يا خواتي يا صالحات يا تقيات تعالو علموني صلاة قيام الليل

شفتي رب العالمين اشلون مدح قائم الليل .. قال نعم العبد أنه أواب .. تخيلي احد يقولج من البشر والنعم بفلانة شنو ردة فعلج .. ولله المثل الأعلى ربج يمدحج ويقولج نعم العبد ..
يلا شدي الهمة ..

يلا نبدي ..

قيام الليل ابتديها على راحتج من بعد العشاء الى قبل الفجر .. اذا كنتي تعبانه وبتنامين امبجر وحاسه ماراح تقومين قبل الفجر صلي قبل النوم واذا انتي من النوع اللي يقوم قبل الفجر خليها بهالوقت بساعة أو نص ساعة قبل الفجر لان هالوقت يكون رب العالمين ينزل للسماء الدنيا نزول يليق بجلالته سبحانه وهو وقت الثلث الأخير فيقول هل من داعي فأستجيب له هل من مستغفر فأغفر له .. عاد هاذي فرصتج .. الثلث الأخير الحين عندنا بالكويت يبدي من الساعة 1 الى ما قبل أذان الفجر

سبحان الله اللي يقومون الليل اتلاقين في وجهم نور غير عن باقي الناس لان اختلوا مع ربهم في ظلمة الليل فأكساهم الله من نوره ..

طريقة صلاة الليل :

صلي ركعتين وما فوق .. مثنى مثنى .. إذا انتي بأول الطريق انصحج اتصلين ركعتين فقط عشان ما تملين بسرعه وكل ما حبيتي قيام الليل من نفسج راح تزيدين فيه لانج شعرتي بلذة العبادة ..

اولا قومي توضي وابتدي صلي ركعتين الفاتحة أولا ثم آيات من القرآن طويلة كيفج 4 صفحات أو أقل أو أكثر على راحتج وحطي في بالج إذا قريتي في كل ليلة 100 آية تصبحين من القانتات ويا حظج إذا نلتي هالمرتبة ..
وإذا خلصتي اركعي وطولي الركوع اشوي ومجدي الله فيه واثني عليه سبحانه وبعدها اسجدي وقولي كل اللي بخاطرج لله فرغي قلبج واطلبي من الله حاجاتج واطلبي المغفرة وان الله يثبتج ويزيدج بالطاعة ويحبب قلبج فيها .. لاحظي الركوع لله والسجود لج بالدعاء وبعدها الركعة الثانية الفاتحة وكملي اقري آيات طويلة اقصر من الركعة الأولى يعني اذا الركعة الأولى 4 صفحات الركعة الثانية 3 وانتي على راحتج وبالركوع كبري الله واحمديه واثني عليه وبالسجود ادعي باللي تبين وقبل السلام اي بعد التشهد ادعي واستغفري وبعدها سلمي .. وقليل دائم خير من كثير منقطع .. يعني لا تثقلين نفسج بقيام الليل حيل عشان ما تقطعينها لا خليج خفيفة واستمري يوميا وراح تحبينها واليوم اللي ما صليتي قيام ليل راح تتضايقين لانج تعودتي عليها ..
بعدها عاد صلي الشفع والوتر ..

الشفع ركعتين قصيرات يفضل في الركعة الأولى بعد الفاتحة سورة الأعلى وفي الركعة الثانية بعد الفاتحة سورة الكافرون وسلمي .. اذا مو حافظتهم اقري أي آيات قصيرة ..
نجي للوتر صلي ركعة وحدة بعد الفاتحة اقري الاخلاص ( قل هو الله أحد .. ) وبعدها اركعي وبعد الركوع اعتدلي و قولي سمع الله لمن حمده ادعي وانتي افعة ايدج وعينج بموضع السجود مو ترفعين عيونج لانج لحد الحين بالصلاة ادعي باللي تبينه من حاجات واطلبي المغفرة وصلي عالرسول صلى الله عليه وسلم وبعدها اسجدي على طول والتشهد والسلام وبس ..
اذا باجي وقت على أذان الفجر استغفري واقري قرآن وادعي .. ويا حظج ويا هينج في وقت الثلث الأخير قاعدة تستغفرين .. والمستغفرين بالأسحار .. وقرآن الفجر إنه كان مشهودا .. الملائكة تحفج بوقت السحر وتسمعج وانتي تقرين القرآن .. الملائكة تشهد حضورج في هالوقت ..

