يا خسـاره . راحت فلووسي على الفاضي سويت العمليه بخشمي للمره الثانيه وهذي النتيجه!!

مرحبـــآ بنــآات شلوونكم ..

بنات انا من قبل منزله موضوع بخصوص عمليتي الي سواها الدكتور الحرامي عبدالمحسن جعفر ..

رحت عنده بشهر 6 الي طاف .. وقالي لازم عمليه .. ونزلت موضوع استشيركم ..

وهذا الموضوع
https://www.q8yat.com/t885586.html

في بنات جزاهم الله خير نصحوني وقالو لي لاتخلينه يشيل الغضاريف كلهااا لانه راح يفرش الخشم ..

وفي بعضهم قالي لاتسوين عنده .. بس للاسف ماسمعت كلامهم

المهم .. قلت له ماابيك تشيلهم .. قالي خلاص راح اكوي الغضاريف وعشان تتنفسين عدل ..

وقلت له يا دكتور خشمي للحينه منحرف ماعدلته بعمليتي الاولى قالي ايي انا قلت لج لازم عمليتين لان ما اقدر اعدله مره وحده عشان خشمج ما يخرب ..؟؟؟

بنات بذمتك هذا حجي ؟؟

المهم انا الخبله سمعت كلامه وكلامه مثل السحر يقنعج بآنه فاهم وانه افضل دكتور بس شاطر يورينا هالصور الي مسوي خشومهم يعني انا فنان .. انت طل بوجهك ماتعرف شي ..

وقلت له يادكتور ابيك تصغر الارنبه .. وقالي اوكي وخلاني اكتب على ملفي اني راح اخليه يصغر الارنبه ويعدل الانحراف والتنفس .. وخلاني اوقع …

وتوكلت على الله وسويت العمليه بتاريخ 10 -7 يوم الاحد ..

المهم ..

بنفس اليوم حسيت انه ماصغر الارنبه كنت ارفع خشمي فوق ولاحظت انه ماكو تغيير ..!!

انصدمت وبلعت العافيه .. قلت خل انطر شووي ..

راجعت له من ثالث يوم العمليه .. لان ثاني يوم مارحت له كنت تعبانه ودقيت ع العياده ع سكرتيره المصري الخايس وقلت له قالي مو مشكله تعالي باجر ..

لما رحت عند الدكتور شال القطن الي بخشمي .. وقلت له دكتور انت سويت كل الي ابيه وقالي ايي مضبوط خشمج ..

صار اسبووع وجم يووم .. وقط الجيره .. وانصدمت نفس الارنبه ؟؟

قلت دكتور انت عدلت الارنبه قالي ايي صغرتها لج بس الحين مو واضح لان توج مسويه العمليه نطري شهر ..

جان اقوله دكتور عفواا بس الارنبه لينه مو يابسه وقويه مثل عمليتي الاولى لما سويتها ؟؟

احس ماسويت شي ؟؟

جان يقولي لا شفيج انا سويتهاا بس نطري عليه انتي ؟؟

وقلت التنفس اوكي ؟؟ والانحراف عدلته قالي اييييي كل شي اوكي ..

وقالي التنفس كل ماله راح يصير احسن واحسن ..

قلت الحمدلله ..

المهم مروو ايام واسابيع .. التنفس اوكي .. بس الانحراف واضح انصدمت قلت هذا ما عدله ليي ليش ؟؟

والله يا بنات قمت ابجي قلت ليش حظي عوووي ؟؟؟؟

وجاء الرمضان ع خير .. وصار تنفسي خرطيييييييييييييييييييي

يعني تيته تيته مثل مارحتي جيتي ..!!!

يعني ردت حالتي الاولى مثل ما كانت …!!

يعني ما استفدت شي من العمليييييييييييييييييه ..!!!

ماصبرت قلت خل اروح المستشفى حوادث الانف والحنجره ..

