ياحوامل فيدوني بموت من الخوف :(

حبيبتي ريح عمرج لا تتحركين انا اختي نزل عليها دم شوي قالو لازم ترتاح وتنام على طهرها انشالله ماكو ِ شي… انتي تراجعين مركز صباح سالم التخصصي؟ زين ولا لا انا قبل يومين دريت حامل وبرح اهناك تنصحيني فيه؟

و الله مادري شقولج روحي الطواري احسن عشان تتطمنين تري انا نفس حالتج و الادهي و الامر ان حاطين لي موعد 23 سبتمبر لان بامريكا ما ياخذون الحامل الا في الاسبوع العاشر و طالع حتي الطواري ما منهم فايدة لا تاخذين حق و لا باطل بس روحي تطمني احسن

روحي طوارىء احسن تطمني وارتاحي اخاف عنق الرحم يكون مفتوح او ان من التعب اوشايلة شي ثقيل اوتصعدين الدرج وايد شربي ماي مذوب بالنشا وايد زين

طمنينا عليج والله يثبت لج حملج يارب

الله يجزاكم خير
انا بالسعودية اراجع بمستشفى الملك فيصل التخصصي بجدة القسم الخاص
وبشوف بعد الفطور بروح الطوارئ حق المركز الطبي الدولي لانه الطوارئ عندهم وايد ممتازة
ودعواتكم والشر مايجيكم

انشالله ماكو إلا العافيه بس روحي طوارئ عشان تتطمنين اكثر

وين ردودكم بنات

ماتشوفين شر انشالله انا صارلي جذي اول حملي ولما راجعت قالت لي دكتورتي ان المشمية شوية نازلة نصحتني بالراحة وانسدح على ظهري وارفع ريلي

ماتشوفين شر يا عمري

هذا نفس اللي صار معاي في الشهر الثالث وسوت لي الدكتورة (نجمه بالسلام ) سونار وقالت مو مبين شيئ وعطتني حبوب مثبته لمدة شهر مرتين في اليوم وابر تثبيت مرة بالأسبوع لمدة شهر وقالت بعطيج اجازة من دوامج وريحي لا تبذلين مجهود والحمد لله يومين من أخذت العلاج واتبعت ارشاداتها استقرت حالتي .

ما فيش إلا العافيه بس روحي راجعي أحسن

روحي الطبيب باقرب وقت ليش ساكته

شلونكم بنات

مدري شقولكم

بس الحمد لله على كل حال

رحت حق الطوارئ يوم الجمعة وصار اللي صار

كان في دكتورة اخصائية نساء وولادة مصرية مناوبة جت وشافتني

كان الضغط نازل 96 على 60

المهم قالت لي لك كم اسبوع قلتلها 10 اسابيع

قالت متى جاتك اخر دورة قلتلها جاتني 23- 6 وانتهت 27- 6

قالت لا الحسبة غلط

وسالتني شنو المشكلة قلتلها نزل مني دم لونه بني وصار احمر

قالت الحين اسويلك الترا ساوند ويبين

سوت الالترا ساوند

وقالت لي معليش يامدام بسويلش داخلي عن طريق المهبل لاني مو سامعة النبض

المهم وتدخل الجهاز وانا بموت من الالم وتلف يمين ويسار ويوم طلعته صار ينزل مني دم اكثر

وقالت يامدام الجنين مافيه نبض انتي امام خيارين تروحين البيت وتنظرين وينزل او اسويلك عملية تنظيف

انا صرت اطالع بزوجي انفجعت

قلتلها بشوف انشالله قالت او تعالي الاسبوع الجاي ونشوف يمكن نسمع النبض انا حسيتها تلعب باعصابي وتبي تدخل فلوس للمستشفى

من الترا ساوند عادي لداخلي لتحليل

المهم رحت البيت ومن البارح وانا بس ابكي ونتظر موعد طبيبتي الاربعاء بروحلها وبشوف اش تقولي

امانه تدعون لي

اهلي كلهم وصديقاتي زفوني اش حقه اسوي الداخلي ويمكن الحسبه غلط وللحين مايبين النبض مدري بس الي تعرف متى يبين النبض او صار لها مثلي تقولي اخاف اسوي عملية تنظيف ويطلع الجنين حي مادري

تكفون ردولي

حصل معاي جذي من قبل

الله المُستعــــــــــــان

النبض يبيّن في الاسبوع الثامن أعتقد

أسأل الله أن يصبّرك ويوفقكِ لخيري الدنيا والآخرة ويحي اللي في بطنكِ ،،

اصبري وعليكِ بالدعاء ، إن كان الله كاتب له حياة سيحيا

{هُوَ يُحْيِي وَيُمِيتُ وَإِلَيْهِ تُرْجَعُونَ }يونس56

أنا صار معاي نفسج .. وغلطتي الكبيرة السونار الداخلي وسقطت .. والله رزقني بالحمال عقب 3 أشهر