3عيون بنفس الوقت وراحت عين مع اخذ الوضوءمن الحاسد وباقي ولا اعرف منو الي حاسدني شالحل

انا بدش بالموضوع على طوول
انا من جم شهر وانا اعاني من العين
باول الايام كانت قويه وكنت احلم او اتخيل وانا غافيه اشوف ثلاث عيون تناظرني هذي تفسيرها العين او الحسد من ثلاث اشخاص والعين الاوله كانت من اهل البيت مادري الخدامه اختي مادري امي لما شافت حالتي ابجي وارجف حييل

ودي ارطض ومستعده اترجى اي احد يعيني اذل نفسي عشان بس يروح الي فيني يومين كانوا صعبين حيل علي وامي قالت روحي تسبحي بماي عادي مو مقري عليه او شي عشان شوي ارتاح بماي دافي المهم تسبحت وانا اتسبح ابجي ابجي ابجي بصوت وامسك شعري بقوه ابي بس اتعالج والله الموت ارحم محد راح يحس فيه الا لما يجرب العين والله العظيم شي فظيع عمري ماتضايقت هالكثر عمره ماصار فيني هالكثر والنبي عليه الصلاة والسلام قال ((بما معنى الحديث))ان اغلب الامه من العين احيانا توصل للوفاة

انا طلعت من الحمام اركض ناديت امي قللتاه وانا ابجي الله يخليج ابي يروح الي فيني امي قالت خلاص انتي مو طبيعيه لحضه وراحت وخذت وضوء كل البيت ورحت اغتسلت فيه وكان العصر وبدت تروح شوي شوي لان العين لما تاخذون الوضوء الحاسد لو انها عين صج جان تروح بسرعه الضيقه اما اذا ماراحت معناها مو عين ودليل ثاني

ان لما تغسلون بالضوء واحد يقرا عليج ادمعين هذي معناها عين واذا بجيتي بصووت هذي جن وماالى ذالك وطبعا تحتاجين تروحين للشيخ وتقرين ايات العين

انا دمعت وامي شافتني وتأكدت انها عين
وبدت تروح مني بسرعه يعني العصر اغتسلت المغرب راح كل الضيقه سبحان الله
ومن اهل البيت ادري انهم موقاصدين بس هذي عين والعين حق
وبعدها بيوم صرت اشوف عينين باقي والضيقه مازالت بس اخف بكثير من العين الواله يعني كانت الواله قويه اما الباقي خفيف وضليت على هالحاله مدة شهرين وكل يوم ابجي ومدري شنو الي فيني وماعرف المحسوود