|
|
ياناس شسوي قولولي والله ودي اموت وافتك هالزووج اللي عندي مايحس تخيلواااا
توني منومه ولدي وصارلي جم يوم اسهر معاه وادير بالي عليه واعطيه ادويته لانه مريض
ولما حطيته بسريره قربت يم زوجي بس ابي لضمه ابي احس بالامان وخر عني وقالي اهتمي بولدج لاتصيرين انانيه
بالله عليكم هالرد مايشلع القلب وبعدها عطاني ظهره ونايم على طول
ياناس قولولي شسوي انا والله صابره شنو هالشخص مافي احساس
امانه ردوو علي والله قلبي يحترق
ليش جذي ليش
انا مو متزوجه لكن بعد شهر ان شاء الله بكون زوجه وتعلمت من خبره امي وخواتي
واقولج
اصبري ثم اصبري ثم اصبري
والله مع الصابرين
الريال صايم اليوم وبيحط راسه يرتاح ميخالف وسعي الصدر واخذي كلامه مثل العسل علي قلبج وشوفي عمر واجرج عند ربي مايضيع وخلي ابو عمر لاحقه عليه اهم شي الولد قومي فيه وديري بالج عليه وانشاء الله يتشافي ويتعافي وتشوفينه معرس يا قادر ياكريم
قومي صلي لج ركعتين وآقري شوي بمصحفج وخلي الريال ينام وادعيله بالهدايه والصلاح وماكو الا العافيه لاتخلين ابليس يعفسج بالقيل والقال
حبيبتي لاتعورين قلبج , اعذريه يمكن تعبان او زعلان , او حاس انج اهملتيه شوي يبي يدلع عليج ..
ترا الريال طفل كبير والله , ساعات اسمع سوالف اقول صج ان الرياييل يهال ..
صج ساعات يسوون حركات بايخه بس والله لاتلومينهم ..
والحين احنا بالشهر الكريم , ادعي ربج وان شاءالله بتلقين اللي يسرج ..
والله يخلى ولدكم لكم ويتربى فى عزكم
ويهدى زوجج لج
يمكن الريال متضايق على ولده
هونيها وتهون ولا تشيلين بخاطرج
وعلى الاحساس كل الريايل جذي واولهم ريلي بس اسم الله عليج لو اطيحين بمستشفى بتسشزفين اشلون يطلع الاحساس اسأل مجرب ولا تسأل طبيب
اسمعي وانا اختج لاتظلمين الرجال يمكن فعلن تعبان التمسيله العذر واصبري وحنا بشهر الخير الحين كثري من الدعاء ان الله يسخرلج قلب زوجج ياااارب ويسخر قلب كل الازواج لزوجاتهم
لا تتسرعين فديتج ..
الله يهديكم و يخليكم بعض ان شاء الله
بس انتي اللي احتجتيه لمه
يمكن عباله تبين شي ثاني واهو تعبان
مايندرا
المهم ادعي
او قوليله بلمك بس!
ادعى ربج انه يهديه لج ولولده الظاهر انه غار يمكن لانج شوى قل اهتمامج فيه
اهتمى بولدج وديرى بالج عليه
بس هم اهتمى فيه
ترى الريال كثر ما تعود عليج كثر ما قدر يستغنى عنج
ولو غبتى ساعه تلقين تلفونج يرقع تاخرتى
ديرى بالج على بيتج وخلج من وساوس الشيطان
يعني التقصير مني
يمكن اهو متضايق عشان ولده مريض اعذريه يااختي وادعيله بهالايام الفضيله ان الله يهديه
واليوم بعد ماتفطرون وترتاحون روحي واحضنيه عسى الله لايفرقكم ويهنيكم مع بعض يارب