|
|
مساكم ورد وفل يا أحلى كويتيات
واللي بيشوفون موضوعي الصبح لا تزعلون
صباحكم عسل .gif "Eh S(22)")
شخباركم عزيزاتي ؟؟؟
أختكم >>> اللي هي انا (كوكتيل عسل) وأعوذ بالله من كلمة أنا
محتاجة لخبراتكم في الحياة الزوجية بجم شغلة شاغلين بالي وقلت مالي الا خواتي بأحلى منتدى
لأني ان شاء الله بنهاية هالسنة 2024م بنضم لكم وبصير من المتزوجات 
أهم الأمور اللي شاغلتني الحين هي:
1- في أيام العزوبية ، اختكم متعودة أنها (تزيل شعر الجسم بالحلاوة )بآخر يوم من كل دورة شهرية وانتو بكرامة
واللي محيرني الحين شسوي بالأيام اللي يبتدي يطلع فيها ؟؟؟ يعني بعد ثلاث أسابيع من هاليوم؟؟؟
وأنا أبي أكون جدام زوجي كاملة وما ابيه يشوفني ويتضايق مني
بتقولون لي سوي ليزر ، برد عليكم أخاف أجازف لأني لحد الحين مو مقتنعة من هالتقنية
وبنفس الوقت ما احب اغير نظامي اللي انا متعودة عليه
2- في أيام العزوبية ، تمر أيام على كل وحدة تكون نفسها بخشمها ومو طايقة نفسها وما تتحمل أي أحد جدامها، وأختكم في هذي الأيام متعودة أنها تكون قليلة الكلام وما تتكلم الا اذا كان الأمر يستدعي لأنها بكل بساطة تعرف نفسها أنها ممكن تضايق اللي جدامها
نصحوني شلون أتعامل مع زوجي بهالأيام ، وشلون أفهمه أنه هذي فترة مؤقتة وما راح اتطول وكل اللي ابيه منه انه يراعيني وما يزعل مني اذا انا سكت أو كنت شوي متنرفزة؟؟؟
بليز لا تبخلون علي بنصايحكم لأني أكبر وحدة وما عندي خوات كبار ينصحوني
اعتبروني أختكم الصغيرة وفيدوني من واقع تجاربكم العملية
تحياتي للجميع
ثانيا ,,,حبيبتي,,الصراحة احسن منها مافي,,واذا تستحين منه قولي له اني في ايام اكون فيها مو على طبيعتي,,فا لاتأخذ علي اذا شفتني متغيرة شوي,,,,,وان شاء الله راح يتفهم ولا تحاتين وايد,,,ان شاءالله الحياة بتمشي بشكل عادي,,,مبروك مقدمأ واذا بغيتي شي حاضرين حبوبة.
نفس ماطرحتي الموضوع لنا
بكل وضوح وكلمات بسيطة
قولي لبعلج
لا تعتقدين الرجل كائن غريب ولاغبي
ان شاء الله يكون زوجج من النوع الفاهم المتفهم
عادي متضايقة
قولي محتاجة اكون بروحي مالي خلق اتكلم بالعكس اذا شقردي تلقينه بيعزمج برة ويطلعج علشان تتغير النفسية
بالنسبة لازالة الشعر
عقب اسبوعين من الشيرة سوي تشقير
انا شخصيا لي بدى الشعر يطلع اصير محتشمة وخوش وحدة والكم طويل و اللبس طويل بس بصراحة ناوية عالليزر
وكل شي يتيسر
بالتوفيق
انا زوجي خلاص قام يعرف لي اذا شاف الموود معتفس حده درا بالسالفه
ألف شكر لكم على ردودكم اللي تشرح القلب
رفعتوا معنوياتي ، لأني شوي متخوفة من الحياة اليديدة الياية
غير انه الله يوفقج ويسعدج يا عسل
وعلى سالفة الدوره عااادي تكلمي معاه بهالموضوع
انا قبل كنت بشكل عام عصبيه و الحمدلله عدلت هالشي فيني وصرت حتى وقت الدوره اسوي كنترول على نفسي ما انفس ولا اعصب
عادي بتتعودين
المشكله مو هني المشكله لما تكونين انتي ماسكه اعصابج وقت الدوره ويجي هو اللي يعيل عليج ويتحرش بأعصابج
انا كذا مره صارتلي وما ارتحت الا لما كلمته قلت له فلان هالشي طبيعي بهالفتره وكيت وكيت
اوكي لا تدلعني ولا انا بعصب عليك وابيك تتحملني
انا بهالفتره اسكت واكون بحالي
الله لا يهينك بس لاتتحرش ف اعصابي
وخلاص من يومها مرتاحين
فمثل ماقلت لج تكلمي معاه بهالموضوع وهو بيتفهم مزاجج بهالايام ان شاء الله
والنفسيه عاااااادي خليج على طبيعتج وهو راح يتفهم ومايقصر نشالله
الله يوفقج حبيبتي ويسر امرج ويهنيج يارب
وبالنسبه للمزاج عادي حتى الرياييل تيييهم اوقات مايحبون يتكلمون اذا صار عندهم ضغط نفسي بسبب الشغل او مشاكل معينه
مثل ماراح تراعينه لامر بهالحاله اهو بعد اكيد بيراعيج
مشكوووووووووووووورين حبيبات قلبي والله فرحت بردودكم
اذا علي الشعر في اشياء واجد شمع نير موس بس
انا شخصيان مسويه ليزر وروعة
واذا علي الدورة فهميه الوضع ان عشان انتي عليج الدوره تصير نفسيتج تعبانة
لاتصير نفسج خايسة والرجال ما يدري شسالفة تري تصير نفسه اهو اخيس
مشكوورة حبيبة قلبي ماقصرتي
والبنات ماشاء الله كفوا ووفوا
وهذا عشمي في بنات المنتدى ماشاء الله عليهم يردون بأسرع وقت وما يقصرون أبد
وفيه شي ثاني بالنسبه لليزر انا كنت افكر فيه بس حبطوني اللي عندي اولا قالوا مش مضمون ممكن يطلع وبعدين جلسات طويله وغالي>>>>للمعلوميه انا من السعوديه اذا فيه وحده سعوديه عنده خبره بالموضوع ترد على الله يجزاها الجنه والله اني تعبت من هالشعر مليت ابي ارتاح منه قبل يجي المحروس