والله يا بنااات اول مادخلت على الدكتور .. وعلى فكره الدكتور هندي ..

قالي شنو مشكله .. قلت دكتور انا ما اتنفس عدل ..

قالي اي جهه .. قلت جهه اليسار ..

بطل الليت ..وقرب من عند صوب خشمي ورفعه من عند الارنبه ..

جان شيقولي ؟؟؟

قالي معاج انحراااف واضح .. عشان جذي ما تتنفسين عدل .. قالي لازم عمليه ؟؟

قلت دكتور انا مسويه عمليه ؟؟؟

قالي متى سويتي .. قلت من شهر 7 ؟؟

قالي اصلا جنج ما سويتي شي لان الانحراف واضح حييييل …

قالي لازم تحويل عياده خارجيه ويشوفج دكتور ..

قالي التحويل تاخذينه من المستوصف .. ليش العباله ماادري..!!

المهم يا بناات ..

انا الحين دافعه حق العمليه 1450 دينااااااااااااااار .. يعني طيرتهم على الفاضي ما استفدت شييييييييي ؟؟؟

بنااات انا مقهوره والله مو عارفه شسووي.. آدري اختياري غلط بس ليش قص علي وقالي كل شي راح يكون مضبوط ومثل ما تبينه ؟؟؟

ليش عشمني على جذب ؟؟؟؟

الحيييين انااا ما استفدت شي ؟؟؟

عمليتين على الفاضي ؟؟؟ لا تجميل مسنعه ولاا تنفس معدله والانحراااف واضح ؟؟

بفهم اهو شسووو حق خشمي .؟؟؟؟؟؟

حتى الدكتور قالي ما نقدر نسويلج اشاعه الا بعد 6 شهور . .لانج توج مسويه عمليه لازم يطوف عليها 6 شهور ..

بنات انا خلاص بروح عند عبدالمحسن وباخذ منه فلوسي ..

واذا ما رضى والله بشتكي عليه .. وبفضحه بالنت ..

وانا ان شاءالله بنزل صور خشمي وبوريكم .. عشان تصدقوني .. وانا والله العظيم صادقه معاكم بكل كلمه وبكل حرف والله الشاهد علييييييييييييييييييييييييي ..

وباجر على خير بروح عنده ..

وبقوله انا موقعه على ان تصغر الارنبه وتعدل التنفس والانحراف وهذا دليل وانت ماسويت شي .؟؟؟

بنات انا تعبااااااااااااااانه شسوووي

وااااى شكثر ناس تذمه

حسبى الله عليه
وحسبى الله عليه

انا قلتلج ونصحتج وشفتي الحين اشصاااااار والله حرااااام يفتح عيااااااااااده

أي والله حسبي الله عليه .. عساه ما يتوووفق .. صج لعب على خشمي وقص علييييييييي الحقيرررر

نرجس ياريت سمعت كلاااااااااااااااااااااامج .. بس قوليلي بالذمه وين اروح ؟؟

آكوو دكتور بالكويت سنع ..؟؟؟

والله قهر وفوق هذا غاليييييييييين ؟؟ على شنو غاليين ؟؟ على خرااب خشووم ؟؟؟

ليش دكاترة ايراان شاطرين ويمدحونهم ؟؟ ليش وفوق هذاا سعرهم زيين معقول ..

مو اهني بالكويت فوق الالفين .؟

الحييييييييين شسووي نصحووني

الايرانيين متمرسين ماره عليهم اشكثر اخشوم وبانواعهااا وشطار واغلبهم دارسين بروسيااا وامريكااا ويشتغلون بضمير مو احنا بس دعايه على الطل لاااااا لااااااااااا اتفكرين بدكاتره الكويت خليج صوب دكاتره ايران كافي اوبرا اشهدت على انا ايران اكثر دوله اتسوي عمليات اخشوم

حسبى الله عليه

نرجس المشكله مااقدر اروح لايران .. معنى والله ودييييييييييي اروح لايران واسووويهااااااااا ..

