ياخوات المعرس هل هالشي ضروري ؟؟؟!!!!

السلااااام عليكم حبايبي

ألف مبروووووووووووك حق اللي تزوجواا والفال للباااجيييين ياااحلويييييييييييين

الزبـــــــــــــدة والموضوع ومافيه ان بروتوكول العرس عند أهلي غيييييييييير

له أول ماله تاااالي ..

يعني أولاا نسوي العرس ماقلنااا عنه أي شي وهو طبعاا ضرووري وأساسي والكل يحب يحضره ويوجب

أهل المعاريس وخوات المعرس لااازم كلهم يحضرونه مهما كانت أعذارهم ..

بعدين عندناا حفلة ثانية في بيت المعرس ثاني ليلة عشان ننزل فيهاا العروس ويحتفلوون فيهاا أهل المعرس

وقلناااا تستاااهل العرووس وأهلهاا وقدرهم ع العين والراااس …

ثالثاا تجي عندناا حفلة أهل العرووس دور اسبوع عرسهاا .. طبعاا تسويهاا أم العروس في بيتهاا عشان

القرايب و الجيران اللي ماقدرواا يحضرون العرس يجون الحفلة ويباركون حق العروس وأمهااا

وهذي بعد ماقلناا فيهاا شي لأنهاا مهمة ومن أساسياات العروس عندناا ..

الحين السؤااال اللي يطرح نفسه :

هل ضرووووووووري ولاااااازم وفرررررض عيييييييين ان خوات المعرس كللللللللهم

يحضرون حفلة العروس؟؟

خصوصااا اذا كانت وحدة منهم حااامل بأول التااااااااااسع وتعباانة ومالهاا خلق مثل حالاتي ؟؟

ناطرة تفاعلكم ياخوات المعرس وياعرايس بعد عطوناا رايكم بالموضوع

دقي على العروس وقوليلها ولا كلميها بنفسسج تعذري منها قولي انا تعباانه < حق وواجب

وانا عروس وعرسي قريب وعاااادي لو ما حضرو كلهم النااااس لها ضروفهااا بعد < عاد اتصدقين

ع باالي ماا نعزمهم بس اهلي وجماعتنا لوووووووووووول < داااجه

لاحبيبتي انتي مو دااجة الحفلة فعلاا حق أهل العروس وجيرانهاا

لكن حضور أهل المعرس أو جزء منهم بروتوكول مو أكثر

يعطيج العافية حبيبتي ع المشاركة..ناطرة تفاعل أكثر وهم أبي

أشوف تجارب البنات سواء عرايس ولا خوات معرس..

دقي حبيبتي على العروس او امها وتعذري منها فشلة

ومافيها شي ترى اكيد بتعذرج

أي عادي مو ضروري أهم كلهم يحضرون ردة أسبوع العروس

يدرون أنج حامل وراح يعذرونج صدقيني
صارت هالسالفه بعايلتنا

لا عادي مو لازم كلهم يحضرون

فدييييت كل اللي ردواا حبايبي مااقصرتواا

وحابة أناقش البنات اللي قالوا دقي على العروس وتعذري منهاا

أتعذر من شنو بالضبط؟؟ أخاف غلطت عليهاا وانا مادري؟؟

بالذمة انتوا تسوونهاا .. تدقون على مرت أخوكم العروس وتعتذرون

منهاا شخصياا انكم ماتقدرون تحضرون؟؟ .. بنات أبي حجي منطقي شوي

وأبي بنات مجربات الموقف مو يتكلمون عن شي ماشافوه ولا حتى سمعوا عنه ..

واللي قالواا مو لازم كلهم يحضرون أدري والله والدليل ان في خوات عروس ماحضرواا

عرس أختهم بكبره مو حفلة بيت !!! .. لا ومو وحدة ولا ثنتين الا كذااا وحدة أعرفهاا شخصياا ولافي أحد

قال عنهم شي ولاحتى تشره عليهم .. المشكلة في اللي مايعذرج اذا مارحتي ولا يقدر ظرفج الصحي

الله المستعاان بس ..

ياحلوج
اشفيج معصبة؟
بصراحة الغايب عذره معاه
والعروس صارت مغثة ومصاريف اكثر من الوناسة
والوحدة خاصة لي صاروا عيالها صغار ماتقدر تخليهم علشان تحضر حفلات الا الضرورية

و الله أنا صارت معاي هالحاله بعرس أخوي شخصيا ما حضرت العرس بكبره لأني كنت حامل بالتاسع و تعبانه مثلج بالضبط
و رد إسبوع العروس ما حضرت لأني ولدت بنفس اليوم و لا تعذرت و لادقيت على أحد بعد العذر من الله
أروح حفله عروس و الناس بوادي و أنا بوادي
نصيحه إخت لا تجاملين على حساب نفسج

ياااحيااتي ياناتشووووووو جنج حااسة فيني

وربي تعبااانة ومعصبة من قلللب

توه قبل 3 أيام كان عرس أخوي وعقبه صارت

حفلته وبالغصب وقفت فيهاا وتحاملت على نفسي

عشان خاطر أمي بس مع اني رااافضة فكرة الحفلة بكبرهاا

لكن قلت ماعليه كلهاا يوم ونخلص .. الحين طلعت لنا حفلة العروس

والمصيبة مو بس بالمصاريف <<<<<< وراهاا استقبال بالمستشفى

المصيبة لما محد يعذرج ويقوللج لاااازم تروحين مع ان في مجال أحد

غيري يسد مكاني بالحفلة .. لاانا اللي برقص ولاني اللي بحضر واستانس

الا روحة كلهاا مغثة بمغثة ..

اي والله صدقتي ياقلبي العذر من الله مو من الناس

والله لو هو شي ضروري ووااااجب

وفرض عين لروح .. لكن على قولتج ماأقدر أجامل على حساب نفسي

المجاملة بهالزمن مامنهاا فايدة

كل من يقول نفسي نفسي ولايعذر ولايقدر..

الله يهون عليج
بعد الحامل من الشهر الاول الكل يعذرها وعذرها معاها
بيني وجهة نظرج لامج اذا كانت هي اللي قاعدة تقنعج تروحين

يا سلام ليش انشاالله دقين تعذرين هااااااه
لا لا لا لا لا لا لا اخاف صج ادقين تعذرين ماله داااعي اصلا عذرج معااااااج انتي حااامل وذا كلش ملش بيوم الحفله خلي امج تقول حق ام العروس انى فلانه مااقدرت تجي تعباااااانه حاااامل

تصدقين كل من شافني بالعرس كسرت خااطره

لدرجة بعدين انا كسرت خاطر نفسي لووووووووووول

والله العظيم ان كل من حسباله اني بولد ليلة العرس

عشان جذي قلت ليش أعتذرررررر اذا كان الكل شايف

عذري معاي