|
|
هاي بنات ياني قبول باركوا لي في وزارة التربيه ومابي اطوفها علي بس انا الحين حامل بالشهر الثالث وزوجي مايبني اتوظف وانا حامل شلون اوقف توظيفي بعد 9 اشهر واتوظف يصير؟
بالنسبة للتأجيل ماأعتقد يرضوون إلا إذا رفضتي بس راح تطولين وإنتي تنتظريــــن ……. أنا أقوول مادام الحمدلله تعديتي الثلاث شهور من الحمل معناته غدا الشر إن شاء الله أقبليها على ماتكملين أوراقج يبيلج شهر أو شهر ونص وقزريها مرضيات وعرضي على الولاده إن شاء الله … حرام تطوفينهــا أنا إقبلوني وأنا بالثامـن ووافقت وكملت أوراقي وشهر وإلا أنا والدة الحمدلله………
ولاتطوفين الوظيفة
ان شاءالله تقدرين تتاقلمين عليها مع الوقت
ولي ولدتي بتاخذين الاجازه وانتي مرتاحه ونازلج معاشج
روحي وقدمي اوراقج
وسأليهم اذا ما راجعت ,, اشكثر المده علشان تردون اوراقي الديوان ؟
اذا قالولج 3 تشهر لعبيها انتي
سحبي عليهم شهرين وتالي اخذي اوراق الفحص الطبي ونامي عليهم
وبيعطونج اوراق الديوان واهم نامي عليهم وهذا طاف تقريبا شــهر ..
وقوليلهم ابي المباشره بعد اسبوعين مثلا ,,
وبعدها باشري ,, وداومي وتأكدي انه طلع قرار تعيينج ..
وبعدها قزريها مرضيات والطارئات والاستئذانات
وانشالله لي ولدتي لج اجازه غصبن عليهم ..
واذا كنتي تعبانه تقدرين تاخذين اجازه من غير راتب ,,
على الاقل تكونين مستفيده ,,
وانسي انج اتضيعين هالفرصه
قولي لهم انا ابي بداية تعييني بعد ما اولد يمكن يرضون
واذا ما صار داومي لا تطوفين الفرصة
والله يسهل عليج وتولدين بالسلامة يا رب
وان ماصارت احسلج داومي ,, على قولت البنات على ماتخلصين اوراقج وتخلصين مباشرة العمل الا ماباقي
شي على ولادتج اخذيلج معاش كامل شهرين ونص معاش اربع شهور
روحي انشالله بوظفونج
انا اختي اقبلوها بالصحة ودوامها بمستوصف
لما سوت اوراقها وبغت تسوي فحص طبي سألها المسؤوول اللي بالمستوصف انتي حامل بأي شهر لما قالتله بالرابع حط اوراقها بالدرج وقالها عقب ماتولدين تعالي