|
|
السلام عليكم و رحمة الله و بركاته
صارلي والدة تقريبا 4 شهور في بنتي الثانية الحمدلله رب العالمين على النعمة
بس اعاني اعاني اعاني من خياط الولادة التجميلي
اعاني بشكل اني ملييييت ملييييت من الوضع
والله مليت
والله مليت
ودي ارجع نفس قبل اااااااااخ
كل شي صار غير
انا مو انا
احساسي غير
زوجي صار غير معاي
ما اقدر اكون عفوية و طبيعية
ما اقدر اندمج لاني اخاف من اللي ياي…….الالم
اول الايام كانت عذاب بمعنى الكلمة
حتى ليلة الدخلة ماكانت جذي
الم مو طبيعي … تشنجات … توتر … قلق … حركات لاشعورية و لاارادية ادز زوجي و انا بقلبي اقول ماااااابي مااااااابي خلاص
زوجي زعل و عصب عليي لاني طلبت الخياط التجميلي
زوجي ابتعد
زوجي تعب
زوجي تغير….
انا مو انا
الوضع مو نفس اول
زادو العيال… زاد التعب….قلت اوقات الخصوصية… و فوق هذا ….الم لا يحتمل بالعلاقة الزوجية!
استخدمت جيل بس احسة مقرف و ما يفيد وايد ….
و النتيجة……. برود و قلة الرغبة
شسوي؟
شالحل؟
نصيحة لا تسوون تجميل لان حسب ما قريت بالانترنت بمواقع اجنبية ان يأثر عالمتعة و الجي سبوت
و تفاصيل الخياط التجميلي:
اول شي الدكتورة قالتلي راح يكون قياس صبعين تخيلو شلون ضيج
ثاني شي قالتلي تراااا راح يعوررررر اول الفترة و انا الغبية قلت عادي!
صج صج متحسفةو ماتوقعت ان يطول هالكثر الالم
ودي احمل بس عشان اولد و ارجع طبيعيه بس مو مستعدة يكون عندي طفل ثالث ابي ارتاح
ابي ارتاح و بنفس الوقت انا مو مرتاحة من الوضع و ابي اغيرة
الوضع ملخبط مادري شسوي
ارجع للدكتوره؟ اقولها توسعني؟ شلون يعني؟
انا رايحة العمرة بأذن الله و راح ادعي ربي يفرج همي و ييسر امري و يسهل اموري و يرزقني بالراحة و الطمأنينة ان شاء الله و جميع المسلمين
واسوني و انصحوني.gif "Eh S(11)")
حتى اللي تولد طبيعي سبحانك يارب كل شي بعد فترة يرجع طبيعي واصغر من الصبعين
والا جان محد تم مع زوجته لوول
لكن الحين اللي صار صار
واكيــــــد في حل والبنات بيقولونه
الله ايسر امرج
شوفي يمكن في شي غلط .. التهاب مثلا
لأن وايد بنات يمدحونها مو معقولة مرو باللي مريتي فيه و مدحوها !
انا مخيطه تجميلي بس الصراحه حلو
بس اول شهر ضيج بعدين يتوسع مع كثر الجماع
بس صاجه يعور اول شي بعدين عادي ألم تقدرين اتحملينه
بس الظاهر حيل مخيطتج روحي للدكتوره وان شاء الله في حل اتوسع الخياط
انتي منو مخيطتج ليكون معصومه مخصيد ؟؟
الله يوفقج وييسر اموورج بس أمانه حبيبتي بطلبج طلب ادعيلي بالعمره معاج
لأنه محتاجه للدعاء ان الله يشافيني لأني اعالج بره وارد لديرتي متشافيه أمانه لا تنسين
والله يجزاج ألف خير
حاسه فيج رفيجتي نفس وضعج تمت 6 شهور عذاب بعذاب
وفوق هذا كرهة الشغله وريلها كره الشغله لانه صارت نرفزه بنرفزه
والم وبجي وصراخ وبالنهايه ماتتم العمليه بنجاح ابدا
لين ربي هداها وردت لدكتورها وقالتله مالي شغلي ابي ارد مثل قبل
والحمدلله دخلت عمليات بسيطه بيوم وسلك الامور والحين الحمدلله تقول وايد وايد الاوضع احسن
وكل مااحد فتح سالفة التجميل تنصحه وتقوله قصتها
معني يايبه عيال واكثر من اثنين مستحيل افكر اسوي تجميل كافي خياط الولاده
بعد فوقه تجميل لا صعبه حيل
الله يهون عليج حبيبتي
|
المشاركة الأصلية كتبت بواسطة قلبي القرآن
 غريبه والله ليش جذي الله يعينج
انا مخيطه تجميلي بس الصراحه حلو بس اول شهر ضيج بعدين يتوسع مع كثر الجماع بس صاجه يعور اول شي بعدين عادي ألم تقدرين اتحملينه بس الظاهر حيل مخيطتج روحي للدكتوره وان شاء الله في حل اتوسع الخياط انتي منو مخيطتج ليكون معصومه مخصيد ؟؟ الله يوفقج وييسر اموورج بس أمانه حبيبتي بطلبج طلب ادعيلي بالعمره معاج لأنه محتاجه للدعاء ان الله يشافيني لأني اعالج بره وارد لديرتي متشافيه أمانه لا تنسين والله يجزاج ألف خير |
بأذن الله راح الدعيلج ربي يشافيج و كل المسلمين و ترجعين ديرتج متعافية يا رب
راجعي الدكتور يعمل لكي توسعه للمهبل وفتح جزء من الخياط
فوفو
|
المشاركة الأصلية كتبت بواسطة zajil
حبيبتي بيور
حاسه فيج رفيجتي نفس وضعج تمت 6 شهور عذاب بعذاب وفوق هذا كرهة الشغله وريلها كره الشغله لانه صارت نرفزه بنرفزه والم وبجي وصراخ وبالنهايه ماتتم العمليه بنجاح ابدا لين ربي هداها وردت لدكتورها وقالتله مالي شغلي ابي ارد مثل قبل والحمدلله دخلت عمليات بسيطه بيوم وسلك الامور والحين الحمدلله تقول وايد وايد الاوضع احسن وكل مااحد فتح سالفة التجميل تنصحه وتقوله قصتها معني يايبه عيال واكثر من اثنين مستحيل افكر اسوي تجميل كافي خياط الولاده بعد فوقه تجميل لا صعبه حيل الله يهون عليج حبيبتي |
خوش كلام
ان شاءالله بروح حق دكتورتي و الله يكتب اللي فيه الخير
انا سويت تجميلي بس ماحسيت او مامريت بلي قلته ؟؟؟
بنات منو تعرف تشرح التجميلي بالضبط؟؟؟
صار قياس المكان صبعين فقط!!
راجعي دكتورة احسن و تشوفلج حل
ماسمحت احد اشتكى الكل يمدح
راجعي الدكتورة ولا تنطرين اكثر
عالجي الوضع بسرعة