|
|
يا بنات تعالو
تلحلحو…. نفضو الغبار عنكم …
المتينه تضعف… والعصله تسمن…..والمليقه تخفف دمها ….والخفيفه تثقل……
شدو الهمه مانبي رياييلنا ينخطفون….ترى الهروب من البيت سببه يرجع لزوجك وحقك بعد!!.gif "Eh S(1)")
اي لاتفجين حلجك ومستغربه …
يالله حبيباتي قومي غيرو الوان واثاث غرفة النوم…دورو الالوان الشرحه "بنفسجي و فستقي…"
كثري من الاستراس …طلعي اعيالك من غرفتك…..
انا اولكم ببدى….
قاعده اسوي رجيم…و مسويه جوله على محلات الاثاث بغير سريري… والصبغه بعد…
منو تنضم معاي؟؟؟؟؟؟؟؟؟؟؟؟؟؟؟؟؟؟؟
ومفكر اغير ديكورات الغرفة لان الاثاث ما اقدر اغيره
وساعات تكون فى شغلات بسيطه وغير مكلفه تغير البيت و العلاقه الزوجيه
اهتمى بنفسج اكثر و اهتمى فى بيتج وحاولى كل مره يكون الشى مرتب وبسيط
ونصيحه لاتكثرين من التغيير .. وغيرى الشغلات الى تحسين زوجج مايبى يغيرها فيج
مثلا شعرج او لونه او طريقه الميك اب الى اهوه يحبها
وانصح بعد تحاولين تغيرين فى ريلج .. تشجعينه يحط عطور وبخور و يلبس لج
وعسى الله يوفقكم يارب وشكرا للموضوع
بس انا اثاثي ما صار له الا جم شهر
والحمدلله ضعيفه
يعني اطلع من هني بكرامتي
لووووول
موفقه
ودي أصبع وقص شعري بس ما ني عارفة اية قصة أقص
لو تعرفون قصات شعر يديدة يعني 2024 لا تبخلوا علي
انا من ناحية الجسم عال العال رشيقة
واالاثاث صعبة اغيرة اغير الاكسسوارات والكفر هذا حدي
واليهال يبلي اطلع بس حرام صغار تو الناس
انا اقولكم اليوم خذيت طقم حمام وشموع …وناويه اجدد الفوط….
وان الله اراد ودي اشتري طقم مواعين بس لشخصين عشان اذا تعشينا بروحنا من غير شر…ونامو ياليهال الله احفظهم….
وناويه احط له اكسسوارات يديده على مكتبه الي بالبيت….
واشرايكم ودي اطرش له ورد بالدوام او ككاو ؟؟؟
انا مره طرشت له واستانس منها…
ورد ولا ككاو؟؟؟؟؟؟؟؟؟؟؟؟
زاد وزني 13 كيلو فجأه وشعري صبغته نااااازله ومن زمااااان ما حطيت مكياج في بيتي
حتى قمصان البيت من زماااان ما جددتهم …. حددددي مهمله
واثاث غرفة نومي صارله تسع سنوات (( غااااااليه متحسفه اغيره ))
بانظم معاج حبيبتي قلبا وقالبا …. الله يكون بعون ريلي على صبره علي هههههههههههه
ساعديني شسوي بعد ؟
ليش اخلي الناس تحسدنا ليش اسوي جذي
ترا العيون ماترحم
ليش اطرش لة ورد اصلا من الذوق والذرابة ان الي يطرش ورد الرجل مو المراة عمرها ماصارت بلغة الزهور الا عندنا احناالخليجيات
لا ماانصح تطرشين ورد
طرشي لة ريوق غريب اوكي بس كاكاو الرياييل مو زود مع الحلو وان كلة كلة قطعة او3 قطع الحريم احنا نحب الحلو
وبعدين احس ليش اخلي بنات الدوام ينتبهون ان هالريال مرغوب فية ويطرشولة ورد او كاكاو ماراح يقولون زوجتة ولو درو زوجتة بيقعدون ينقهرون ويتحرشون فية
لا تفتحون بيبان على روجكم