|
|
السلام عليكم
حنا تونا متزوجين لنا 4 شهور واوووووووف اوقاتنا متضاربه انا وياه اهو يداوم يوم كامل ويطلع يومين لاطلع يطلع الصبح 8 ويجلس لين العصر وعقب يطلع لاهله ولربعه ومايرجع الا 9 بالليل 10 نجلس لين 12 و1 الليل وننام ومرات اهو ينام وانا اجلس سهرانه لين الفجر واقوم الظهر القاه جالس عالنت من جا من دوامه لانه ماينام الا باليل
بنات جايني امس يهاوش يقول ليش ماتجلسين معي الصبح قومي 8 عشان نجلس مع بعض
بنات شنو اقوم 8 ماقدر بدري حيل خصوصا ماني موظفه ولايخليني اطبخ ولاشي يقول كيفك اجل لاتقولين ليه كل وقتك برا
قلت له بقوم 12 الظهر قال عدلي نومك وبسسس خصوصا انا بيت اهلي متعوده مااحد يقومني والنوم حاله خاصه عندي نومي كثير شسوي محتاره
شسوي اقوم 8 ؟
قولي لي رايكم ؟ انتظركم .gif "Eh S(10)")
مافيها شي
موفقة
و عوديه انج تنامين معااه وتقعدين وياه وااايد احسنلج
والله يهنييكم ويوفقكم ياارب
ميخالف عشانه وهم اعتبريها عشان صحتج
ودامه طلبج منج خلاص لازم تقعدين
انتي لادوام ولاشي
الله يعينج
مالج الا تدخلين اهلج بالموضوع وتوقفينه عند حده
والاهم ماتقعدون مع ازواجكم ولا تتريقون معاهم واذا قابل النت يسولف مع الناس الغرب
قلتوا ازواجكم مطنشينكم ويكلمون بنات بالنت وغيره من المشاكل
مشكلتج حلها سهل عدلي نومتج وشوفي قعدة الصبح شحلاتها
نامي مبجر وقعدي ٩ او ١٠ هم وقت مناسب
وسالفة عند اهلي كنت وكنت
هذي انسيها
وعيشي حياتج الجديدة
تبين تاخذين لازم تعطين
يعني هو بالنسبة له الموقف __ يوم كامل بالدوام ارد اقل شي القى مرتي تنطرني
وحتى لو يقول لا تطبخين
جهزي له ريوق
جاي
حليب
خاصة مقبلين ع الشتا
وتحلى المشروبات الساخنة
وهو اصلا مافتح الموضوع الا من حنتج ليش تروح لاهلك عقب العصر
فوق نومج بعد تعاتبين
وبالعكس شي حلو نومته مضبوطه وينام مبجر
احسن من اللي ازواجهم
يسهرون ودوامهم شفتات فوق تحت وهم موظفات
ويبونهم يواصلون معاهم
قليل من الاحساس والمسؤولية وبتتعدل اوضاعج