ينات الفزعة قصتي قصة؟

انا تزوجت من اخو حرمته اخوي وبعد 3سنوات تطلقت طبعا السبب الرايئسي انه بيبي امه اهو كان معي طيب وحبوبة
بس شخصيتة ضعيفة جدا
وصار يسمع لامة واختة وعماتة
واذا جاء للبيت سوى مشكلة علشان يهاوشني المهم انا حبيته من كل قلب وعشقته بالحييييل
وتنزلت عن حقوق وكرامتي وصحتي كنت احاول اني اتقرب لها احاول ارضيه بس للاسف ما قدرتة وبعده طفح الكيل عندي وقلت لازم اخوي يتدخل في الموضوع ورحت الى بيت اهلي المهم دق علي ما رديت واستمر يدق علي مدة اسبوع طنشته قلت لازم يأخذ قرار في حياتنا المهم دق على اخوي وقال افلانة ليش تسوى كذا انا سويت كذا ومن هالكلام قال اخوي تعال للبيت نتفاهم المهم جاء للبيت وتناقشو اهو واخوي وطلع من البيت زعلانة مرررررررر المهم لان اخوي قال سوى حقوقها ولا طلاقها وطلق يم طلع من البيت وبعد عدتي 3 اشهر تزوج وحده المهم والحين لهم سنتين مع بعض المشكلة مو هنا المشكلة كلما ارحو مع حرمتة اخوي واهي اختة يدق الجوال علية دايم يصير هاشي ليش مدري موصدفة هاذي حركة مقصودة ليش مدري
قولولي ليش تكفون
انا احاول انسه بس اهو يتعمد على الحركة
قولولي

حبيبتي اهو تزوج ومافي فايده اي كلام الحين خلاص انسيه وربي يرزقج بالزوج اللي يعوضج

صدفه او متعمد

اهو طلق والحين بذمته مره غيرج

من باعج بيعيه حاسه من كلامج تبين نقوولج انه يبيج علشان جذي يدق على اخته لي كنتي وياها!!

لا حبوبه ممكن صدفه وممكن بيقهرج بس

ع العموم الله يرزقج بلي احسن منه يعز ويرزج ويداري خاطرج ومايقصر فيج ابد

الله يرزقج بالزوج الصالح وحاولي تنسينه لان لو حبج ما باعج

يعمي طاااف الريال تزوج ولو يبيج ما طلقج بسرعه جان نطر عليج

خليه وفكري بمستقبلج وحياتج والله يرزقج باللي احس منه

الله يعوضج باللي احسن منه ..

خلص طالما تزوج وبذمته حرمة تانية انسيه والله يعوضك خير

طلقك,,,, بعد اسبوع

وطلقك.… من أول جلسة تفاهم مع اخوك

وتزوج,,,, بعد ثلاث شهور

يا بنت الهيلا تقوليييين
انتي حبيته من كل قلب وعشقتيه بالحيييييل *)

وطبيعي عقلك يصور لك انه قاصد يتصل على اخته وانتي وياهااااا!

انسيه ..ويعوضك الله باللي ينسيك طليقك حبيب امــه!

ليش تاكلين نفصج من قهر واهو بحضن واحد غيرج ادري مراح تقدرين تنسيه بس وكلي امرج لربج

انسيه وربي يعوضك باللي أحسن منه

حبووبه الله يعوضك ياربي عاجل غير اجل ويسعدك ويرزقك من اوسع رزقه

اي احتمااال للان يفكر فيك انتي كنتي زوجته … والطلاق صااار عشان عصب وا تعرفين الرجاال
يعني بتعصب والزعل والتحدي يثبتون بعقلهم انهم رجال !!

بس اهم من هذاااا انه تزوج اذا هو للان باقي يفكر فيك انتي حااااولي تنسينه لانه مايستاهلك خلي
الي عنده تنفعه .. وخلي عناده ينفعه ..

تلقين اخته تنقله اخباارك مو بعيده ,, بس انتي حرصي تبين لهاااا ضعفك .. ولله معك ياقلبي الله يرزقك ويسعدك يارب

أنسيه والله يعوضج

طيب ليش هالحركة هاذي يتعمد فيه
انا اقول يمكن تحسف
او يمكن يضحك علي اني الى الان احبك لا توفقين على اي احد يتقدملك انتظريني
اويمكن ان اختة تطلق من اخوي
المشكلة اختة تغيرت مع خواتي الا انا ما تعطيني وجه وهو يدق عليه اذا كنت موجود ليش مدري
احس انتفاق بينهم
قولولي رايكم

شوفي السالفه صارت وانتهت طلقج خلاص يعني ماعاد فيه رجعه له
كل إلي عليج اتسوينه انج تشوفين نفسج وحياتج وتبتدين من جديد وتنسين شي اسمه زوجي سابقا
ولا تفكرين فيه وربي بيرزقج بالي احسن واصلح منه وإلي يقدرج يا عمري
واذا علي اخته عطيها طاااف علي اسلوبها اذا اهي تغيرت معاج بالاسلوب خلج مثل ما انتي واثقه بنفسج
ولا تبينين لها انج تفكرين باخوها ولا تهتمين لها واذا دق عليها وانتي معاها خلج طبيعيه واحد يكلم اخته عادي
انسي ولا تكبرين السالفه