يامدرسات اشرايكم بموعد الامتحانات بعد العيد مباشرة ؟

مرحبا اخواتي المدرسات / طبعا الكل يعلم بأن الامتحانات بعد العيد مباشرة وهالشي متعب نفسيات البعض منكم وللأسف بأن وزارة التربية المتمثلة بوزيرتها الفاضلة ووكيلة الوزارة ذات الابتسامة الصفراء والتصريحات الخطيرة

لم يراعون شعور المدرسات ولا الطلبة والكل عارف بأن الاهالي مسافرين في هالفترة وغير اللي رايح الحج وهذا كلي امل منكم يامدرساتنا مراعاة شعور الطالبات اثناء تصحيح الامتحانات يعني تقاضوا عن درجة او درجتين وحرام ترسبون الطالبة على درجة ونص وتقبل الله طاعتكم وكل عام وانتم بخير (وعيدكم مبارك)

الصراحة الموعد مو حلو كللللللللللللش

بس شنسوي لازم نمتحمهم

ولازم بعد الطلبة يكونون جدام الأمر الواقع ويدرسون عدل وما يهملون

يالغالية هذا امتحان الإجابة الصحيحة صح والإجابة الخاطئة خطأ

يا أبيض يا أسود

نراعيهم بالشفوي اووووكي ..بس بالإمتحان ذمة وضمير في التصحيح

الله يوفق الجميع ويسهل عليهم

اكيد موحلووووووووووووووووووو
يبون يعطون عطله علشان يطعونها من جبودنا
حاسدينا على هالعشر ايام يبون نحاتي فيها
حرام الناس تبي تستانس خاصه اليهال والطلبه

والله ان الكل مستاء ومتذمر يعني انا بنات اختي وحده بالحادي عشر والثانية بالثاني عشر ونفسياتهم تحطيم مع انهم ياييني يطمنون على حالتي الصحية وانا متواجده حاليا في لندن ادعولي بالشفاء العاجل وارد الكويت عن قريب المهم يوم شفت كل وحده معاها كتابها انصدمت صراحة وماتسوى عليهم هالسفرة الله المستعان وعسى الله يوفق الجميع انشاء الله حسبي الله عليهم من وزارة التربية الناس كلها قاعدة تحسب عليهم محد مستانس يعني ابد ماعندهم ادنى شعور بالمسؤولية وعارفين ان اغلب الكويتتين مسافرين في هالعطلة يعني شصير اذا تأجلت الامتحانات اسبوع واحد ما اقول غير الله يكون بعون المدرسات والمدرسين والطلبة واولياء الامور

مو عآجبني حتى مآيمدينآ نرآجع معآهم آي شـي !!

شنسوى و الله حرام عليهم

اختي قايلة بنعيد اول يوم عقب معسكر مذاكرة حرام عليهم المفروض يخلون الناس تعيد

وينكم يالناظرات ردوا عالموضوع؟

الله المستعان شنسوي
الشفوي نقدر نزيدهم بس بالتحريري صعبه وااااايد

آنآ مو نآظرة

لكن آلنآظرة شنو بِ آيدهآآ ؟؟

هي عبد آلمأمور مآتقدر تسوي شي

مشكلة آن وزآرآت آلكويت كلهآآ مركزية تخيط وتلبسنآ على كيفهآ محد يشآورنآ آبد

اخاف تسوون اعتصام بعد

عسى انشاء الله كل مدرسة تزيد طالباتها بالشفوي ربي يسعدها ويسخرلها عبيده ويسخرلها زوجها ويبارك لها برزقها ويفرج همها وغمها اللهم امين

مو شي موعد الامتحانات كلش

الموعد مو بوقته صراحة الطالبة ما راح تدرس عدل ما فيه تخطيط عدل بهالوزارة وعمرها ما تعدل

والله ما بيدنا شي

واذا على الشفهي احنا نزيد ما ننقص

وبناتكم يحترق قلبنا عليهم اكثر منكم يا امهاتهم …………..بس شنسوي

لو مأجلينة اسسسسبوع بس …~

الله يهديهم