يالمتقاعدات تفكرون ترجعون التدريس !!

السلام عليكم ورحمة الله وبركاته

مثل ماقرينا امس بالجريده عن موضوع ان الوزارة محتاجه 2900 معلم السنه الجايه

فاقترحت الوزارة اعادة تعيين المعلمين المتقاعدين الراغبين بالعودة !!! ويييع في احد يرجع التدريس؟!!

فالسؤال الي يطرح نفسه يالمتقاعده تفكرين ترجعين التدريس مره ثانية ؟؟ وليش ؟؟

مع انى مو متقاعدة بس اتوقع وايد بيرجعون لان عيالهم كبروا وحاسين بفراغ

اي في شكثر مدرسات ردوا وبعضهم كانوا رئيسات اقسام عادي , بس احس انهم كبار ومالهم خلق مو للتدريس لا بالعكس

تدريسهم روعة وخبرة ما لهم خلق للقرارات الجديدة وسوالف المناوبات والاحتياط والشغل البايخ اللي الكل زهقان منه

وانا بالعكس ارحب فيهم واشجع اللي ودها ترجع حياهم الله .

اللي بتنتحر راح ترجع
الا اذا تغيرت الامور وتعدلت هذا شيء ثاني

ساعات يضطر الشخص انه يتقاعد لظروف معينة لكن بعد مدة يتعب نفسيا
من واايد اشيااء
1 اغلبية الصديقات يكونون دوامات معنى جذيه قضاء الفترة الصباحية اما نوم او حووسة بالبيت بروحها
2 الخصم الكبير الي بيصير في الراتب وحدوث فجوة كبيرة في نظام الصرف المعتاد
3 كثرة الاعباء المادية
4 الفراغ الرهيب الي فجأة بتلاقي عمرها فيه مما يزيد من العصبية
عشان جذيه اعتقد نااس واايد بتفكر ترد … لان يا جمااعة لو حققتو بكلمة تقاعد تلاقونها مكونة من مقطعين

متقاعد = مت + قاعد = يعني موت من القعدة مت وانت قاعد

حلوة فكرة ان العيال يكبرون وتتفرغ للتدريس

وكلنا نرحب فيهم كافي خبرتهم صاجه اختي

هههههههههه تركوازية شكلج شايفه ضيم من التدريس

انا اشهد000 انا وغيري شايفين ضيم

اهم انجاز سويته قبل ما اطلع من التدريس00 اني اشتكيت على توجيهنا بموقع المليفي

طلعتي ؟؟ استقاله يعني ؟؟

ماشالله عليج انا كل يوم والثاني افكر اطلع بس الاقساط موهقتني

أسمحو لي اقول رايي وعن تجربه :
انا درسوني دكاتره بالجامعه تقريبا بالثلاثين وبالاربعين وبالخميسن والستين سنه .
اشوف إلي بالثلاثين يفهمون لنا ويدرسونا بضمير ويدرسونا كل شي يديد .
اما الدكاتره إلي بالخميسين والستين مالهم خلق لشي ، واحس يتكلمون بوادي واحنا بوادي ويظنون ان احنا وصلنا لعقلياتهم . وينسون بسرعه . يعني اليوم يقول باجر اختبار وباجر انيي ينسى ان عندنا اختبار .

مادري انا ما اوافق المتقاعدين يردون مره ثانيه حسب رايي الشخصي .يعني لو يبون يردونهم يخلونهم لانهم خبره بس استشاره مو يدرسون الطلاب .

ولا حد يزعل من كلامي .

صاجه الفراااغ متعب

رايج نحترمه اختي بس والله انا شايفه تعيين يديد ونفسها خااايسه عالطالبات مالها خلق موليه

اعتقد النفسيه وروح العطاء يعتمد عالوحده مو على السن

كلامج صح من جذي انا اقول اذا بردون المتقاعدين خلهم يخلونهم استشاره يعني احنا كنا بالبحرين بالمدارس كانو المعلمات الكبار كل يوم يروحون لاي حصه من الحصص فجاه يدشون على المعلمه ويقعدون ورا يقيمون المعلمه وادائها في التدريس .ما دري يسوون جذي بالكويت ولا لا .

وبعد ما تنتهي الحصه كانت تسألنا شلون المدرسه معاكم وتقهمون لها ول الا .

فلو يسوون عندكم جذي احسن علشان مثل ما قلتي المعلمات إلي نفسيتهم خايسه ومالهم خلق ما يخلونهم واييبون معلمات يدد بدالهم .