|
|
السلام عليكم يابنات
صراحه انا ماعندي مشكله ولا شي ولله الحمد
بس احس اني متكدره شوي لانه الدكتوره بالسونار قالتلي اني حامل ببنت
وتعتبر الثالثه لانه عندي بنتين غير اللي بالطريق
وضـــــــــــــاق خلقي ةقررت البسها من لبس خواتها ومالي نفس اشتري واجهز كلشششششششششش
انا زوجي عادي عنده
المشكله فيني انا نفسي بولد وحاولت وقلت لزوجي خل نسوي طريقه الغذاء والدش وتوقيت الدجماع
ضحك علي طبعا كله بامر ربنا بس هذا من ضمن العلم
حاليا ودي بشي يخفف عني هالكآبه اللي صابتني من عرفت انها بنت
وانا مااثر فيني الا كلام الناس
جنهم لما درو اني حامل الكـــــــــــــــــــل يقولي يالله ان شاء الله المره هذي ولد
جنهم يقولون ماسويتي شي طول هالسنين!! وعظم الله اجرج!! انا هذا اللي احسه يقولونه
ليش البنت ما تفيد ولا تونس كثر الولد او شنو
على الرغم من انه وسطي انا كله صبيان بس بيت اهل زوجي مترووووووس بنات
انا شذنبي بهالكلام السم اللي يقطونه علي
واااااااااااي الناس صج ما ترحم احد
والحمدلله على كل حال
الضنى نعمة من رب العالمين
و اللي الله كاتبه لج من رزق بتاخذينه بالدنيا
لا يهمج كلام الناس لان كلامهم لا يودي و لا اييب و اذا بتسمعين لهم بتتعبين
قوي ايمانج بالله و لا تخلين الشيطان يوسوس لج
و بعدين البنات لا كبرتي بيصيرون لج سند .. و يملون عليج حياتج ..و يصيرون حواليج .. عكس الاولاد .
قولي يالله هون علي حملي وولادتي .. و حسن خلق ما في بطني و خلقه .
و تمني العافيه و الصحه لبناتج و للي يايه بالطريج
و الحمدلله ريلج راضي بقسمة ربه .. خليج متفاهمه معاه وما عليج من الناس
و قولي الحمدلله رب العالمين .
المهم ان الياهل سليم ومعافي
والبنت والولد نعمه
صدقيني البت هي اللي راح تشيلك لما تحتاجين لها
وخل كلام الناس يولي
ليش الكآبه هذا أمر ربك
استغري ربج
واكثري من الحمد
ويا حلات البنات
اهما اللي بيفيدونج اذا كبرتي
وبيصيرون رفيجاتج
والله يرزق كل محروم
بس احس غصبن عني
ويمكن يمكن كلام الناس يأثر بعد
يالله الله يهون ان شاء الله
زينه
ألوي الكويت
كلاكلا
مشكورين ياعمري
والله كلامكم يشرح القلب ويخفف عن الواحد من كثر ماسمع كلام يسد النفس
اسفه طولت بس حبيت الكل يقرى الادعيه وانشالله الله مايحرم احد
وتعوذي من بليس لايطلع فيها شي وساعتها تندمين والناس انتي شكو بالناس الي تقول انشاءالله الياي صبي قوليلها الي يجي من الله حياه الله بنت ولاصبي هو قطعه مني وباجر انشاءالله يشيلوني
حبيبتي عندي خالتي عندها 9 بنات وكل ماتحمل ودها بصبي لي اخر شي من سنتين تقريبا حملت وهي بالسادس دخلوها المستشفى لانها راح تنزل ويموت الي فبطنها يوم ولدت ولاصبي ومامات بس الله يشافيه يارب معوق والحين شوفيه شلون والله تبجين ويتقطع قلبج حتى يغار من اليهال يشوفهم يمشون ووده يمشي بس مايقدر
حبوبه ذكري ربج وطلبي وادعي منه انه يرزقج الذريه الصالحه الي بكل عافيه مو تقولين ضاق خلقي ترى غيرج يتمنى يشيل ضناه بايده وانتي مو حامده ربج
وبعدين حمدي ربج ان زوجج ماتاثر بكلام الناس ولا يفكر فيه وانتي قاعده تفكرين ؟ لاتبطلين عيون زوجج على شي انتي بغنى عنه
والله يرزقج يارب الذريه الصالحيه ويرزقج انشاءالله الولد الصالح
الي يسمع كلام النس يضيع مدام ريلج مو مضايق ليش زعلانه بالعكس انا عندي البنت حنونه اكثر من الصبي وانتي صغيره انشالله تييبين الصبي ويفرح بيتكم انشالله
لاتحاتين
عيل هالشهر شهر بنات
كل اللي تولد تييب بنت
ولما ولدتها شوفي عقاب الله فيني بس هم لطف فيني طلع فيها خلع بالحوض واهي في بطني كان حجم بطني صغير عليها وانفتحت ريلها وماعرفت اتردها لي الولاده وظلينا انراجع فيها شيخان الفارسي 7شهور
