السلام عليكم يا بنات موضوعي قد تناقشت مع بعض الأخوات عن هل تقبلين بالطبيب في الولادة وهل تخجلين وهل اذا حضرتي للمستشفى ويبي يشوفج طبيب يعني يبي يشوف كم انفتح الرحم يعني قبل الولادة لأني في ولادتي الأولى كنت تعبانة وجيت للولادة وكان معي اربع نساء منهم التي وصلت للولادة ومنهم بقي عليها شوى المهم كان هناك طبيب مناوب جاء لي وقال ابي اشوف كم سم انفتح الرحم فجأه ادخل اصبعيه وقال اعذريني بس اكشف ونحن نقدر وضعكم صدقوني يا بنات فشلة والله نسيت الألم وقعدت افكر اشلون خليته يكشف وأنا اخبرت ريلي وغضب مني ليش ما منعته وبما أني حامل قلت اطرح هذا الموضوع للنقاش مع البنات
والله اهو بصراحة فشله سواء كان ريال والا مره بس هم الريال يفشل أكثر , بس الوحده شتسوي إذا حزت الحزه ما توفر لها الا دكتور وخصوصا في مستشفيات الحكومة يصير ذاك الوقت ما باليد حيله والله يعينها اللي تنحط بهالموقف . وبالنسبة لي أفضل الحريم وزوجي ما يرضى أراجع عند دكتور كلش بس مره اطريت وسويت سونار عند دكتور بدار الشفا , استسلم للأمر الواقع .
انا بصراحة احس ان مستحيل اخلي دكتور يفحصني دكتورة وياااااااا اللله
و في ناس حرموا بدام ان الحريم متوفرين الا اذا كنتي مضطرة و مافي و لا مرة بعد لا حول و لا قوة اما اذا متوفر فمثل مافي رياييل زينين في بعد حريم احسن دكاترة لان بعض الحريم تقول انا ما اروح حق مرة ريال احسن !!!
اهوة الوضع كله احراااااااااااااااااااج باحراج انا افل المراة طبعا و على ما تخلص فحص انا احس مت و حييت الفف مرة ن الاحراج بس عدل كلام الاخت مرات تظطرين لوظع طارئ بعد شتتسوين ؟؟ الله لا يحطني بهالموقف
أنا أفضل الدكتورة
تحسين براحة و خصوصا لما تشرحين لها وضعج أحس إنها تفهمني أكثر من الدكتور
و أحسن بعد لما يكون عندج مراجعة عند دكتورة بصراحة زوجي ما يدخل معاي
فأشرح مشكلتي براحة و بدون ما أحد يطالعج و بعد المراجعة …يعني شنو هذا؟
ويعني شنو هذاك؟
و خصوصا لما يكون فيج إلتهابات ماتقدرين تاخذين راحتج إذا زوجج مجابلج!!
بس مرات في مستشفيات الحكومة مثلا لما تطلبين دكتورة تولدج … مو هي مرات اللي تخيطج…تنصدمين لما تشوفين هالريال قااااعد و يخيط و طايحله سوالف مع هالممرضات … السالفة هذه صارت لوحدة من جماعتنا
آنا احس مستحيل أخلي دكتور يولدني طبعا أهوة كله فشلة
مع التحية………..
وييييييييييييييييييييه أبيييي ذكرتوني بالذي مضى
ببنتي الثانية ولدت بالولادة الصباح و الله لايوريكم!! طالبة ما يدخل علي دكتور بس والله لما حمى الشغل والطلق زاد ولا احد عبرني!!
اللي يدخل يحط ايده!!! خري مري!! اللي يبي يفحص و اللي يبي يجرب الفحص يدخل!!
والله اني أبجي ماادري من الالم والا الفشيلة!!
عاد عقبها حرمت اولد بالصباح!! الخاص يبا أرحم واستر و أقط فلوسي بالشمس و أقعد بالظلال (الستر)
اانا ما ارضى لو شنو
لو بموووووووت ممكن
طبعا لا
افضل دكتور احسه افهم من المره
قوة يا بنات ابي اقول هذه الحادثة في السعودية حامل راجعت المستشفى وهي في الأشهر الأخيرة حست بعوار وكشفت عليها الطبيبة وقالت لها لا بد أن تنامي في المستشفى لأعطائك العلاج اللازم وفي الغد حضر طبيب وقال لها ابي اكشف عليج فرفضت وقال لها لازم اكشف قالت الطبيبة كشفت علي ثم اتصلت على زوجها وحضر وقال للطبيب ما تكشف عليها ثم أصر الطبيب واخذ الزوج يمنعه وفي الأخير ضرب الطبيب زوج هذه الحامل وقدم الزوج شكوى للمختصين ماذا تفسرون أصرار هذا الطبيب والله أنهم يبون الكشف على عورات النساء ولا اقول أنني قاسية على الأطباء أنما هي الحقيقة وصدقوني القصص في هذا الموضوع كثيرة وما تقولون في الطبيب الذي يصور بالفيديو النساء وهم يولدون وكشفته احدا الأمهات وهي تبي الخروج لبنتها وتفاجأت ببنتها في شاشة التلفزيون وهي تولد والأطباء يضحكون هل نثق بالأطباء وهذه القصص من صحف عربية
انا في ولدي العود ولدت بالمصلخ المركزي(مستشفى الولاده) عشتو كنت ما ابي الا دكتوره ويوم صارت الصجيه كل من فحصني بس الكاتب مال الريسبشن ما فحصني
اخرتها صارت ولادتي مستعصيه ويابو لي استشاري
حسبي انا خذيت وقت شفتين يعني على الاقل 12 سستر و7 دكاتره متدربات وعليج الحساب منو بعد وانا كنت نايمه
يعني اذا 30 نفر شويه
ولدي الثاني رحت دار الشفا قلت لهم ابي دار بروحي محد يدش معاي ودكتوره وحده بس وحافظت على كرامتي
اللهيستر من الباجي
اللهم استرني فوق الارض وتحت الارض ويوم العرض اللهم استر عورتي وعورات المسلمين
اللهم آمين يا رب
أنا وايد أستحرم إن دكتور يشوفني أو يتكشف علي خصوصا إن الحريم إلي يشتغلون بهالمجال وايد….بس في بنات وايد مايرتاحون إلا عند الدكاترة الرجال