يبتلك اسعار الولاده في مستشفى دار الشفاء

بسم الله الرحمن الرحيم

السلام عليكم كروشات اشلونكم شخباركم ان شاءالله مرتاحين

يالله خل احطلكم الاسعار وما أطول عليكم اكثر

نوع العملية: الولادة الطبيعية
عدد الايام المجانية2
غرفة خاصة 450 دك
غرفة جونيور 490 دك
ميني رويال 490 دك
الجناح الملكي 727 دك
الجناح الامبراطوري 1227 دك

ولاده متعسرة (إضافة 60 دك للتوأم)
عدد الايام المجانية 2
غرفة خاصة 500 دك
غرفة جونيور 540 دك
ميني رويال 540 دك
الجناح الملكي777 دك
الجناح الامبراطوري 1277 دك

الولادة القيصرية لأول مره (إضافة 75 دك للتوأم)
عدد الايام المجانية 3
غرفة خاصة 850 دك
غرفة جونيور 930 دك
ميني رويال 930 دك
الجناح الملكي 1410 دك
الجناح الإمبراطوري 2450 دك

الولادة القيصرية لعدة مرات (إضافة 75 دك للتوأم)
عدد الايام المجانية 3
غرفة خاصة970 دك
غرفة جونيور 1050 دك
ميني رويال 1050 دك
الجناح الملكي 1530 دك
الجناح الامبراطوري 2570 دك

تكاليف الجناح الامبراطوري يشمل تكاليف غرفة الولادة

البالغ الإضافية
أسعار الغرفة لليلة الإضافية الواحدة:
غرفة خاصة 60 دك
غرفة جونيور 80 دك
ميني رويال 80 دك
جناح ملكي 200 دك
جناح امبراطوري 450 دك
الحاضنة 23 دك

سعر ابرة الظهر 85 دك
في حال طلب طبيب استشاري 50 دك
يضاف مبلغ 60 دك على اسعار الولادة في حال تمت الولادة في غرفة الولادة الخاصة
سعر طهور الطفر أثناء الإقامة 29 دك

الأدوية الروتينية :
بقيمة 20 دك مجانا للولادة الطبيعية والمتعسرة
بقيمة 40 دك مجانا للولادة القيصرية
يتم صرف أدوية الطفل من الصيدلية وهي غير مشمولة التكاليف
اية ادوية أكثر من القيمة المذكورة سوف يتم اجتسابها

الوثائق المطلوبة للولادة:
صورة البطاقة المدنية لكل من الزوجين
صورة الجنسية لكل من الزوجين (للكويتيين فقط) والجواز للوافدين
صورة من عقد الزواج
مع مراعاة أنه لن يتم استخراج بلاغ ولادة دون تسليم اي مما سبق ذكره

غرف الولاده:
غرفة الولاده العادية: مشمولة بالمبلغ المدفوع عند الدخول
غرفة الولادة الخاصة: يمكن إصطحاب عدد 3 مرافق داخل غرفة الولادة

ان شاءالله فاديتم وماكثرت عليكم
إللي تبي تعرف شي عن دار الشفاءاتقولي لان معاي البروشور مال الولادة
لاتبخلون علي بردودكم الحلوه كروشات

الله يعافيج
اي حبيبتي بس لازم اتزيدين سعر ابرة الظهر او طبيب استشاري اللي اهوا بالأساس دكتورج او الولاده بغفة خاصه
انا لمن ولدة كان السعر 727 بس زيدي 50 طبيبتي و60 علشان بغرفة خاصة وما اذكر ليش بعد 100 دك زيادة دفعت بس المهم طلع علي كلا 937 دك ومع الخدمة والجاي والقهوه يستاهل السعر بصراحه

انزين غرفة الولاده العاديه ( مو الخاصه ) شنو الفرق بينها و بين الخاصه ؟؟

العاديه ما يصير احد يدخل معاي؟

غرفة الولادة العادية محد يدخل معاج اما الخاصه يدخلون 3 وكون بينج وبينهم ستاره وحاطينلهم كراسي واصلا وانتي داخله الغرفة بتشوفيم مكان اللي بيدخلون معاج انا خذيتهم ومافي احد مادخل معاي بس ان شاءالله باخذ العادية المره اليايه علشان محد يدخل كلللش

بنات من صجكم 57 مشاهده بس 3 ردود الله يسامحكم

انا ولدت شهر ٧ /٢٠١١

و آخذت غرفة الامبراطور و طلع علي ١٧٠٠ و شي

ولادتي كلفت ١٤٠٠ وشي لان دكتوري استشاري ٥٠ ولادتي مستعسرة ٥٠ و أخذت أبره ظهر ٨٥

و٢٠٠ وشي حق ولدي ليش حطوه بالحضانة و فيه بوصفار

الله يعطيج العافيه
كان عندي البروشور وضيعته

انا ببجري ولدت عندهم بغرفه خاصه
بس كانت صغييره وحاطين كرسي بو نفرين عند رجولي
وماكان في ستاره ولا شي
فاضطرين اني اطرد اللي كانوا معاي من الفشله.

الغرفه العامه شلون؟
يعني يكون بيني وبينهم بس باب
او ينزلون المره للولاده واهلها فوق؟

حبيبتي زهور المحبه الغرفه العاديه محد يدخل معاج ولا في احد يقعد ولاتطردين احد من جذي باخذها بإذن الله لان في ناس تدخل وتشوفني وتقولي اللي صار معني كنت قاعده اولد شي طبيعي بصير واق ووييق الله يسامحها

هلا والله ام علي الله يسلمج ابرة الظهر تعتبر قسطره ابره اول شي ادخلونها بعدين ادخلون من خلالها بلاستك وخلونا نفس الدرب ابظهرج علشان كل اشوي يعطونج المخدر وخدر المطقه السفليه كلها وصير مافي الم … الجناح الامراطوري 1227 مع غرفة الولاده الععادية علشان محد يدخل معاج اتوقع غرفة الولاده العاديه ماتنحسب لان سعرها يصير مع الجناح الامبراطوري بس اذا غرفه ولاده خاصه زيدي60دك .. اشلون يعني متبنيها اكبيره واشخاص ادشون معاج مافهمت حبيبتي ؟

يعطيج العافيه

الله يعافيج وشاكرتلج مرورج

شكرا عالاسعار
ماقصرتي

وايد حلو الموضوع

مشكوره حبيبتي