يا كويتيات اللي جربت او عندها معرفه بالعمليه القيصريه ضروري تدخل

السلام عليكم

بسالكم يا بنات منو جربت العمليه القصريه ؟
انا اختي توها والده قيصري وصار لها الحين تقريبا اسبوع وللمره ثانيه بسبت اجسام مضاده وضغط وحاسه الحين وعوار الدوره والم بالظهر اقوى من الايام الاولى وقاعده تاكل بونستاين علشان يخفف العوار فهل هذا طبيعي ؟
ومتى تجيب الرداده بعد اسبوعين ولا أكثر ؟واذا تعرفون وحده زينه عفيه كتبولي هنيه
وشنو ادويه الانفاس والاكل ؟؟
ابي شرح مفصل ماعليكم امر

وفي سؤال بعد بس نسيته لا تذكرت اكتبه

حمدالله على سلامتها اول شي و نصيحة يا اختي استشيري دكتور احسن

السلام عليكم
اول شي الحمدالله على سلامة اختج
ثاني شي العوار راح يخف بعد عشر ايام بالضبط يعني راح تقدر تقوم وتقعد وتقلب بالسرير على كيفها باذن الله وبالنسبة لأدوية النفاس آنا مابلشت إلا بعد 20 يوم وكنت اشرب شاي بس ولازم تستمر على الكريمات الي معطتة الدكتورة الي ينحطون على الجرح لمدة شهر وبشكل يومي علشان مايلتهب الجرح ولازم ماتشيل شي ثقيل نهائيا ولازم ماتاكل ولاتشرب الشغلات الي تسبب غازات لانها راح تتأذى اذا صار غازات بالبطن والمرددة أنا ماجبت لإلا بعد 3شهور لأن دكتورتي ناهدة العلي قالت ديربالج اتفكرين تسوين الترديد إلا بعد فترة طويلة ومايكون ترديد قاسي وفي مرددة اسمها ام ناصر خوش وحدة بس ماعندي رقمها مضيعتة وهذا الي اذكرة لأن ولادتي بالقيصرية كانت قبل ثلاث سنوات ونص وراها حملت عادي وتوني والدة من شهرين ونص طبيعي والحمدلله وسلامتها وماتشوف شر

اقيصريه اول الايام تذبح
بس مايحتاي رداده
تأكدو لايصير لها شي
اصلا اي رياضه ممنوعه بعد 6 اسابيع

الله يسلمج اختي اهي ما طلعت من المستشفى الا خامس يوم تقول يمكن من المسكنات اللي يعطونها ما كانت تحس فيه مثل الحين ومشكوره على الرد

عاد اهيا ثانيه قيصريه لها الله يعينها والرداده راح تاجلها ومشكوره عالرد

الشر ما يجيج ومشكووووووره الله يوفقج دنيا واخر يا رب

الله يعينها

بنات واذا العوار بالخواصر والم بالبطن و الظهر مو جرح العمليه وسئلت وحده قالت يمكن هوا داخلج شنو تسوي ؟

هلا والله
البونستاين ؟ قصدج بونستان ؟

اذا بونستان ماينفع
مايسكن الألم الجروح
الا في ادويه ثانيه
انا اعرف اساميهم بس ماقدر قولج
لان لازم بأستشارة الطبيب
وفي جل مخدر وكريم
يعطونها اياه لازم
علشان يلتأم الجرح ومايلتهب
وبنفس الوقت
عند تنظيف الجرح
لازم يسون هالشي

ولالالاتفكر تجيب ردااده نهائياااا
لان راح يفتح الجرح
ويشد من داخل
ولازم تسأل دكتورتها او دكتورها
ويعطونها مسكن

ولاتنسين ان الادويه ممكن تأثر على الرضاعه
والله يسهل امر جرحها

والحمدالله على سلامتها
ومبروك ماجاكم

الحمدلله على سلامة أختج

آنا أمس حطيت ردي بس مادري وين اختفى ،

المهم
آنا بجرية وتوني والدة قيصرية قبل عشرين يوم وكل العوار إللي تقولين عنه حسيت فيه ، شي مو طبيعي لاحركه بسهوله ولانوم ولا تقلب بالفراش بس ألحين الحمدلله كل شي خف بعد تقريبا عشر أيام ،
كانو بالمستشفى يعطوني مسكن خمس أيام بعدين وقفوه وطلعت بعد ست أيام
وبالنسبه للأدويه مالت النفاس طبعا غير عن إللي والده طبيعي لأن المفروض ماآخذ أي شي فيه فلفل ، المهم رديت البيت وصارت أمي تسويلي عصيده كل يوم من غير فلفل ، ومع الغدا آخذ لهوم (أيضا من غير فلفل) ومع القهوه أحط دوا عشان الهوا ،
والمشي مهم مهم مهم ، لازم أمشي كل يوم بالصاله ربع ساعه وأكثر من مره باليوم عشان هذا يساعد إن الهوا يطلع .

وصج نسيت أقولج إني خذيت رقم الرداده أم ناصر ودقيت عليها وسألتها إني والده قيصريه هل ينفعني الترديد ومتى أسويه ؟
وقالتلي الطبيعي أرددها أول أسبوع إذا تبي بس القيصريه أنطر عليها بعد أسبوعين ، وفعلا طلبتها وجاتني بعد 18 يوم ورددتني (بس ماطولت ثلث ساعه بس) وخذت 25دينار (جنها غاليه شوي)
المهم بعدها حسيت إن عظامي مفججه وأبي أنااااام
وقالتلي لازم تمشين على طول ، وغلمتني تمرين أسويه كل يوم عشان يساعد إن الرحم يرجع مكانه الطبيعي ، وطبعا يقل انتفاخ البطن

اول شي الحمدلله على سلامتها بالنسبه للقيصريه انا جربتها تذبح كنت ابجي طول الليل من العوار ويمكن بعد 10 ايام يبتدي يخف شوي العوار والصراحه انا ماكليت اكل نفاس بالقيصريه لان الكل كان يقول مامنه فايده حق العمليه يعني والله العالم والرداده مايبتها الا لما خلصت الاربعين لان كانت تعورني العمليه

حمدالله علي سلامتها
أنا حبيبتي مجربه القيصريه مرتين الالم اللي تحس فيه طبيعي أهم شي تتأكد من الدكتورانهم نظفوها عدل مدل لان اعرف ناس بعد الاربعين يتعبون والسبب فيه بقايا …………………….. بالنسبه للإجراءات اللي تتبعها <<< صارت دكتوره الاخت
1 لا تأكل فلفل وسوالف علي الأقل اول عشر أيام
2 بعد ماتشيل الغرز نصيحه اخويه اول ماترجع البيت قطنه وعسل تمسح خفيف خفيف ركزي علي الخياط سبحان الله يلتئم بسرعه
3 عليها بالمره تشربها عشان العطورات
4 الردادة بعد 20 يوم أفضل
5 لاتنسي تسوي تمارين خفيفه للبطن يعني تقبض العضلات وتعد مثلا اول يوم الي 20 واليوم الثاني تزيد وهكذا

وتطلع من الشر ان شاالله وتصير أحلي عروس
اتمني اني اكون أفدتج باللي أقدر عليه

7mdellah 3ala salmathaa
enzen ana b3d 3nde so2al
ana 9alree tgreban one month o n9 waldh b3d qy9aryah !!
bss b6ny bntfkh wayd ! shaswyy shloon trooo7 el krsh !!!!!! ana wayd th3efa bs 6l3 lee b6n :/ fedony plz