شفت موضوعج خاطرج بدكتور بزهرااد .. اهو دكتور تخصص انف وحنجره ..؟

وحسبي الله عليك يا عبدالمحسسسسسسسسسن ..

.~

الله لا يوفقه

الله كريم وتلقين اللي يعدله لك

..~

حسبي الله على كل ظالم

اي متخصص وودي البنات يساعدوني انا كلمت رفيجتي وقالت لاااااااااازم كذا بنت تدق واتبلغ المستشفى الي انتو تختارونه يجي فيه واطرشون ايميلات تطلبون زياره له بالكويت يعني نفس الدكاتره الزائرين الي يجونا فعجبتني الفكره ويااريت البنات يساعدوني ويطرشون ايميلات حق المستشفى وحده اتقول مستشفى السيف غالي عشان جذيه لااااااااازم انقرر اي مستشفى نختار وانطرش لهم رسايل انقوللهم نبي دكتور بهزاد دكتور زائر

انا اتذكرج وايد بنات نصحوج بس كنتي مصرة عليه بس حمدي ربج ان مو مخرب خشمج زين ان ما سوا شي و الله لو مخربه جان شيعدله الحين انا من رايي استشيري اكثر من دكتور بس بعرف اهو شسوا بالعملية الاولى و شسوا بالثانية شكله بس مخدرج و حطلج الجبس و بس

حبيبتي

روحي حق دكتورين و ثلاثه و اربع

لاتتسرعين

اخذي اكثر من راي
ولو انا منج اسوي المستحيل علشان اروح ايران و اسوي العمليه هناك
اغلبهم شطار و متمرسين
و عندهم دكاتره متخصصين بالتشوهات و العمليات الفاشله يصلحونها

اسمحوا لي دكاترة الكويت كلهم جزارين

موفقه

اي والله حسبي الله عليييييييييييييك يا ظالم يا نصاب يا جزااااار …

والله كريم ..ويارب يعوضني خير ان شاءالله ..

نرجس بخصوص مستشفى السيف ترا صج غالييين .. ليش ما تشوفين مستشفى دار الشفا آرخص .. او المواساه ؟

بس اخاف اذا جو الكويت يرفعون السعر ؟؟ فوق الالفين ..؟

ريسااااااان لوووووووووووول ماادري ليش ضحكت لما قلتي اهو شسوو بعمليه الاولى وعمليه الثانيه ..!

لان فعلا كلامج صح شكله بس خدرني وحط لي الجبس .. على بنو اني سويت عمليه ..؟؟

الله ياخذه ..

عمليتي الاولى كانت السبب الاول الانحراااااف والغضروف كبير .. وقالي راح اسويلج تجميل واعدل الانحراااف ..

بس خرطي ماسوو شي .. الغضروف مثل ما اهو والانحراف مثل ما آهوو ..؟

وبعدهااا صار التنفس خرطي ..

رحت عنده وقالي اي انا قلت لج لازم عمليتين وقالي راح اصغر الارنبه لج وكل شي يكون اوكي ..!!

بس والله جذاااااااااااب ما سواا شي .. ياربي شسوووي الحيييييييييين ..؟؟ يعني الفلوووس راحت على طل وفوق هذا تخدرت وتعبت من العمليه على فااضي ؟؟؟

باجر اذا مبطلين بروح عنده وبلعن خيررررره وبقولكم شيصير معاي ..

رفيجتي مسويه عنده صارت جنها اصاله خشمها وايد مرفوع مثل خشم اصاله

انصحج ب د بشار بسوريا عمليته ما تتجاوز 200 دينار مع المستشفى و مع التحاليل و الادويه

بس روحي 3 ايام و الجبس شيليه بعد اسبوع بالكويت

واحد من اهلي خربوا خشمه ب ايران و سواه اكثر من مره

د بشار عدل له الخراب كثر ما يقدر و صار شكل خشمه احسن