كلنا تنزل علينا افرازات بس يمكن من وحده لي وحده تختلف حالتها

الله يرزقج بالذرية الصالحة ويرزق كل محرومة

اولا مالج شغل بالناس هالحريم ماوراهم غير فلانه ماحملت فلانه ماولدت وي فلانه مسكينه يابت بنت وعندها بنت ماتخلصين من مراقبة هالحريم وانتي توج عروس 7 شهور متزوجه بس قوليلهم بستانس تو الناس زوجي مايبي الحين حريهم وسكتيهم وانا اشوف الافرازات طبيعيه سواء لونها شفاف اوابيض بس ماني ابخص من الدكتوره بس انتي سألي عدل عدل عن الدكتوره الشاطره والخبره وروحيلها على طول وانا سامعه ان عقب الزواج بسنه اذا. ماصار حمل الوحده تراجع وانا اختي 7 شهور من زواجها بعدين حملت واذا حملتي فرحينا

شفتي هرمون الحليب لا تفكرين وااايد بالحمل
و 7 شهور شوي
حرام عليهم من الحين ينطرون الياهل !!!

ياقلبي دام التحاليل مافيهم شي
لاتلعبين بنفسج ويعطونج دهونات وادويه مالها داعي
وحده من رفيجاتي قعدت9شهور ماحملت المهم قامت
تحاتي اكيد فيني شي واراحت هي وريلها لدكتوره
المهم قالت لها مافيج شي بس افرازات عطتها ادويه ودهونات
والمسكينه خذتهم والدكتوره عطتها امل انها راح تحمل اخر شي لعبت فيها
معطيتها ادويه خلتها شبه عقيم الحين صارلها ثلاث سنوات تعالج ماكان فيها شي كلش
كلش بس لعبو فيها لعب ديربالج لا يصير فيج نفس اللي صارفيها انا مااخوفج بس انصحج
ترى الدكاتره يسون نفسهم انهم عباقره ويلعبون فينا واخر شي يخلونج تعانين بس مو كلهم من رحمه الله
جان زين طيحين على دكتور زين من اول اخر شي تكتشفين هالدكتور ويقولج بالحقيقه المره انهم لعبو فيج
ولاتفكرين بالحمل ترى تو الناس لا تحاتين الحين توج عروسو الناس يحاتون لما تمرعليهم سنتين او اكثر
ان شالله ربي يرزقج بالذريه الصالحه خليها على ربج وادعي ربج واكثري من قرات القران ولاتنسين سورة البقره 40 ليله متواصله
وكثرت الاستغفار وربي اعرف وحده من اهلنا قعدت 8سنوات ماحملت كله يقولون لها مافيج شي تقول لما قريت البقره 40 ليله والله حملت على طول
ادري طولت عليج ياقلبي وبدعيلج عسى ربي يرزقج بالذريه الصالحه

الله يرزقج يييييييييييارب والله توج 7 شهور

بناااات صج غسول مهبلي
وتحاميل لها ضررر

تهقون دكتوره ماعندها سالفه اروح اجيك عند دكتور شاطر منو اشطرررر دكتةر للالتهابات

عادي
الخيره فيما يختاره الله
تركي كل شي حتى الدكاتره ماعليج منهم وروحي لرب العالمين اهو الرحمن الرحيم اللي بيفيدج اما الباقي مامنهم فايده ..

والحمدلله على كل حال .. ربج كاتب لج شي خير وانتي ماتدرين

حبيبتي تو الناس

داام مافيج شئ ادعي ربج بالذريه وقولي

ربي لاتذرني فردا وانت خير الوارثين بكل صلواتج

واقري سورة البقره 40 يووم والله لهااا مفعوول سحري عظييييييييييييم من بعد الله

والله يرزقج يارب

ترى انا عقب سنه حملت ومافيني ايييييييي شئ

ترى شئ طبيعي

وانتي شكو بناس تاكل ويهج

مالج شغل بحد وانتي طبيعيه لاتلعبين بنفسج مفروض بعد سنه ابتدي فكري بالموضوع مو من الحين
عيشي حياتج وهتمي بزوجج ولاحقه على اليهال

كل شي له علاج
الله يرزقج

ليش ليش مستعجله
توج توج سبع اشهر
يعني عروس
ليش تحوسين نفسج
استانسي وسافري و روحي وردي ولبسي
لاحقه على هم الحمال تو الناس
انتي عرووووووووووووووس
اتعرفين شنو عروس
يعني احلى فترةتمر بحياتج
استااااااااانسي

تو الناس عليج
بس التزمي باللي عطتج اياه الدكتوره
وانشالله نسمع بخبر حمالج قريب

سوي تحليل هرمونات ..

حبيبتى خلى ريلج بعد يفحص ..

والناس عطيها اكبر طاااف هالشئ بيد الله..

ومتى ماربى اذن بيجيك رزقج.