|
|
بسم الله الرحمان الرحيم
الموضوع واضح من العنوان وياريت مناقشته عن تجربه يعني اذا مرت بالتجربه او وحده من صاحباتها او اهلها يعني قصه واقعيه وبلاش فلسفه
الموضوع جدا مهم لان فيه كثير غافلات وعيونها معميه بهادايا زوجها وحنانه وبنات الشارع تخطط من وراك
لب الموضوع
معقول واحد يحب زوجته ويموت على جمعتها وهي النفس الي يتنفس بيه وعاجبته كشكل وروح ويستشيرها في كل كبيره وصغيره.
وفي نفس الوقت يكلم بنات في الشات وفي مواقع التواصل او حتى يقابلهم من غير زنى
يعني هاذي موضة الايام لازم الرجال يعرف على زوجته والا الغلط من الزوجه والا من بنات هالايام الي مش سايبين لا اخضر ولا يابس
وشنو الحل مع هالزوج
لا تقولي اهدده ان كل واحد بحاله لانه راح يقنعك انه يحبك وانتي ولا ملكة جمال العالم لان بيكون كلامه صحيح يحبك ومو مقصر معاك. يعني ما عندك سبب مقنع للانفصال
بانتضار تفاعلكم وبليز الي عندها قصه او مقالات بخصوص هالموضوع تفيدنا
ولها الاجر وحسنات على تنويرها اخواتها المسلمات
1- اذا الزوجه مقصره واهو معذور مقصره بحقه كزوج !
2- وفي حاله انه اهو ما يملا عينه الا (التراااااااااااب) ماكو احد يحب ويخون! اذا انت هاوي لعب ليش تتزوج بنات خلق الله … انت خذيتها من بيت اهلها مكرمه معززه ليش تلعب عليها وتمثل دور الشريف !!! شوفي سواء فراش مكالمات مواعد شات كله خيانه !!! وكله وااااحد بالنسبه لي ..
الحل : تقعد وياه تتفاهم وياه انا شذمبي عشان تخوني!!مومقصره بحقك ليش يدوس على كرامتها …
ربي يهدي الجمييييييع
فالشيطان يزين له بنات التواصل الاجتماعي
الحل بسيط
الزوج قلبه وعيونه اصنفه حيواني
فتشبعه جنسيا
وتشبعه عاطفيا
وتخفف المشاكل
وتكسر الروتين
وتشغله بواجباته اللي اكثركم غفلتوا عنها
يدخل معك بمسئوليه البيت والعيال والصرف والاحتياجات
لا تتركين له فرصه فراغ او عذر
حتى ينشغل بغيرك
مافي بقاموسي خيانه بدون معاشر ه
لانه الخيانه تبدأ بالو وتنتهي بالفراش
والاهم من كل هذا
دعاء الزوجه الصالحه لزوجها وعيالها وحفظهم من الشيطان
فوفو
لانه الريال عاش على انه يكلم و يغير عيشت العزابيه الاصح .. تكيف عليها جم سنه و عاش عليها و لمن يتزوج يمكن يفكر انه بيعقل بس لا اراديا ارد .. حاله حال اي شي تتعودين عليه و صعب تهدينه ..
اعرف ناس جذي رياييل و في بنات بعد تخيلي .. تزوجت و تكلم الي كانو بحياتها .. و نفس الشي الريال .. و ما يكونون مقصرين و حياتهم مرتاحين .. والله يستغلون فتره النفاس اي وقت فراغ ممكن يكون !!
لازم يعالجوووووووون عند استشاري نفسي .. لانه الريال زين ز مو مقصر و يحب مرته .. بس تلقينه مو عارف يهد هالطبع .. و ترى من شخص لي شخص يختلف .. خصوصا الرياييل
اعرف وحده خايفه تتزوج و السبه انها تعودت انها من علاقه لي علاقه و تقول التغيير حلو و احلى شي بدايتها و اقدر انهي الموضوع وقت ما ابي لمن تصير مشاكل و تعيش حياتها .. اما الزواج ماكو نحشه لازم ادورين حل
هذي امثله متواضعه .. و لازم البنت ترد تحاسب نفسها اذا مقصره بشي يحبه زوجها و لاهيه عنه مثلا .. اذا لا خل يعالج و اهيا مساله وقت و راح يترك هالشي ..
