يا حسرتي بدرس صبيان

مراحب كويتيات …
بما أن المدارس على الأبواب والأحزان في الوجدان حبيتكم تواسوني بمصيبتي
اللي إهيه بدرس صبيان ابتدائي

فاللي عندها خبره بليز بتدريس الصبيان لا تبخل على بتجربتها وأكون لها ممنونه لحقوا بسرعه بالرد قبل لا أصير مينونه من التدريس

مون …

تدريس الصبيان فيه شغلة حلوة …يقولون التوجيه يراعوووونج وااايد ويقدرون الابلات اللي يدرسون صبيان …عشان يتمون وما ينتقلون ..

باجي الامور يفيدونج فيها البنات ان شاالله

الشي الحلو بتدريس الصبيان انهم يلقطون المعلومة بسرعه حتى لو اهو يلعب تلقينه معاج اونلاين ، و هم من المميزات مثل ما قالت اوركيد التوجيه يراعيج و حتى اولياء الامور شوي اهون من البنات دلع في دلع ..

و الصبيان بطبعهم يحبون يتحملون المسؤولية يعني لو عطيتي كل طالب شغله يسويها تقدرين بهالطريقة تسيطرين على الوضع بسهولة ..

الله يوفقج و يعينج

شدعوه مون مصيبه بالعكس والله وناسه ترى عيال الكويت شقرديه عامليهم باحترام يحطج على راسه خبره 5 سنوات بنين

اوركيد بس هم الابلات قاعدين ينتقلون للبنات حتى لو التوجيه على كلامج يراعيهم انا مدرستي لو بعدد لج الي انتقلوا ما خلص وحتى المصريات والوافدات كاتبين نقل وحالتهم هالايام محاتاه ينطرون النقل وسمعت ان في مدرسات تكنسل نقلهم او انقلوا مدرسة صبيان ثانية تخيلي ؟؟؟؟ يعني التوجيه ما يخاف ان المدرسة تنتقل للبنات لان في ناس ماعندها واسطة بتقعد ولان في تعينات يديدة كلها تنحذف لذكور
ثاني شغلة احنا شنبي بالتقديرات لو هو جيد معاشج ماشي ماشي لكن السؤال اهو : وين راحت القلب؟
سوري انا وحدة انطر احد ينقزني عشان اشوف انا الصح والا المدرسات ؟؟؟

عالعموم اهي قدرات واذا انتي يا (مون 14) حابة التدريس بس كارهة الصبيان ابد ماعليج خلاف ولا تحاتين اصلا شكثر مدرسات عندنا ما يبون بنات وحدة تقول جربت البنات ماكو فرق بس دلع وبجي وباجر تييج وليه الامر ،،، والابلات يقولون انهم تعودوا عالصبيان ولا يفكرون يروحون مدرسة بنات

لكن المشكلة اذا وحدة ما تحب التدريس شلون بتحبة ؟؟؟؟؟؟وحدة مثلي طبعي ماحب المسؤليه ولا احب التعب البدني الي اصرخ وشمس وحر ولويه عطوني تعب اداري من بداية الدوتم ميخاالف عالاقل تكييف واوراق انا حتى اذا عطوني مربيه فصل واقعد اجمع الدرجات واحط الاوراق بفايلات الطلبة وجذي عادي عندي وجنة العيد ………………..الله كريم ادري دخلت بمواضيع وايد سامحيني مون وبدال لا ارفع معنوياتج حبطتج بس صدقيني اذا تحبين التدريس لا تحااااااااااااااااااتين

احم احم .. معاكم نصيرة تدريس البنين .. هههههههه

شوفو يباااا ..

كلام خواتي المؤيدات لتدريس البنين كافي ووافي ..
بس احب اضيف ان الاساس باختيار المدرسه مو بنات و لا صبيان ..
الاساس اهو الاداره و رئيسة القسم ..
اذا انتي مرتاحه معاهم … فكل شي يهون ..
شنو فايدة تدريس البنات اذا الناظره تلعلع و ما تحترم ابلاتها
شفايدة البنات اذا المشرفه لعينه و حاطه على الابلات و ذابحتهم بالشغل؟؟

وبعدين اللي قدمو على تحويل للبنات و راحو .. منو قالكم انهم ما تحسفو ؟؟
انا اعرف وايد و سمعت عن وايد تحسفو وودهم يردون ..
صحيح في ابلات ارتاحو على البنات … بس بالمقابل في ابلات تحسفو وايد وودهم يردون ..

من الشغلات اللي تخلي الابله تتحسف .. انها مو متعوده على دلع البنات .. ولا تعتقدون ان دلع البنات شي سهل .. ترا مصيبه .. اعرف ابلات يقولون نحس اننا مخنوقين .. لا نقدر نتحجى .. و لا نعلي صوتنا .. الا و الاهل يايين
ثاني يوم يشتكون … مرت يشتكون ليش الابله ما تبتسم بويه البنت ..
فراغه يعني ..

الزبده ان اختيار الاداره اهم من نوع الطلبه اذا بنات او بنين

الله يوفقكم و يحببكم بالتدريس ايا كانوو طلبتكم ..

حبيبتي اشفيج خايفه من الصبيان عااااااااااااااااااادي

بس يبلج حزم وياهم من اول شهر علشان يمشوووون عدل ويعرفون شخصيتج

وصح الي تتعود علي تدريس الصبيان ماتقدر علي تدريس البنات

لان البنات دلع واذا قلتيلها ش يبجيت
لكن الصبي لاء عينه قويييييييه
لوووووووووووووووووووووول

والله يعينج ويعينا انشالله

اب للفايده