يعايرني في الماضي () لعضوه

مسااااء الحب

وصباح الشوق

تبجي آلم وحزن وتطلب المساعده

وصارت بحيرة تترك رجلها والا تكمل المشوار

عضوه بالخااص تم حذف بعض الاشيااء الاخاصه لحفظ اسرار العضوه
تقول رجلي يعايرني في الماضي والمشكلة تقول انا السبب مع أنها مو ندمانه أنها قالت حق رجلها

كان لي ماضي مع فلان

لان لما تتطور العلاقة مع رجلها وجاء خطبها وعرفت ان من سنين اللي كانت تبيه يصير من عيال عمهم

قالت لازم ابلغ زوجي قبل لا أتزوج أخاف يوم من الأيام وأنا عنده يسمع وتصير سالفة

قالت حق رجلها قبل لا يملج عليها أن لها ماضي مع فلان الفلاني وصار بينهم حديث

وسامحها وقال هذا ماضي وأنتي كنني صغيره ماحسبج عليه

تم الزواج وجابت ولد بعده ولد وجهظت مرتين وصارلها الحين 7 سنوات عنده

تقوول مليت زهقت في 7 سنوات عيرني بفلان اربع مرااات لما تقول أنا زهقت من عيشتك متى تسنع

يرد عليها يقول اجل تبين عيشت فلان

تبجييييييييي تقول ليش اهو صار جذي ليش يعايرني دام أنا خيرته وقلت تبيني أو لا مآبي أغشك علمتك

هذا ذنبي اني علمته

اللي محيرهاا ليش يجيب طاري فلان على لساانه ليش يذكرني في المااضي

والحديث مستمر معاها وتنتظر وجهات نظركم بعد ماقلتلها اني راح انزل لج موضوع

والله شي غريب .. بس في بعض الرياييل لا صار براسهم وحده ثانيه ، يطفشون اللي عندهم عشان يخلى لهم الجو

الله يعينها يارب

غلطتهاا ليش تقوله

ماعلينا ..

الحين لا جاب طاري الثاني توقف بوجهه بلا دموع يافلان ان عاد جبت طاري هذاك احسن لنا ننفصل وصراحه مو رجال الي كل شوي يذكر زوجته بشي قدديم

اهليين ام ضاري الصراحه انا ما اايد الي تقول حق زوجها عن اي شي قبل الزوااج
بس ولله زوجها غريب يقوول لها عاادي وبعد 7 سنيين يعايرهاا صــــــج الرياييل تفكيرهم غريب الله يهدييه ياربي

اهي غلطانه المفروض ما تتحجى وماتقول سر من اسرارها حق ريال

هذا دليل على ان الريايل مو كفو

والله هالشي صح اذا سوته اذا كان زوجها يقدر هالشي و يعتبر الماضي شي انتهى خصوصا الريال لما يعصب دايما يقط كلام ما يثمنه و يكون جارح، بس انا ضد ان الوحده او الواحد يتحجون عن ماضيهم خصوصا في مجتمعنا والكويت صغيره الكل يعرف بعض لان خلاص مجرد ارتباطهم فتحوا صفحه يديده ، الله يعينها ولازم تناقشه بهالموضوع وتقوله مو عيب اني صارحتك العيب اني حسبتك قد هالصراحه وانا ام عيالك وماله داعي هالحجي ، وسوري على القرقه

بس هي ليش ما تقوله هذا جزاي اني صارحتك وماغشيتك وانتارضيت من البدايه والمفروض هاذا ماضي ماتذكرني فيه واذاانت موب راضي تنساه الافضل اننا ننفصل ! بس اهي غلطت يوم قالت له!

اهي قالت له واللي صار صار ماينفع نلومها الحين

الله يعينها بس لازم تواجهه بثقة لما يفتح هالسيرة وتقوله انا كنت صغيرة واعترفت بنية ربي عالم بندمي ونيتي

شنو انت الظاهر تبي اللي يلعبون لعب عليك واذا اعرسو ( تزوجو بدهاء ماحد درى عنها )

موووووووووو من حقك ولازم تكون واثقة بنظراتها وما تنكسر وبكل رفعة راس تقوله ما تقدر تقول شي شين بشرفي وعفتي

وانا هذا كلامي تبيني مرتك لااااازم تحترم كلامك والا انا بطريق وانت بطريق << تستعين بالله قبل كل شي

ما ادري بس مسكينه ذنبها الصراحه
وكل رجال حسب عقليته
بس لا تسكت عالسالفه عشان ماتصير دوم على لسانه

المفروض تتفاهم وياه تقوله انا صارحتك هذا جزاتي اتعايرني اذا تبيني وشاري العشرة المفروض ماضي وراح وانت رضيت فيه فباب وسكره ولا ابيه ينفتح بأي سبب من الاسباب

الله يعينها

الله يعينها ..

وان شاء الله .. مايعيد كلمته ..

والله شي يحير

لا تلومونها الحين السالفه صارت وانتهت ولهم 7 سنوات صج غلطانه بس الي فات مات الحين البنت تبي حل ,,
حياتي شوفي لو مثلا انا ادري انه ريلي كان يحب وحده قبل لا ياخذني ولنفرظ اسمها مهاا
واعترف لي بهالشي بتم هالسالفه معاي طول العمر حتى اسم مها راح اكره صح ولا لاا؟
فالعكس صاير مع ريلج مارح ينسى السالفه والريال غير المره ,, المره تتحمل وتسكت اما الريال غير على اقل شي راح يعاير ..
الحين فديتج كلميه بهدوء انه هالسالفه تنرفزج وانج ماتشوفين بالدنيا غيره بالمختصر قرصيه انه ما يعيدها وان عادها مارح تسكتين عنه فهمتيني حوبي ,,