اي شي مو عارفته او تبين تفصيل بلغيني يا قلبي .. والله يعينج على الطاعة يارب

شفتي رب العالمين اشلون مدح قائم الليل .. قال نعم العبد أنه أواب .. تخيلي احد يقولج من البشر والنعم بفلانة شنو ردة فعلج .. ولله المثل الأعلى ربج يمدحج ويقولج نعم العبد ..
يلا شدي الهمة ..

يلا نبدي ..

قيام الليل ابتديها على راحتج من بعد العشاء الى قبل الفجر .. اذا كنتي تعبانه وبتنامين امبجر وحاسه ماراح تقومين قبل الفجر صلي قبل النوم واذا انتي من النوع اللي يقوم قبل الفجر خليها بهالوقت بساعة أو نص ساعة قبل الفجر لان هالوقت يكون رب العالمين ينزل للسماء الدنيا نزول يليق بجلالته سبحانه وهو وقت الثلث الأخير فيقول هل من داعي فأستجيب له هل من مستغفر فأغفر له .. عاد هاذي فرصتج .. الثلث الأخير الحين عندنا بالكويت يبدي من الساعة 1 الى ما قبل أذان الفجر

سبحان الله اللي يقومون الليل اتلاقين في وجهم نور غير عن باقي الناس لان اختلوا مع ربهم في ظلمة الليل فأكساهم الله من نوره ..

طريقة صلاة الليل :

صلي ركعتين وما فوق .. مثنى مثنى .. إذا انتي بأول الطريق انصحج اتصلين ركعتين فقط عشان ما تملين بسرعه وكل ما حبيتي قيام الليل من نفسج راح تزيدين فيه لانج شعرتي بلذة العبادة ..

اولا قومي توضي وابتدي صلي ركعتين الفاتحة أولا ثم آيات من القرآن طويلة كيفج 4 صفحات أو أقل أو أكثر على راحتج وحطي في بالج إذا قريتي في كل ليلة 100 آية تصبحين من القانتات ويا حظج إذا نلتي هالمرتبة ..
وإذا خلصتي اركعي وطولي الركوع اشوي ومجدي الله فيه واثني عليه سبحانه وبعدها اسجدي وقولي كل اللي بخاطرج لله فرغي قلبج واطلبي من الله حاجاتج واطلبي المغفرة وان الله يثبتج ويزيدج بالطاعة ويحبب قلبج فيها .. لاحظي الركوع لله والسجود لج بالدعاء وبعدها الركعة الثانية الفاتحة وكملي اقري آيات طويلة اقصر من الركعة الأولى يعني اذا الركعة الأولى 4 صفحات الركعة الثانية 3 وانتي على راحتج وبالركوع كبري الله واحمديه واثني عليه وبالسجود ادعي باللي تبين وقبل السلام اي بعد التشهد ادعي واستغفري وبعدها سلمي .. وقليل دائم خير من كثير منقطع .. يعني لا تثقلين نفسج بقيام الليل حيل عشان ما تقطعينها لا خليج خفيفة واستمري يوميا وراح تحبينها واليوم اللي ما صليتي قيام ليل راح تتضايقين لانج تعودتي عليها ..
بعدها عاد صلي الشفع والوتر ..

الشفع ركعتين قصيرات يفضل في الركعة الأولى بعد الفاتحة سورة الأعلى وفي الركعة الثانية بعد الفاتحة سورة الكافرون وسلمي .. اذا مو حافظتهم اقري أي آيات قصيرة ..
نجي للوتر صلي ركعة وحدة بعد الفاتحة اقري الاخلاص ( قل هو الله أحد .. ) وبعدها اركعي وبعد الركوع اعتدلي و قولي سمع الله لمن حمده ادعي وانتي افعة ايدج وعينج بموضع السجود مو ترفعين عيونج لانج لحد الحين بالصلاة ادعي باللي تبينه من حاجات واطلبي المغفرة وصلي عالرسول صلى الله عليه وسلم وبعدها اسجدي على طول والتشهد والسلام وبس ..
اذا باجي وقت على أذان الفجر استغفري واقري قرآن وادعي .. ويا حظج ويا هينج في وقت الثلث الأخير قاعدة تستغفرين .. والمستغفرين بالأسحار .. وقرآن الفجر إنه كان مشهودا .. الملائكة تحفج بوقت السحر وتسمعج وانتي تقرين القرآن .. الملائكة تشهد حضورج في هالوقت ..

اي شي مو عارفته او تبين تفصيل بلغيني يا قلبي .. والله يعينج على الطاعة يارب

جزاج الله خير وبارك الله فيج

.

الله يثبتج ياوخيتي ويهديج ..~