!!!يوميات معلمة في العطلة الصيفية!!! (متجدد دائمًا)

طبعا من بدت العطلة الصيفية وأنا صايرة خفاش. أنام الصبح وأقعد بليل
كل يوم هذي حزتي. بعد بطالية ومومتزوجة هههههه فمثل ما تقولون عايشة حياتي اتسكع في المنزل هههه
كل يوم أنام الساعة 1 الظهر وأقعد 7 بليل

*
*

اليوم كانت يدتي زايرتنا عاد يابتلي مثل غطوة أو لحاف بسيط لونه أحمر وفيه ورود بيض وايد حلو
شكله وااي فديت يدتي أم تجاعيد ههههه هاللحاف ينفع حق لما أشوف تلفزيون أغطيه فيه نفس أو لما
أشبك .. وحاليا لافته على نفسي قلت أصورلكم ياه.. قلت حق يدتي الله وايد حلو من وين؟ جان تقول من المحاميد
بدينارين.. هههههههههههه فديت اليدات يموتون على هالسوقة… بس حيل عجبني..

*
*

أنا مشتركة في ( دايت كير ) واليوم كان 3 يوم لي وياهم. أحس بيوع مو طبيعي بين الوجبات قبل لا أشترك كنت داشة بأحد المواضيع واقرا تجارب العضوات مع شركات التغذية. وحيل تحمست وبالفعل من ثاني يوم رحت وسجلت واشتركت واشتراكي طلع سعره 250 لأن فتح الملف لأول مرة 25 والوجبات 225 المشكلة وين.. انا متعودة اكل بالايام العادي كميات كبيرة. والوجبات الي يحطونها لي الشركة كميتها صغيرة. فلازم أعود نفسي علشان معدتي تصغر.. الي يقرهني بين الوجبات وااااي أموت من اليوع واحس كله دايخة ومالي خلق اتحرك لاني مثلا لما أشبك أو اشوف تلفزيون لازم بحلجي ككاو أو شي ما أقعد جذي.. مرات الشيطان يوزني علشان أكل ككاو بس ماسكة نفسي. واااي كل هذا في سبيل الضعف

*
*

تدرون شنو اموت على القمردين الصغار؟ وااااااي طعمه يهبل والله والحين اهو يمي يعني الشيطان قاعدة يوزني وووووز
بس هم بمسك نفسي عاد اذكر لما رحت خذيتهم قالي راعي المحمصة ان في نفسهم على دايت بس مادري احسه ماراح يكون حلو
كثر العادي

*
*

بعد جم يوم بروح المحاميد وبروح المكتبة بخلص مشترواتي حق السنة الدراسية اليديدة وافتك قبل رمضان.

*
*

اليوم في وحدة من المعلمات اتصلت علي وقالت اني معزومة على سينما. ههههه 5 معلمات وانا وياهم 6 يبون نسوي طلعة ونروح العصاري سينما أحد الأفلام يوم الجمعة. الحلو ان المعلمات الـ 6 كلنا عزوبيات بس مادري ولا مرة سويتها واحس خايفة وبنفس الوقت وناسة.. وحلو انه العصر مو بليل.. بس مادري أشوف لان مارديت لها خبر لول المعلمات يدرون كالتالي:
( عربي (أنا) – انجليزي – موسيقى – رياضيات – علوم – اقتصاد منزلي ) >>> ههههه كوكتيل مواد

*
*

قسم "المشاكل الاجتماعية " بالمنتدى سويت موضوع عن أخوي الي بسنة ثانية بالجامعة وان في بنت تلاحقه واهو مايعرفها. اليوم ماصار شي الحمدلله بس جد قليلة ادب قطيعة. الله يبعد عنك بنات الحرام ياخوي..

*
*