ياربي بتلشت بهالقطوه تعالو شوفولي حل معاهاااااا

السلام عليكم
انا لقيت قطوه شيرازيه بالشارع ضايعه وطلعت ظايعه من شهر تقريبا لانها طلعت حامل صارها شهر ومغبره ومسكينه ماصدقت تلاقي مكان يدفيها ( يعني قالتلي )

المهم انا قلت اعتني فيها واخذ فيها اجر بس مشكلتهاااااااا ياربييييييييييييييييييييييييييييييييييييي

ماتروح الحمام اذا بتسوي تكروموووون بوله ههههههههههههههههه امبيه تظحك السالفه
حنها ياهل تبول على روحها
وانا مالي خلق كل شوي مسبحتها لانها دمرت روحها وهي حامل وانا اخاف على مشاعرها عشتوووووووووووو

قمت طلعتها بالحوش بس الحوش مغطة من فوق مثل مظله جذي فقلت اخليها مع اليتر بوكس مالها وحطيت لها صندوق وحطيت فوطه نظيفه و خليته صاد عن الهوا
بس هم في مشكله عويصه في قطوه انا مسميتها ام شامه هاذي تبط الجبد ياربيييييييييييييييييييي مناشبه كل قطاوتي الي اييبهم تييي تصعد فوق المظله وتطل على قطوتيييييييييي وانا احط لها اكل بره فأخاف ام شامه الخايسه تنط عليها وتتهاوش معاها عشان تاكل اكلها
الحين ماكو حل غيير انيي اعودها على الرمل مالها عشان ماتسويها بالبيت معاناة والله
ودي اذبح ام شامه الخايسه وافتك منهاااااا الجيكره الحين مادري شلون اخلي قطوتي بالحوش اخاف تنط عليها ام شامه وتخرعها اهي بروحها حاامل

ابي حللللللللللللللللللللللللللللللللللللللللللللللللل لللللللللللللللللل لا ابجي واغرقكم بجي الحين

هههههههههههههههههههههه

قلعتج محد قالج تلقطين قطاوه الشوارع في بيتكم

ابتلشتي فيهم هع

انا اقول اذا لهدرجه خايفه عليها من ام شامه ع قولتج جيبي لها قفص لايتذابحون هع

خخخخخخخخخخخخ

سالفتج سالفه

انزين قطوة منو هذي ام شامه!؟؟؟

ليش ماتطلعونها من البيت او العكس تدخلونها بيتكم وام بوله تخلونها برا ههههههه

ام شامه قطوه شارع اهي عندها شامه صوب خشمها عشان جذي سميتها ام شامه
وهالقطوه الي تقولي قلعتج حرام بالعكس كسرت خاطري ظايعه وشكلها يكسر الخااطر لانها شيرازيه وحسيتها اليييييفه فقلت اعتني فيها ولو شفتي شلون قامت تاكل يوم عطيتها اكل حسيتها ماكلت من دهر

بنات لا تتطنزون الي عندها حل شللون اعود القطوه على التراب تقول بليز

لا لا تقطينها بعدين تييبلج بيبيات حلوين
وع سالفة الحمام خليها تشم الي سوته وفخليها تشم الرمل بس ترى تعليم القطاوه الكبار صعب يعني يبيلهم مده وحبسيها بمكان اهيا واللتر بكس مالها علشان تعرف مكانه بسع ما تتعلم يبيلها وقت يعني اسبوع اسبوعين يعني حسب في يتعلمون بيوم واحد والله هذا الي اعرفه

كل ماا عطيتهاا اكل شيلها وحذفيهااا بالبوكس مالهااا خليها تشم التراب اناا قطوتي لصغيره جذي ما كانت تعرف حق الحمام وكنت كله حاطه ايدي على قلبي ان توصخ في البيت وامي تزفني فكل عشر دقايق اشيلها احطهاااا وبليل احبسها بقفصهاااااا لماا تعلمت

مشكورييين وايد shayo0oma و MiiMoo
انا الحيين مجابلتها على طول كل شوي اوديها حق الرمل مالها عشان تدل مكاانها وماتسويها بأي مكان
يارب ماتتعبني لان مسؤوليه كل ما بالت احس ابوي وامي بزفوني

سالفتج عجيبه غريبه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه يننتج بالضحكه مو هههه

بنات شدعوا معقدين السالفه انه يبيلها اسبوع او اسبوعين على ماتعلم
كله يومين ثلاث ايام وبتعلم انشالله
حبوبه انتي كل ماكلت وخلصت اكل وديها عند اللتر بوكس مالها وقعدي يمها مسحي على راسها
واهي من نفسها بتعرف انه مكان وصخها
وانشالله ماتتعبج معاها

اي صح مثل ماقالو البنات
او شيليها وحطيها بالرمل واذا سوت بره طقيها بطرف صبعج على راسها بالخفيف كتوبيخ عشان تحس انه غلط ترى تفهم

ولا تطلعينها بالحوش كلششش

ما قصروا البنات
و اذا ولدت انا حاجزه بيبي من بيبياتها لوول