ولا وازيدج من الشعر بيت اطلعت اتشابه يدت ريلي ومن اول ما شافتها قالت هذي عن عشر اولاد ليش اتشابها واتموت عليها والناس كلهم ماتدرين اشكثر تعلقوا فيها الي عنده عيال والي ماعنده قالو بنسمي على اسمها من الجمال الي عندها ماشالله
طبعا لما دريت ان فيها خلع قعدت ابجي قلت كله مني انا ماحمدت ربي على النعمه وعاقبني فيها واستغفرت وايد
ادري طولت عليج بس لان حاسه فيج وانا اقولج قصتي عشان مابيج اطيحين بمشكله والسبه الناس
انا الحين فيني بنت رابعه وفرحانه فيها وايد مع ان كان ودي بولد حق ولدي بس هذي حكمت الله
وانت بالعكس ليش ماتجهزين لها انا في بنت الثالثه حطيت اغلى جهاز لها واحلى شي الي الكل ماقدر يقلدني عقب الولاد
الكل شرو الاغراض الي عندي من حلاتهم
وانا الحين بالغربه بناتي اصغار وماشالله شايلين عني وايد من شغل البيت الله يخليهم لي يارب
الله يهديج انشالله ويوسع صدرج اقري قران وايد راح اتحسين بالامان
واي شي تبين لا يردج الا لسانج اعتبريني اختج او صديقتج
لا توسوسين وايد ادري شوي صعبه عليج وودج بالولد بس خليج دايما تقولين بطن تجيب البنت تجيب الولد والعكس صحيح ولا تفتحين قلب ريلج على هالسوالف ما دامه راضي الامور تمشي وباجر بتفرحين فيها وقومتها معاج وتساعدج هي وخواتها وان شاء الله يرزقج ربج بالولد عاجلا ام اجلا هذا امتحان من ربج قومي صلي واحمدي ربج واستغفري واشكريه وادعيه ان الله يتمم حملج ويرزقج حسن الخلق والخلقه
اكييد الولد بعد فيه الخير والنفع ان شاء الله لكن البنت معروف لامها
وبعدين هذا وسواس تعوذي بلله من الشيطان وانتي بتحسين بانشراح وانج بخيييير
والله عسسسسسسسسسسل ما ينشبع منهم ..
وانتي شكو بالناس ..
البنات من منه يايينج ؟
مو هدية ونعمة ؟؟
ومن منو ؟؟
من ربج الكرييييم اللي ادرى بمصلحتج وادرى الخير لج وينه فيه بالبنت والا بالولد ؟
ولو انتي بتختارين او لج القدرة على معرفة الغيب والاختيار ماراح تختارين احسن من اللي اختاره لج رب العالمين ..
هاذي مافيها اعتراض ..
وخلج متأكدة ان هشي فيه خيره لج ..
غيرج يتمون سنيييييييييييين ميتين على الظنى بنت والا ولد والا شنووو ..
واللي يدفعون دم قلبهم على عمليات وتلقيح ماقالو نبي ولد قالو نبي بنت او ولد ..
وشدراج مو يمكن هالبنات الله يطرح فيهم البركة ويكونون احسن من 100 صبي ؟
مو يمكن اهمه اللي يشيلونج ويقومون فيج لي كبرتي ؟
مو يمكن الله يرزقج بانسبا (رياييل بناتج) يكونون مثل عيالج واكثر ؟؟
ليش نحتج على هدية ربنا وتضيق خلوقنا ؟
لو احد من البشر يعطيج هدية وما عجبتج .. كافي تدرين انها من فلان (شخص عزيز وغالي عندج وتدرين ما اييبلج الا الزين) بتفرحين بالهدية وتكبر بعينج لو هي شنو ..
فما بالج بهدية رب العالمين ؟؟
وبنات ماكو احلى منهو وبصحة وعافية الحمدلله الف الحمدلله ..
انا قاعدة اكتبلج هالحجي الصراحة حريتيني ..
وترى انا عندي بنتين ويا حلوووووووووووهم عسل على قلبي ..
والكبيرة فيهم حنونة بعد عمري كله يمي ووين ما اروح معاي امونستني حبيبتي الله يخليها لي لو البنات مثلها ابي عشر ..
وهم في ناس ما تثمن حجيها تقط علي حجي …
وحدة ياتني المستشفى توني والدة جان تقول : ليش يبتي بنييييييييييييية ؟؟ احنا نبي ولد ؟؟
قلتلها وربي حبيبي عطاني بنية !!!! الف الحمدلله والشكر لله
بس انا اقول حرام سفها انا عندي ايمان ويقين بربي وبالخير اللي ربي كاتبه لي انشالله وما علي منهم هذول ضعاف ايمان ..
بس لما اولدتها و اول ما شافتها تقول ما قدرت اهدها كانت تبيها 24 ساعه في حضنها سبحان الله