يدية على التربية وابي العون

شدعووة ليش محد رد علي

حبيبتي

الله يوفقج ان شاءالله بحياتج الزوجية والعملية

وان شاءالله تقدرين توفقين بينهم

التدريس انتي جربتيه بالميداني وشوفي نفسج حابته ولا لا ؟
وفكري انج خلاص بتصيرين معلمة بشكل رسمي يعني محاسبة على الطالبات ومستواهم وانضباطهم بالصف ومشاركتهم ونتائجهم بالامتحانات

يعني بتكون عليج مسؤولية كاملة عن صفوفج

انا لي 13 سنة تدريس الصراحة مرت علي مواقف وايد حلوة ومثلها حسيت اني خلاص تعبت من التدريس …….لكن بالنهاية احس انها مهنة حلوة ومااستغني عنها

الله يوفقج ان شاءالله

الله يوفقج يالغاليه وحياج الله معانا بالميدان ههههههههه لا تحاتين شي انتي مثل ماقلتي يديده وتوج يعني اخذي هالسنه
من باب الاستفاده و لا تشدين على نفسج وايد استفيدي من الابلات الي معاج وكوني لج فكره واخذي من خبراتهم .
و التدريس مجاله مثل اي مجال فيه الشغلات الزينه والشينه خلج متفائله ومبتسمه وروحي الدوام بكل اببالج تعطين
حصتج وتطلعين علشان لا تشدين على نفسج وايد .

وانا بعد أموت على شي اسمه تدريس على الرغم من السلبيات الكثيرة

وعلى الرغم من الكلام السلبي الي اقراه بالمنتدى قبل لا اصير موظفة وبعد ما صرت

حبي للوظيفة خلاني اتحمل منها أي شي. بذمتج أكو وظيفة مافيها تعب وشقى وكراف وغثى؟ لا تقولين أكو

كل الوظايف فيها تعب. الا اذا بتاخذين فلوس حرام آخر الشهر وانتي طول الشهر حاطة ريل على ريل وما حللتي معاشج

فهذا شي ثاني. التدريس فيه وايد ايجابيات مثل العطل والاجازات بالهبل + المعاش + وزنج يخف لوول روحة وردة من صف لي صف + مهنة الأنبياء والرسل وغير انج على كل كلمة تدرسينها تاخذين عليه أجر.

وما أنكر ان فيه سلبيات بس عادي حبيبتي هذا مجال وظيفي. وكل واحد لازم يتحمل ويطنش. أي شي راح ممكن يضايقني أطنشه بالاخير أنا اخر الشهر مستلمة معاشي وطالباتي فاهمين. ما راح اهتم ان غثوني قسمي وسووا احزاب او الناظرة تفرعنت ومو عاجبها شغلي. الي علي بسويه وعلى قد ما أقدر دون زيادة او نقصان.

السلام عليكم …
انا اكثر وحده تكره التدريس قبل …. وكان اخر احتمال ادش التدريس بس بعد الاستخاره دشيت التدريس والله هو حلووووووو شووووووووي بس على حسب المدرسه والاهم الاوادم اللي معاج بالغرفه يعني لازم تبتعدين عن الغيره والحقد والحسد واشمعنا هذه وهذه ام بالنسبه للبيت من بالليل زهبي كل شي واذا رديتي المدرسه على التسخين بس يعني ماكو تعب ولا شي صدقيني قبل اي شي صلي صلاه استخاره بعدها اللي الله يوديج له خيره
فله شمعه منوره ………زز طبعا معانا بالتدريس

فانتك حبيبتي يمكن حسيتي بالتعب كونج لأول مرة تمارسين التدريب الميداني العملي,.
وهذا شي جديد عليج ., والمعروف ان كل بداية فيها صعوبة وتعب الى ان تتأقلمين,

نصيحتي لج إيـــــــاج والمحبطين َ!., الي انتي تحسينه تسوينه, .<<

حاولي توازين بيين حياتج الزوجية والتدريسية .,
اقولج ياها في البداية بتلقين صعوبات لكن بإذن الله تعالى بتتعدل الدفة الى ان تتزن وتتزن حياتج

لكن سؤالي هل تحبين هالمهنة ؟.!! اذا اي توكلي على الله ,.
والله يوفقج .,(:

} .. انا كنت ابجيييييييييي بجيييييييييي الكورس اللي طاف مابي تربيه ولا ابي تدريس

حدي تعبت وحسيت بضغط .. ومو عارفه الشغل ولا اعرف اواجه الظلم و و و و و و

بس سبحان الله لان نيتي اني افهم البنات وما اعطيهم حقهم ودايما حاطتهم بين

عيوني لان اخاف ربي يحاسبني عليهم احس كل شي تسهل حبه حبه ..

موفقة حبيبتي.. وتذكري أول فترات الوظيفة لازم تحسين بعدم استقرار وخوف لكن بعدين تصيرين مثل الينية… لووول اقولج هالكلام من واقع تجربة اذكر بعد 3 يوم لي بالوظيفة قلت خلاص ابي استقيل وانقردت وسجلت بالتربية بس بعدين يوم عن يوم قمت اقتنع اني اخترت التربية لأني احب التدريس وشوي شوي قمت أتأقلم..