|
|
السلام عليكم ورحمة الله وبركاته
يوم القريش من العادات والتقاليد القديمة عند الكويتيين
وهو اليوم الأخير من شهرشعبان من كل عام وكانوا
يحتفلون بهذا اليوم مودعين شهر شعبان ومستقبلين شهر
رمضان وفيه يجتمع أبناء الأسرة أو أبناء الفريج في أحد
البيوت ويكون هذا التجمع عادة عند كبير الأسرة أو بيت
الأم العودة أو احدى سيدات الحي من كبار السن
تجتمع النساء وكل سيدة تحضر معها الأكل وتبدأ فترات
التجمع من بعد الساعة العاشرة صباحا ويطلق على هذه
الفترة الضحى الكبير وتبقى النساء حتى بعد فترة الغداء
وبعد الأكل وهو على فترتين الأولى فترة الضحى والثانية
فترة أو وقت الغداء وبعد ذلك تنصرف النسوة كل
واحدة الى بيتها.
ومن الاحتفالات عند الكويتيين قديما استعدادا لشهر رمضان
«يوم دق الهريس»
وهو طحن حبوب القمح ودقها بالمناحيز ( مفردها منحاز )
عند بعض العائلات الكويتية الكبيرة حيث تقوم الأسرة بشراء
كميات كبيرة من الحبوب ثم تدعو فريقا من المتخصصات
للقيام بهذه المهمة التي يؤدونها بحركات تعبيرية
على أنغام أغنيات تؤديها إحدى الفرق النسائية
ويدق القمح لكي تنكسر الحبة الواحدة إلى أجزاء
لكي يتسنى طبخها ويوزع الهريس أيام شهر رمضان
على بيوت الأقرباء والأصدقاء والجيران
واختفت الآن عادة دق الهريس لأن ماشاء الله مع
التطور كل شي موجود ومطحون بالجمعيات …..
لكن ظلت عادة حلوه وهي توزيع الأكل على الجيران
والأهل موجوده والحمد لله .
شرايكم ياعسولات هل عادة تورزيع الاكل على الجيران باللهجه الكويتيه النقصه للحين موجوده ولا بدت تنقرض
شاركونا برايكم
آللـه ?خــلقني عآإدي ليش ?كثروآ ?حــسآإديْ ؟!
تسلم الايادي حبوبه
والنقصة يابنات انتوا بيدكم تحيونها .. احنا للحين نوزع صج مو مثل قبل بس ماقطعناها
استغفر الله واتوب اليه
قريش تجمع فيه الخير و صلة الرحم
يا حلات عاداتنا
احنا ليلحين نحتفل بيوم قريش
و النقصا ليلحين نسويها بس للأهل و الجيران المقربين
و الله يتمم علينا يارب و يبلغنا و يبلغكم رمضان
مشكووورا ياقلبي
ومثل ماقالووووو الخوات النقصه والعادات الحلوه بايدنا مانخليها تنقرض ونستمر فيها والحمدالله للحين موجوده ولازم نعلم عيالنا الصغار ونخليهم يشوفون هالعادات عشان باجر لاكبروا يقلدونا
ورمضان هذا الله الله بالنقصه ياعسولات ولاتنسوني من نقصتكم لوووووووووووووووووول
جزاك الله خير بس حبيت اعلق على الموضوع ولو إنه متأخر شوي لأني توني أشوفه
ومن باب الأمانة إنك تكتبين على موضوعك إنه منقول لأنه بصراحه هذا موضوعي
في منتدى ثاني وتعبت عليه …. وإنت نقلتيه بكل سهولة انا ما أمانع من النقل بس تكتبين ( منقول )
وهذا رابط موضوعي وانتبهي على تاريخ الموضوع …
|
المشاركة الأصلية كتبت بواسطة دلوعة وبس **
 ضحكه مستعاره
جزاك الله خير بس حبيت اعلق على الموضوع ولو إنه متأخر شوي لأني توني أشوفه ومن باب الأمانة إنك تكتبين على موضوعك إنه منقول لأنه بصراحه هذا موضوعي في منتدى ثاني وتعبت عليه …. وإنت نقلتيه بكل سهولة انا ما أمانع من النقل بس تكتبين ( منقول ) وهذا رابط موضوعي وانتبهي على تاريخ الموضوع … |
حبيبتي فعلا الموضوع منقول من منتدى ثاني وفعلا نسيت اكتب منقول ولله الحمد اني مو من النوع هذا بس على فكره حبوبه انا ماخذته من منتدى ثاني مو من منتدى اللي حاطته باللنك ودام انه موضوعج الحمدالله انج نبهتي على هالشي واكرر اسفي لاني فعلا نسيت ومومتعمده هالشي واتمنى البنات اللي قروا الموضوع كلهم يسامحوني اني ماكتبت منقول ويعطيج العافيه على التنويه
والموضوع أساسا موضوعي لأني أنا المشرفة على قسم وطني حبيبي في منتدى حور الكويت 
وكاتبه الموضوع بصيغتي وأنا جمعت الصور المناسبة للموضوع وممكن تكون وحده ثانية غيرك ناقلته وانت نقلتي منها ….
لو الموضوع ماعجبني جان مانقلته وهذا ان دل دل على ذوقج الراقي
آللـه ?خــلقني عآإدي ليش ?كثروآ ?حــسآإديْ ؟