يدا بيد نحو عشق التدريس

بسم الله الرحمن الرحيم
إلى أخواتي الفضلايات
نبي نتعاون مع بعضنا البعض , ونخلي التدريس الي اهو المهنة الشاقة والكل يشكي منها إلى مهنة ممتعة وكل يحبها ويتشوق لها ……………..
أولا أنا ودي أن أسجل بعض من ايجابيات التدريس الي تزيد من الطاقة الايجابية للمعلمات وكل إلي ابيه منكم انكم تذكرون محاسنة
ورجااااااااااااااء مانبي اي ذم لاننا الان نتعالج نفسيا وراح نحب التدريس ,
عن نفسي أنا أحب التدريس وكانت رغبتي الأولى والأخيرة ولكن خاصة الاجواء المحيطة والمعلمات المحبطات الي مايطلع من حلجهم الا احنا مكروفين . وغيروا من نفسيتي وايد
أنا راح أقول الايجابيات وانتوا قولوا الي ماقلته
ونخلي شعارنا
(((((((((((حب ماتعمل لتلقى ماتحب )))))))))))))
1- لما تحسين نفسج قدوة حسنة للمعلمات والطالبات مثلا لما المدرسات يدخلون الصبح ولاقونج ياية مبجرة وريحت البخور والكشخة والروح المنعنشة والمكتب روعة ومرتب . ولما تدخلين الصف ونتي متأكدة ان تحضيرج كااااااااامل على أكمل وجه والصف منظم والبنات يحبونج ويفهمون عليج وتجاوبون معاج وانت تشرحين ووسائلج روعة واغراضج محطوطة على الطاولة كامله من مغناطيس وبطاقات وأقلام وغيرة وقتها يدخل اي زائر ويشوف السنع اهني راح يهريج بالمدح ووقتها راح ترتفع معنوياتج حيل بس اذا لقى خطأ والخطأ وارد اعتبرية نصح وغلطة لايمكن تتكرر .
– ولاننسى التعامل مع المعلمات بالسوالف الحلوة واذا صار عليج الريوق تبهرينهم بطبخاتج والحلو والقهوة الفايحة وقتها الكل يسألج شلون سويتيه وشلون طبختية اهني بعد المعنويات ترنفع .
– لماتسوين شغل مثل ورش عمل ولا درس ريادي ولاغيرة ويكون مميز والكل يعجبة ( وهني المعنويات هم ترتفع )
– لما تحضرين وتبحثين على المعلومة وتثبتين للي حولج إن معلوماتج من مصادر موثوقة كل يثق بتحضيرج ومعلوماتج .
– لما تطلعين من المدرسة وتشوفين سجل الحضور والانصراف كل عليه توقيعج لافي غياب أو تأخير أو غيرة هذا شي حلو .
– ولماتردين البيت وترتاحين وتواصلين مسيرة حياتج عادية وتحمدين ربج على نعمة الدوام وخاصة التدرييس الي تحسين نفسج أنجزتي أشياء كثيرة أحسن من الوظايف الثانية بس كسل وربادة وحش وبلعة .
– وتحمدين ربج انج دوامج حلو مو للي العصر او باليل مو اطرين الاجازة اطرارة ومرات تاخذينها وقت غلط ومرات اداومين والعالم معطلة أو قاعدة بالبيت قاعدة بليل وسهرانة بالنهار والنفس خايصة وزف بالخدامة والعيال
وغيرة وغيرة وغييييييييييييييييرة
((((((شفتوا التدريس حلو وممتع ولا شرايكم ))))))

ألحين يا دوركم

هلا حبيبتي ..

ما شاء الله عليج ما خليتي شي ..
وحبيت أضيف ..

– كفايـه الاجـر اللي تحصدينـه عند ربج .. سواء شرحج .. و معلوماتج للطلبه أو حتى نصيحه تربويه تقدمينها ..
أو قصه معبره .. لـ الطلبه والطالبات ..

– كفايه الحمدلله معاشنا حلال بـ اذن الله .. لان نداوم بذمه وضمير ..
ونشرح .. ونتعب .. ونوقف .. ونناوب .. ما نرد البيت الا تعبانين ..

– كفايه العلاقات اللي تكسبينها في المدرسه مع المعلمات والاداره ..
أو حت أولياء الأمـور ..

– كفايه دعوات أولياء الامور لج بـ التوفيق والخير ..لـ جهدج مع طلبتج ..

– كفايه ان دوامنا مو روتيني .. بالعكس متجدد .. كل سنه طلبه غير .. مجموعه غير ..
وممكـن اداره أو مدرسه غير ..

– كفايه ان عطلتنا حلوة حتى ولو قاموا يصغرونها .. نعطل مع عيالنا وندوام معاهم ..

والحمدلله على كل حـال ..