الخيانه حالها حال اي صفه سيئه الريال تربى عليها او عاش فتره طويله عليها .. مثل الجذب او اللف و الدوران او المزاجيه او عزه النفس و التكبر او البخل او غيره ..
و يا رب يصلح حالها و اذا الريال شاريها بروح وياها و ينوي صج التغير ولا معناته بتم عيشتها مع خاين
بس هو مهتم فيها وعاطيها حقوقها وهي عاطيته حقه بالجنس وبكل امور الحياة
معقول سبب ما يكون من بنات هما الي يجرو وراه.
الانفصال حل مرفوض منه نهاىيا ويعتبره نهاية حياته لان زوجته كل حياته
وحكاية الدكتور النفسي مش صعبه شوي لان لو وصلت زوجه طلبت من زوجها يعالج نفسه من مرض الخيانه راح يخون بزياده وتخرب بيتها بايدها مع ان يمكن تكون فيه حلول افضل
ف الحل يكون تركزين عالناحية الإسلامية وتدخلينها فالحياة . . يمكن الزوج متربي ف عايلة ماتعطي أهمية للتربية الإسلامية
عشان جي عادي عنده أو تعرف على ربع سوء وشوي شوي تعود على التواصل ويا البنات . .
مثلا مرة قريت قصة وحده متزوجة زوجها يخونها ويا بنات من أهلها . . ف خبرت ريلي وأنا منصدمة وخليته يتفاعل وياي و
يعلق عقب قلت فمجتمعنا يعاقبون البنت لو كلمت واحد وما يسوون شي بالريال، لكن عند الله حتى الريال ارتكب معصية و
الله بيعاقبه لأنه حرام اللي سواه . . وتتكلمين ف موضوع الزوج الخاين بدون ما تواجهين أو تتهمين الزوج بخيانته . . جذي بيحس
بالذنب وبيفكر ف كلامج . . لكن بما أنه متعود يخون ف يباله وقت وانتي دوم كلميه ف مواضيع وتدخلين حكم الاسلام فيها . . مب
بس الخيانة مواضيع ثانية ومختلفة عشان مايحس انج تلمحين . .
أكره هالشي فالريال 
ريلها يموت يموت فيها
وجم مرة تصيدة مع وحدة
مع الايام اكتشفت من اخت البنت ان زوجها كان يضرب البنت اللي يكلمها لو يابتت طاري زوجتتته
تخييييلواااا
انزين ليش تخون
لما واجهته قال انا طول عمري اكلم بنات وصرت تقريبا مدمن
ماعرف ماسوي
بس احبج واعشقج انتي
انتي تاج راسهم
اطلبت الطلاق لان بصراحة يخرع جنه مريض نفسيا مافي احد عاقل يقول اللي قاله
بعدها تركته فترة
و رجع تايب بس بعد ذيل الجلب بتم طول عمره عووووي
ماحب افكر بهالموضوع لاني عانيت منه
طبعا مادري اذا زوجي يحبني او لا
لككن الخيانه بحب او بدون حب تذبح
يمووت ع زوجته واهي مو مقصره معاه
واهو خوش ولد اصدمكم ما يطوف صلاة
ويخونها ماني قادره اصيد المشكله وين
عقدوني هالرياييل
ما ادري هل صارت موضه
والا غيره من ربعهم
المشكله الرياييل ما يعلمونا شيدور بينهم
بالدواوين مو احنا يالحريم حتى سوالف
المكياج واللبس نعلمهم صاروا يفهمونا عدل
واهم غامضين ما يقولون شي