يالمتزوجات ابي رايكم بختيار الهديه

هلا حبايبي شلونكم ؟ بنات انا ابي اخذ هديه و هي الاتي ( خام دشداشه و غتره + قلم ) السؤال الحين انا ما اعرف بلخامات قولولي شنو الماركات الحلوه اللي اشتري منها خام الدشداشه و الغتره ابي شي راقي و حلو و القلم من وين اخذه ؟ ووين مكان تغليف هدايا شغله حلو ؟ و اذا عندكم الرقم احسن بعد و مشكووورين واااايد

لييييش ما تاخذينله شي تعرفين فيه مو احسن؟؟ بدال لا تدفعين وآخر شي ما يعجبه،،
شرايج بهالاقتراحات
بوك + قلم من نفس الماركة
ساعة+ قلم من نفس الماركة
بجامة رجالية حلوة من نيكست مع البوكسرز ملوتها ونعال البيت وانتي بكرامة وعطره المفضل
والقرار لج حبيبتي

والتغليف سويه بنفسج وقوليله ان انتي اللي مغلفته أحلى والفناتق وايد روحي المكتبة وبتلقين كلشي تحتاجينه

يا حياتي مشكووره ما قصرتي بي انا يبتله كل شي منهم وقلت بغير عشان جذي متوهقه

اممممم اشتري له ساعه كشخه ويديده او بجاما راقيه

او انتي سوي شغله بأيدج وحطي اسمه فيها مادري احس شي واايد احلى من الهدايا لانه خلاص ملينا من الهدايا القليديه

ولج الخياار

من كشخته الناس حبته هههههههههههههه
حبيبتي انتي روحي محلات الخام الرجالي وهم يفيدونج انا دايم اسوي جذيه
والقلم في ماركة شيروتي اقلامهم عجيبة

مشكورييين حبايبي خذيت خام دشداشه و قلم