يعطيكم الف عافيه

بس Still >>>>>>>>>>>>>>>>>>>

اولا مشكووره على رفع معنوياتنا وعلى هالموضوع الحلو

بس فيه شي انا مو معاك فيه
ولماتردين البيت وترتاحين وتواصلين مسيرة حياتج عادية وتحمدين ربج على نعمة الدوام وخاصة التدرييس الي تحسين نفسج أنجزتي أشياء كثيرة أحسن من الوظايف الثانية بس كسل وربادة وحش وبلعة .
نرد البيت نام ونقعد يا تسوين اختبار او وسيله حق درسك الجديد او تروحين السوق تشترين اغراض لبرنامجك الاذاعي او تحضرين اذا ماكان عندك وقت بالدوام او تسوين تدريبك الميداني >>> يبيله اسبوع من التفكير
يا تجهزين حق درسك الريادي >>> يبيله اسبوعين من تحضير وسائل الخ
او المحاتاه يمكن تدش علي الناظره او الموجهه >> الحمدلله الشغل جاهز بس تخوف اذا كان الموجهه ما يعجبها العجب
يا تنبشين بالنت عن القيم الي غاثينا فيها السنة الي طافت وغيره وغيره

مشكورين حبايبي على ردودكم والشكر الخاص لاختي حلوى ورهش فعلا ذكتي أشياء حلوة يعد واكثر شي يفرحني .
وإلى اختي رضاهم جنة فعلا كلامج فعلا صحيح بس صدقيني إذا خلصتي شغلج بأسرع وقت وحسن تدبر ماراح تحسين انج مضغوطة وانا كلش ما اايد انج تكرفين في البيت ولنفسك عليك حقا مو مشكلة لوتقسمين شغلج العصر الاهم مايكون شغلج الشاغل لأن وااايد من المعلمات ماعندهم الا عندي وعندي عندي وعندي وحاتون ومايسون شي

والله اسوي شغلي اول باول بس مهما تخلصين يطلع لك شغل من تحت الارض كل ما قلتي الحمدلله انجزت شي وتبين ترتاحين يطلع لك شي , وبالمدرسه ما تقدرين تسوين شي يا حصص او اجتماع او شغل اداري او درجات او تحضرين اذا مداك الوقت

الخوات ما قصروا .. بس انا ابي اضيف شغله وحده حببتني بالتدريس زوود .. الا وهي ان مافيها رياييل .. يدووووووووووووووب الموجه .. وقليل اولياء امور .. بس شنو راحه نفسيه .. بالنسبه لي انا شخصيا .. اني البس اللي ابيه واتعطر واتبخر واتمكيج اصير تلفزيون ملون .. والبس كل الالوان اللي بالرينبوو .. يا سلااااااااااااااااااااااااااااااااااااااام.. من غير ما احاتي ريال يشوفني جذي ولا جذي … ريلي تنكشف .. ايدي تنكشف .. رقبتي .. عااااااااااااااااااادي .. وياحلوه الدوام بالصيف لي ازدادت لواهيبه .. وبكل ثقة قطيتي الملفع قط وانتي بالصف او بغرفتج .. اخيييييييييييييييييييييييييييه .. ولا لمن يمر اسبوعين ولا 3 وشعر حواجبج ولا شواربج يبتدي يطلطل .. وانتي ما تحاتين احد داااااااااااش بخشمج يعدهم لج .. يا حلاااااااااااااااااوه .. اضحك .. واتغشمر .. واسولف مع الكل .. من غير ما احاتي واحد ادش بقلبه ( يا عيني عالثقه يا مريومه ) ولا يطالعني بنظره نص كم ( يا وييييييلي ويلااااااااه)

فعلا هذي اسباب بالنسبه لي .. خلتني احب التدريس زياده .. بالاظافه لاسباب خواتي فوق

شكرا اختي على هالموضوع الحلو .. كنت احتاج شي افرفش فيه لاني حدي كنت مغلقة من سالفة الجهرا .. الله يرحمهم يارب.. ويشافي عليلهم

و الله خوووش موضوع

و كل كلمة قلتوووها صحيحة

و سبحان الله يكفي الاجر اللي ناخذه اذا احتسبناه طبعا

الأبلة يا خواتي غير كل البنات غيير لازم تفتخرون إنكم أبلات ليش لا ؟ أنتم اللي تشكلون شخصيات أطفال على طول العام ويا حلوهم وأهم بالصف مندمجين وأنتي تعطينهم موقف أو قيمة تربوية صج أحس عداد الحسنات عندي يسوي ورررررررررررررررررررررررر
ما أقول إلا يا حلو التدريس

وشلون اذا المدرسة الاولى كارفتج كراف و تخليج حتى بالبيت تسوين شغلها؟!!
هاده ريلج وعيالج علشان تخلصين الشغل وفوق هذا ما يعجبها؟؟

وفوووووووووووق هذا بعد مافي تطوووووووور نفس الروتين كل سنه ماااااافي تغييييييير
الناس تواكب التطور واحنا قاعدين!

ميخالف طلعت اللي بجبدي هههههههههههههههههه

ابلييييييييييييييييييييييز نبي تشجيع مو تحبييييييييييييييط